bandi sanjay health: క్షీణిస్తున్న బండి సంజయ్‌ ఆరోగ్యం.. నేలపైనే పరీక్షలు, బలవంతంగా ఆస్పత్రికి – doctors tests health status of bandi sanjay in karimnagar


సిద్దిపేటలో తన పర్యటనలో జరిగిన పరిణామాలను నిరసిస్తూ తన కార్యాలయంలోనే నిరాహార దీక్షకు దిగిన బీజేపీ రాష్ట్ర అధ్యక్షుడు, ఎంపీ బండి సంజయ్‌ ఆరోగ్య స్థితిని డాక్టర్లు పరీక్షించారు. ఆయన ఒంట్లో చక్కెర స్థాయులు పడిపోతుండటంతో కార్యకర్తలు ఆందోళన చెందుతున్నారు. ప్రైవేటు డాక్టర్ లు వైద్య పరీక్షలు నిర్వహించగా షుగర్ లెవెల్ 70కి పడిపోయాయి. దీంతో బండి సంజయ్‌ను పోలీసులు బలవంతంగా ఆస్పత్రికి తరలించారు. ఆయన షుగర్‌ లెవెల్స్‌ పడిపోతుండటంతో ప్రభుత్వ వైద్యులు ఫ్లూయిడ్స్‌ ఎక్కించారు. అనంతరం హుటాహుటిన అంబులెన్స్‌లో నగరంలోని అపోలో రీచ్‌ ఆస్పత్రికి పోలీసులు తరలించారు.

మరోవైపు ఢిల్లీలోని బీజేపీ అధిష్ఠానం గంట గంటకూ బండి సంజయ్‌ ఆరోగ్య పరిస్థితిని తెలుసుకుంటూ ఉంది. ఆయన్ను పరామర్శించేందుకు పలువురు బీజేపీ నేతలు, కార్యకర్తలు కరీంనగర్‌ చేరుకుంటున్నారు. ఇప్పటికే అనేక ఆరోగ్య సమస్యలతో ఉన్న సంజయ్, షుగర్ లెవెల్స్ పడిపోవడంతో ఆయన పరిస్థితి ఆందోళనకరంగా ఉందని ఆవేదన వ్యక్తం చేస్తున్నారు. ప్రభుత్వం సంజయ్ ని హత్య చేసే విధంగా వ్యవహరిస్తోందని ఆరోపించారు. క్షమించరాని నేరానికి ప్రభుత్వం పాల్పడుతుందని విమర్శించారు. సంజయ్ పట్ల అమానుషంగా ప్రవర్తించిన సిద్దిపేట సీపి ని వెంటనే సస్పెండ్ చేసి ఎన్నికలు ప్రశాంత వాతావరణంలో జరిగేలా కేంద్ర ఎన్నికల కమిషన్ స్పందించాలని కోరారు.

దుబ్బాక వెళ్తున్న తనపై సిద్దిపేట పోలీసు కమిషనర్‌ దౌర్జన్యం చేసి దాడి చేశారని బండి సంజయ్ ఆరోపిస్తున్నారు. తక్షణం ఆయన్ను బదిలీ చేయాలని డిమాండ్‌ చేస్తూ స్వీయ నిర్బంధ దీక్ష చేపట్టారు. పోలీస్ కమిషనర్‌ను బదిలీ చేసి ఆయనపై కేసు నమోదు చేసేవరకు తన కార్యాలయంలోనే ఉంటానని గతంలో ప్రకటించిన సంగతి తెలిసిందే. బయటి నుంచి తాళం వేసుకుని సోమవారం రాత్రి నుంచి ఆయన కార్యాలయంలోనే ఉన్నారు. తొలుత కుర్చీలో కూర్చోగా.. ఆ తర్వాత నీరసించడంతో నేలపైనే పడుకొని దీక్ష కొనసాగిస్తున్నారు.

వీడియో: క్షీణిస్తున్న బండి సంజయ్‌ ఆరోగ్యం.. నేలపైనే వైద్య పరీక్షలు, ఆస్పత్రికి తరలింపు



Source link

Leave a Reply

Your email address will not be published. Required fields are marked *