av subba reddy: భూమా ఫ్యామిలీకి 30 ఏళ్లు అండగా ఉన్నా.. నన్ను చంపాల్సిన అవసరమేంటి: సుబ్బారెడ్డి – av subba reddy counters ex minister akhila priya comments


కర్నూలు జిల్లా టీడీపీ రాజకీయాలు వేడెక్కాయి. మాజీ మంత్రి అఖిలప్రియ-సీనియర్ నేత ఏవీ సుబ్బారెడ్డి మధ్య మాటల యుద్ధం నడుస్తోంది. శుక్రవారం అఖిప్రియ చేసిన వ్యాఖ్యలకు సుబ్బారెడ్డి కౌంటర్ ఇచ్చారు. తన ఆరోపణలకు సమాధానం ఇవ్వకుండా ఆళ్లగడ్డ రమ్మని అఖిలప్రియ అంటున్నారని.. హత్యకు కుట్ర చేసింది నిజంకాదా.. అఖిలప్రియ ముద్దాయా కాదా అంటూ ప్రశ్నించారు. ‘అఖిలప్రియ నాకు రాజకీయం నేర్పుతుందా.. అఖిలప్రియపై నేను కంప్లైంట్ చేయలేదు.. నాలుగో ముద్దాయి అని పోలీసులు చెబితేనే నాకు తెలిసింది’ అన్నారు ఏవీ.

ఆళ్లగడ్డ రాజకీయాలు, గత చరిత్ర ఏంటో అక్కడ సీనియర్ నేతల్ని అడిగితే చెబుతారన్నారు సుబ్బారెడ్డి. తన మిత్రుడు, అఖిలప్రియ తండ్రి భూమా నాగిరెడ్డి నామినేషన్ వేసేందుకు వెళుతుంటే.. ప్రత్యర్థులు బాంబులు వేసి, తుపాకులతో వస్తే భుజాలపై వేసుకుని తీసుకెళ్లి నామినేషన్ వేయించాను అన్నారు. ఆళ్లగడ్డలో రాజకీయంగా తాను అడ్డుపడటం లేదని.. నాగిరెడ్డి కోసం నంద్యాల సీటు వదులుకున్న చరిత్ర తనదన్నారు. నాగిరెడ్డి కోసం తాను ఎన్నికల్లో పోటీ చేయకుండా తప్పుకున్నానని.. భూమా కుటుంబానికి 30 ఏళ్లు అండగా ఉన్నా.. తన కూతుళ్లతో సమానంగా అఖిలప్రియ పెరిగింది.. రాజకీయంగా తనను చంపాల్సిన అవసరం ఏంటో ఆమె చెప్పాలన్నారు.

తాను కార్యకర్తలను తాను ఎలా కాపాడుకుంటానో.. ఆళ్లగడ్డలో స్థానిక నేతలను అడిగితే తెలుస్తుందన్నారు ఏవీ. అఖిలప్రియ మరో నాలుగేళ్లు ఇంఛార్జ్‌గా ఉంటే మరెందరు చనిపోతారో అన్నారు. ఆళ్లగడ్డలో ఆమెకు తప్ప ఎవరికి సీటు ఇచ్చినా తన మద్దతు ఉంటుందన్నారు. టీడీపీ అధిష్టానం దీనిపై ఆలోచన చేయాలని ఏవీ సుబ్బారెడ్డి అంటున్నారు.



Source link

Leave a Reply

Your email address will not be published. Required fields are marked *