Babar Azam: పాకిస్థాన్ కొత్త కెప్టెన్‌పై షోయబ్ అక్తర్, లతీఫ్ విసుర్లు – shoaib akhtar, rashid latif criticise pakistan captain babar azam


పాకిస్థాన్ వన్డే, టీ20 కెప్టెన్ బాబర్ అజామ్‌‌కి ఎలాంటి విజన్ లేదని ఆ దేశ మాజీ క్రికెటర్లు షోయబ్ అక్తర్, రషీద్ లతీఫ్ విమర్శించారు. గత ఏడాది పాకిస్థాన్ వన్డే టీమ్ కెప్టెన్సీ బాధ్యతల నుంచి సర్ఫరాజ్ అహ్మద్‌ని తప్పించిన పాకిస్థాన్ క్రికెట్ బోర్డు (పీసీబీ).. గత వారం వరకూ ఎవరికీ ఆ బాధ్యతలు అప్పగించలేదు. అయితే.. త్వరలోనే పాకిస్థాన్ జట్టు ఇంగ్లాండ్ పర్యటనకి వెళ్లనుండటంతో వన్డే టీమ్ పగ్గాలని కూడా బాబర్ అజామ్‌కే పీసీబీ అప్పగించింది. అయితే.. బాబర్‌కి సరైన కమ్యూనికేషన్ స్కిల్స్‌ లేవని చెప్పుకొస్తున్న పాక్ మాజీ క్రికెటర్లు.. అతనిలో ఎలాంటి విజన్ కనిపించడం లేదని ఎద్దేవా చేస్తున్నారు.

Read More: పాక్‌ కెప్టెన్‌కి ఇంగ్లీష్‌తో పనేంటి..? ఉర్దూ తెలుసుగా..!: ముస్తాక్

వన్డే టీమ్ కెప్టెన్‌గా బాధ్యతలు చేపట్టిన తర్వాత తాజాగా మీడియా సమావేశంలో బాబర్ అజామ్ మాట్లాడుతుండగా.. విలేకర్ల నుంచి భిన్నమైన ప్రశ్నలు వచ్చాయి. వాటిలో కొన్నింటికి తడుముకున్న బాబర్.. మరికొన్నింటికి హుందాగా జవాబివ్వలేకపోయాడు. దాంతో.. కెప్టెన్‌కి ఉండాల్సిన అర్హతలు అతనికి లేవని చెప్పుకొచ్చిన లతీఫ్.. లాంగ్వేజ్ కారణంగా వార్తల్లో నిలవడం శోచనీయమని అభిప్రాయపడ్డాడు.

‘‘ప్రెస్ కాన్ఫరెన్స్‌లో కెప్టెన్‌గా బాబర్ అజామ్ తనకి ఎలాంటి విజన్ లేదని స్పష్టంగా చెప్పినట్లయింది. పాక్ కెప్టెన్ లక్ష్యాల గురించి కాకుండా కేవలం లాంగ్వేజ్ కారణంగా వార్తల్లో నిలవడమేంటి..? అతడ్ని ఇప్పటికే విరాట్ కోహ్లీతో మేము పోలుస్తున్నాం. కాబట్టి.. ఇప్పటికైనా బాబర్ అజామ్ ఎవరో ఇచ్చిన స్క్రిప్ట్‌ని చదవకుండా తనే సొంతంగా లక్ష్యాల గురించి మాట్లాడితే మంచిది’’ అని లతీఫ్ సూచించాడు.

‘‘ఇమ్రాన్ ఖాన్ తరహాలో బాబర్ అజామ్ కూడా కెప్టెన్‌గా ఎదగాలని ఆశిస్తున్నాడు. కానీ.. ఇమ్రాన్ అంటే కేవలం క్రికెట్ మాత్రమే కాదు.. వ్యక్తిగతంగానూ హుందాగా వ్యవహరించే వ్యక్తి. గత 10 ఏళ్లలో పాక్ క్రికెట్‌లో జరిగిన మార్పుల గురించి బాబర్ అజామ్ ప్రెస్ కాన్ఫరెన్స్‌లో చెప్పాడు. అవి అందరికీ తెలుసు. బాబర్ ఇకనైనా తన కమ్యూనికేషన్ స్కిల్స్‌ మెరుగుపర్చుకుంటే మంచిది’’ అని షోయబ్ అక్తర్ హితవు పలికాడు.



Source link

Leave a Reply

Your email address will not be published. Required fields are marked *