bajaj finance moratorium: బజాజ్ ఫైనాన్స్ బంపరాఫర్.. 3 నెలలు ఈఎంఐ కట్టకూడదంటే ఇలా చేయండి! – bajaj finserv extends loan emi moratorium: details inside


ప్రధానాంశాలు:

  • బజాజ్ ఫైనాన్స్ కస్టమర్లకు ఈఎంఐ మారటోరియం
  • మరో మూడు నెలలు వర్తింపు
  • అయితే వడ్డీ మాత్రం పడుతుంది

కరోనా వైరస్ నేపథ్యంలో ప్రజలు తీవ్ర ఆర్థిక ఇబ్బందులు ఎదుర్కొంటున్నారు. అందుకే రిజర్వు బ్యాంక్ లోన్ మారటోరియం ఫెసిలిటీని అందుబాటులోకి తీసుకువచ్చింది. మరోసారి ఈఎంఐ మారటోరియం గడువును పొడిగించింది. దీంతో రుణం తీసుకున్న వారు ఆగస్ట్ 31 వరకు ఈఎంఐ చెల్లించాల్సిన అవసరం లేదు.

దేశీ అతిపెద్ద బ్యాంక్ స్టేట్ బ్యాంక్ ఆఫ్ ఇండియా (SBI)తోపాటు ఇతర బ్యాంకులు కూడా కస్టమర్లకు ఈఎంఐ మారటోరియం ఫెసిలిటీని అందిస్తున్నాయి. ఇప్పుడు ప్రముఖ ఎన్‌బీఎఫ్‌సీ సంస్థ బజాజ్ ఫిన్‌సర్వ్ కూడా ఈ జాబితాలో చేరింది. బజాజ్ ఫైనాన్స్ కస్టమర్లు కూడా మరో 3 నెలలు ఈఎంఐ చెల్లించాల్సిన పని లేదు.

Also Read: రైతులకు మోదీ గుడ్ న్యూస్.. ఒకేసారి 3 శుభవార్తలు!

అర్హత కలిగిన కస్టమర్లకు మాత్రమే కంపెనీ ఈ సదుపాయం కల్పిస్తోంది. ఫిబ్రవరి 29 నాటికి రెండు కన్నా ఎక్కువ ఈఎంఐ ఓవర్ డ్యూస్ లేని వారికే ఈ ప్రయోజనం లభిస్తుంది. జూన్, జూలై, ఆగస్ట్ నెలలకు మారటోరియం వర్తిస్తుంది. ఈ బెనిఫిట్ పొందాలని భావించే వారు లాగిన్ అవ్వాలి. తర్వాత ప్రొడక్ట్ సెక్షన్‌లోకి వెళ్లి కోవిడ్ 19 మారటోరియం పాలసీ ఆప్షన్ ఎంచుకోవాలి.

Also Read: వాట్సాప్‌తో ఇలా సులభంగానే గ్యాస్ సిలిండర్ బుక్ చేసుకోండి.. చాలా ఈజీ!

మీరు జూలై నెలకు ఈఎంఐ కట్టకూడదు అనుకుంటే అప్పుడు జూన్ నెల 26వ తేదీ లోపు మారటోరియం ఆప్షన్ ఎంచుకోవాలి. మీరు అప్లై చేసుకున్న తర్వాత మీకు మళ్లీ మెసేజ్ వస్తుంది. కంపెనీ మీ రిక్వెస్ట్ ఓకే అయ్యిందా? లేదా? అని ఎస్ఎంఎస్ పంపుతుంది. ఒకటి కన్నా ఎక్కువ రుణాలకు ఈఎంఐ మారటోరియం పొందొచ్చు.

ఇక్కడ మీరు ఈఎంఐ మారటోరియం ఆప్షన్ ఎంచుకుంటే లోన్ ఔట్‌స్టాండింగ్ అమౌంట్‌పై వడ్డీ పడుతూనే వస్తుంది. ఈ వడ్డీ మొత్తాన్ని లోన్ టెన్యూర్ పొడిగింపు ద్వారా వసూలు చేస్తారు. నో కాస్ట్ ఈఎంఐ ఆఫర్ పొందిన వారు లోన్ మారటోరియం పొందితే వారికి కూడా వడ్డీ పడుతుంది.



Source link

Leave a Reply

Your email address will not be published. Required fields are marked *