Axar Patel: CSK vs DC: ధోనీకి నాలుగేళ్ల తర్వాత 6, 6, 2, 6తో అక్షర్ పటేల్ రిటర్న్ గిఫ్ట్ – ipl 2020 csk vs dc: axar patel destroys ravindra jadeja in the last over to secure consolation win for dc


ఐపీఎల్ 2020 సీజన్‌లో ఢిల్లీ క్యాపిటల్స్ ఆల్‌రౌండర్ అక్షర్ పటేల్‌ శనివారం రాత్రి సంచలన హిట్టింగ్‌తో అందర్నీ ఆశ్చర్యపరిచాడు. షార్జా వేదికగా చెన్నై సూపర్ కింగ్స్‌తో జరిగిన మ్యాచ్‌లో.. ఢిల్లీ విజయానికి చివరి 6 బంతుల్లో 17 పరుగులు అవసరమవగా.. రవీంద్ర జడేజా బౌలింగ్‌లో అక్షర్ పటేల్ వరుసగా 6, 6, 2, 6 బాదేసి ఒక బంతి మిగిలి ఉండగానే టీమ్‌ని గెలిపించాడు. గాయం కారణంగా డ్వేన్ బ్రావో మైదానం వీడటంతో జడేజాతో బౌలింగ్ చేయించిన చెన్నై కెప్టెన్ మహేంద్రసింగ్ ధోనీ మూల్యం చెల్లించుకోగా.. అక్షర్ పటేల్ కూడా నాలుగేళ్ల తర్వాత ధోనీకి అదే తరహాలో రిటర్న్ గిఫ్ట్ ఇచ్చాడు.

Read More: ఆఖరి ఓవర్ బ్రావో ఎందుకు బౌలింగ్ చేయలేదంటే..?

ఐపీఎల్ 2016 సీజన్‌లో రైజింగ్ పుణె సూపర్ జెయింట్స్‌కి ధోనీ ఆడగా.. కింగ్స్ ఎలెవన్ పంజాబ్ తరఫున అక్షర్ పటేల్ మ్యాచ్‌లు ఆడాడు. లీగ్ దశ‌ ఆఖరి మ్యాచ్‌లో పుణె విజయానికి చివరి 6 బంతుల్లో 23 పరుగులు అవసరమవగా.. అప్పటి పంజాబ్ కెప్టెన్ మురళీ విజయ్ స్పిన్నర్ అక్షర్ పటేల్ చేతికి బంతినిచ్చాడు. దాంతో.. ఆ ఓవర్‌లో తొలి బంతిని డాట్ చేసిన అక్షర్.. రెండో బంతిని వైడ్ రూపంలో విసిరేశాడు. ఆ తర్వాత వరుసగా ఐదు బంతుల్ని ధోనీ 6, 0, 4, 6, 6గా మలిచేసి పుణెని గెలిపించాడు. మూడో బంతి కూడా దాదాపు బౌండరీ వెళ్లేలా కనిపించింది. కానీ.. ఫీల్డర్ హసీమ్ అమ్లా అద్భుత రీతిలో డైవ్ చేసి బంతిని బౌండరీకి వెళ్లకుండా ఆపాడు. నాన్‌స్ట్రైక్ ఎండ్‌లో అశ్విన్ ఉండటంతో.. ధోనీ పరుగు తీసేందుకు సాహసించలేదు.

Read More: ధోనీ అంచనాలు తలకిందులు.. చెన్నై ఓటమికి కారణాలివే!

శనివారం రాత్రి షార్జాలోనూ చివరి ఓవర్‌లో ఢిల్లీ విజయానికి 17 పరుగులు అవసరంకాగా.. తొలి బంతిని జడేజా వైడ్ రూపంలో విసిరేశాడు. ఆ తర్వాత బంతికి శిఖర్ ధావన్ సింగిల్ తీయగా.. రెండో బంతి నుంచి అక్షర్ పటేల్ వరుసగా 6, 6, 2, 6 బాదేశాడు. దాంతో.. 2016 నాటి మ్యాచ్‌ని ప్రస్తావిస్తూ ధోనీకి అక్షర్ పటేల్ భలే రిటర్న్ గిఫ్ట్ ఇచ్చాడంటూ అభిమానులు సెటైర్లు వేస్తున్నారు. తాజా విజయంతో పాయింట్ల పట్టికలో ఏడు విజయాలతో ఢిల్లీ అగ్రస్థానానికి దూసుకెళ్లగా.. చెన్నై టీమ్ ఆరో ఓటమితో ప్లేఆఫ్ ఆశల్నిసంక్లిష్టం చేసుకుంది.

Read More: IPL Points Table: అగ్రస్థానంలో ఢిల్లీ.. ఆశల పల్లకిలో సన్‌రైజర్స్!



Source link

Leave a Reply

Your email address will not be published. Required fields are marked *