bajaj auto: దూసుకొచ్చిన బజాజ్.. హీరో కంపెనీ భారీ షాక్! – bajaj beats hero motocorp to become india largest two wheeler manufacturer


ప్రధానాంశాలు:

  • హీరో మోటొకార్ప్‌ను దాటేసిన బజాజ్
  • టూవీలర్ల అమ్మకాలో బజాజ్ దూకుడు
  • దేశీ అతిపెద్ద టూవీలర్ తయారీ కంపెనీగా రికార్డ్

కోవిడ్ 19 వల్ల దేశీ టూవీలర్ మార్కెట్‌లో విప్లవాత్మకమైన పరిణామం చోటుచేసుకుంది. అతిపెద్ద టూవీలర్ కంపెనీగా కొనసాగుతూ వచ్చిన హీరో మోటొకార్ప్‌కు భారీ ఝలక్ తగిలింది. బజాజ్ ఆటో ఇప్పుడు హీరో కంపెనీకి షాకిచ్చింది. ఏకంగా హీరో కంపెనీనే వెనక్కు నెట్టేసింది. దేశీ అతిపెద్ద టూవీలర్ తయారీ కంపెనీగా ఆవిర్భవించింది.

బజాజ్ ఆటో మే నెలలో హీరో మోటొకార్ప్ కంపెనీని అధిగమించింది. బజాజ్ కంపెనీ మే నెలలో 1,12,798 యూనిట్ల వాహనాలను విక్రయించింది. అదేసమయంలో హీరో కంపెనీ టూవీలర్ల అమ్మకాలు 1,12,682 యూనిట్లుగా ఉన్నాయి. ఏప్రిల్ నెలలో కూడా బజాజ్ ఆటో.. హీరో మోటొకార్ప్ కన్నా మంచి పనితీరు కనబర్చింది. అయితే అప్పుడు ఎగుమతులు మాత్రమే ఉన్నాయి. దేశీ మార్కెట్‌లో అమ్మకాలు లేవు.

Also Read: శుభవార్త.. దిగొచ్చిన బంగారం ధర.. భారీగా పతనమైన వెండి!

బజాజ్ ఆటో ఎగుమతులు పెరుగుతూ వస్తుండటం కంపెనీకి కలిసొచ్చే అంశమని చెప్పుకోవచ్చు. బజాజ్ ఆటో ప్రధానంగా టూవీలర్లు లక్ష్యంగా దూసుకెళ్తోంది. కంపెనీ ఇటీవలనే బజాజ్ ఇ-చెతక్ స్కూటర్‌ను కూడా ఆవిష్కరించింది. దీని ద్వారా స్కూటర్ విభాగంలో దూసుకెళ్లాలని ప్రయత్నిస్తోంది. హీరో మోటో కార్ప్ మాత్రం టూవీలర్లతోపాటు స్కూటర్లను కూడా ఎప్పటి నుంచో తయారు చేస్తూ వస్తోంది.

Also Read: హెచ్‌డీఎఫ్‌సీ బ్యాంక్ కస్టమర్లకు శుభవార్త.. లోన్ ఈఎంఐ, క్రెడిట్ కార్డు బిల్లు కట్టక్కర్లేదు!

బజాజ్ మే నెల టూవీలర్ల అమ్మకాల్లో ఎగుమతులు మాత్రమే ఏకంగా 65 శాతం వాటాను ఆక్రమించాయి. దేశీ మార్కెట్‌లో బజాజ్ కంపెనీ 39,286 యూనిట్ల వాహనాలను విక్రయించింది. దీంతో హీరో మోటొకార్ప్ కంపెనీని వెనక్కి నెట్టి ముందుకు వెళ్లిపోయింది.

ఇకపోతే కేవలం బజాజ్ ఆటో మాత్రమే కాకుండా లాక్ డౌన్ మరో టూవీలర్ కంపెనీకి కూడా కలిసొచ్చిందని చెప్పుకోవచ్చు. ఆ కంపెనీ మరేదో కాదు టీవీఎస్ మోటార్. ఈ కంపెనీ మే నెలలో హోండా మోటార్‌సైకిల్స్ అండ్ స్కూటర్ కంపెనీ కన్నా ఎక్కువ టూవీలర్లను అమ్మగలిగింది. ఏప్రిల్ నెలలో కూడా టీవీఎస్ అమ్మకాలు హోండా కన్నా ఎక్కువగానే ఉన్నాయి. జూపీటర్, అపాచీ వంటి టూవీలర్లను తయారు చేసే టీవీఎస్ అమ్మకాలు గత నెలలో 56,218 యూనిట్లుగా ఉన్నాయి.



Source link

Leave a Reply

Your email address will not be published. Required fields are marked *