bandaru satyanarayana murthy driver: మాజీ మంత్రి, టీడీపీ సీనియర్ నేత డ్రైవర్ ఆత్మహత్య – ex minister bandaru satyanarayana murthy driver suicide


మాజీ మంత్రి, టీడీపీ సీనియర్ నేత బండారు సత్యనారాయణ మూర్తి డ్రైవర్ ఆత్మహత్య కలకలంరేపింది. విశాఖ జిల్లా పరవాడ మండలం కలపాకలో ప్రాణాలు తీసుకున్నాడు. గ్రామ వాలంటీర్ వేధింపులు భరించలేక అతడు ఆత్మహత్య చేసుకున్నట్లు తెలుస్తోంది. కుటుంబ సభ్యులు హుటాహుటినా ఆస్పత్రికి తరలిస్తుండగా మార్గమధ్యలో చనిపోయాడు.

కుటుంబ సభ్యులు చెబుతున్న వివరాల మేరకు.. మాసపు సన్యాసినాయుడు మాజీ మంత్రి బండారు దగ్గర డ్రైవర్‌గా పనిచేస్తున్నాడు. తన ఇంటి నిర్మాణాన్ని స్థానికంగా ఉన్న వాలంటీర్, వైఎస్సార్‌సీపీ నేతలు అడ్డుకున్నారని వాట్సాప్‌లో ఆడియో రికార్డ్ చేశాడు. తన పూర్వీకుల నుంచి సంక్రమించిన స్థలంలో ఇంటి నిర్మాణం చేపడుతుండగా గ్రామానికి చెందిన వాలంటీర్, స్థానిక వైఎస్సార్‌సీపీ నేతలు అడ్డుకున్నారన్నాడు. ఇల్లు నిర్మిస్తున్న స్థలం వేరొకరిదంటూ వాలంటీర్ తప్పుడు డాక్యుమెంట్లు సృష్టించాడని.. గ్రామస్థాయి నుంచి మండలస్థాయి వరకు అధికారులను కలిసి న్యాయం చేయమని కోరినా ఫలితం లేకుండా పోయిందని ఆవేదన వ్యక్తం చేశాడు.

ఎవరూ సహాయం చేయకపోగా ఇంటి నిర్మాణాన్ని ఆపేశారని.. రూ.50వేలు ఇస్తేనే ఇంటి నిర్మాణానికి అనుమతిస్తామని వాలంటీరు చెప్పాడని.. వేధింపులు తాళలేక ఆత్మహత్య చేసుకుంటున్నాను అన్నాడు. సన్యాసినాయుడు పురుగులమందు తాగి ప్రాణాలు తీసుకున్నాడు. తన ఆత్మహత్యకు ఎవరెవరు కారణమో పేర్లతో సహా తెలిపి, జరిగిన సంఘటనంతా వాట్సావ్‌ ఆడియో ద్వారా బయటపెట్టాడు. ఘటనపై పోలీసులు కేసు నమోదు చేసి దర్యాప్తు చేస్తున్నారు.



Source link

Leave a Reply

Your email address will not be published. Required fields are marked *