Babar Azam: పాక్ కెప్టెన్ బాబర్ బ్యాటింగ్‌ టెక్నిక్‌లో లోపమిదే..!: సోహైల్ – pakistan odi captain babar azam has faulty batting technique: aamer sohail


పాకిస్థాన్ వన్డే/ టీ20 కెప్టెన్ బాబర్ అజామ్ బ్యాటింగ్‌ టెక్నిక్‌లో ఓ లోపముందని ఆ దేశ మాజీ క్రికెటర్ అమీర్ సోహైల్ అభిప్రాయపడ్డాడు. గత ఏడాది సర్ఫరాజ్ అహ్మద్‌ని పూర్తి స్థాయిలో కెప్టెన్సీ బాధ్యతల నుంచి తప్పించిన పాకిస్థాన్ క్రికెట్ బోర్డు.. బాబర్‌కి వరుసగా టీ20, వన్డే టీమ్ పగ్గాలు అప్పగించిన విషయం తెలిసిందే. ఇప్పటికే బ్యాట్స్‌మెన్‌గా నిరూపించుకున్న బాబర్.. కెప్టెన్‌గా ఏ మేరకు పాక్ జట్టుని నడిపించగలడు..? అని అంతా ఆసక్తిగా ఎదురుచూస్తున్నారు. మరికొందరు కెప్టెన్సీ అతని బ్యాటింగ్‌పై ప్రభావం చూపుతుందని కూడా జోస్యం చెప్తున్నారు. మొత్తంగా.. ఇప్పుడు పాక్ క్రికెట్‌లో బాబర్ అజామ్ గురించే ఎక్కువగా చర్చ నడుస్తోంది.

బాబర్ అజామ్ గురించి తాజాగా ఓ ఇంటర్వ్యూలో అమీర్ సోహైల్ మాట్లాడుతూ.. ‘‘బాబర్ అజామ్ బ్యాటింగ్ టెక్నిక్‌లో చిన్న లోపముంది. అది షాట్స్ ఎంపికపరంగా కాదు.. క్రీజులో అతని సెటప్, స్టాన్స్ పరంగా బలహీనంగా ఉన్నాడు. బాబర్ ప్రతి బంతినీ ఎదుర్కొనే ముందు ఫస్ట్ అతను ఆఫ్ స్టంప్‌‌ లైన్‌పైకి వెళ్తున్నాడు. బహుశా బౌల్డ్ లేదా ఎల్బీడబ్ల్యూ ఔట్ నుంచి తప్పించుకునేందు అతను అలా మూవ్ అవుతున్నాడేమో..? కానీ.. ఆ లోపాన్ని అతను సరిదిద్దుకోగలిగితే బౌలర్లపై మరింత ఆధిపత్యాన్ని అతను కనబర్చగలడు’’ అని సోహైల్ వెల్లడించాడు.

2015లో అంతర్జాతీయ క్రికెట్‌లోకి అరంగేట్రం బాబర్ అజామ్ ఇప్పటి వరకూ 26 టెస్టులు, 74 వన్డేలు, 38 టీ20 మ్యాచ్‌లాడాడు. నిలకడలో భారత కెప్టెన్ విరాట్ కోహ్లీని తలపిస్తున్న అజామ్‌ని.. పాక్ విరాట్ కోహ్లీగా అక్కడి అభిమానులు ముద్దుగా పిలుస్తున్నారు.



Source link

Leave a Reply

Your email address will not be published. Required fields are marked *