Bandi Sanjay: దేశంలో మరే రాష్ట్రంలోనూ ఈ దుస్థితి లేదు.. బండి సంజయ్ ఆగ్రహం – bandi sanjay fires on kcr govt over salary cuttings due to lockdown


దేశంలో ఏ రాష్ట్రంలోనూ లేని విధంగా తెలంగాణ ఉద్యోగులకు జూన్ నెల జీతాలను కూడా లాక్ డౌన్ పేరుతో కోతలు విధించడం రాష్ట్ర ఆర్థిక దుస్థితికి నిదర్శనమని బీజేపీ తెలంగాణ అధ్యక్షుడు బండి సంజయ్ కుమార్ విమర్శించారు. గత ఆరేళ్లుగా ధనిక రాష్ట్రం అని చెప్పుకుంటోన్న తెలంగాణ.. కేసీఆర్ పాలనలో దివాళా తీసిందని ఆరోపించారు. ప్రభుత్వ ఉద్యోగులకు కనీసం జీతాలు కూడా ఇవ్వలేని స్థాయికి టీఆర్ఎస్ ప్రభుత్వం తెలంగాణను దిగజార్చిందని ధ్వజమెత్తారు. 2018 నుంచి అమలు చేయాల్సిన వేతన సవరణ ఇప్పటివరకు అమలుకు నోచుకోలేదని విమర్శించారు. గురువారం ఆయన ఓ పత్రికా ప్రకటన విడుదల చేశారు.

కనీసం పొరుగు రాష్ట్రం ఆంధ్రప్రదేశ్ ప్రకటించిన 27 శాతం మధ్యంతర భృతి కూడా తెలంగాణ ఉద్యోగులకు దిక్కులేకుండా పోయిందని సంజయ్ ఆగ్రహం వ్యక్తం చేశారు. తెలంగాణ ఉద్యోగులకు వేతన సవరణ సంగతి దేవుడెరుగు అని, నెల జీతం కూడా సరిగ్గా ఇవ్వలేని స్థితిలో రాష్ట్రం ఉందని దుయ్యబట్టారు. అరిగిపోయిన గ్రామ్ ఫోన్ రికార్డుల్లా గత ఆరేళ్లుగా లక్ష ఉద్యోగాలు అని చెప్పి ఇప్పటివరకు కొత్తగా 40 వేల ఉద్యోగాలను కూడా నియమించలేదని గుర్తు చేశారు.

2018 ఎన్నికల సందర్భంగా ఉద్యోగుల రిటైర్మెంట్ వయస్సును 61 సంవత్సరాలకు పెంచుతామన్న ప్రభుత్వం ఆ ఊసే ఎత్తకపోవడం అబద్ధాల చిట్టాకు మరొక నిదర్శనమని అన్నారు. కేంద్రం అప్పులు ఇస్తే తప్ప రాష్ట్రం నడవలేని స్థితికి దిగజార్చిన కేసీఆర్ సర్కారు నైతికంగా పాలించే హక్కు కోల్పోయినట్టేనని తాము భావిస్తు్న్నట్లుగా బండి సంజయ్ వ్యాఖ్యానించారు. తెలంగాణలో కాంట్రాక్టు ఉద్యోగి అన్న పదమే ఉండదన్న వాగ్దానం నీటి మీద రాతగానే మిగిలిందని ఆగ్రహం వ్యక్తం చేశారు.

Must Read:

ప్లాస్టిక్‌తో పాల తయారీ, అమ్మకం.. దిమ్మతిరిగేలా కల్తీ.. సంచలన గుట్టు వెలుగులోకి



Source link

Leave a Reply

Your email address will not be published. Required fields are marked *