bank FD rates: మీ డబ్బుకు ఎక్కువ వడ్డీ అందిస్తున్న టాప్-5 బ్యాంకులు ఇవే! – which banks offer highest fixed deposit rates? all you need to know about fds


ప్రధానాంశాలు:

  • బ్యాంకుల్లో ఎఫ్‌డీ చేయొచ్చు
  • స్థిర ఆదాయం పొందొచ్చు
  • బ్యాంక్ ప్రాతిపదికన వడ్డీ రేట్లు మారతాయి

చాలా మంది చేతిలోని డబ్బును బ్యాంకుకు వెళ్లి డిపాజిట్ చేస్తుంటారు. ఫిక్స్‌డ్ డిపాజిట్ చేస్తుంటారు. బ్యాంక్ ఎఫ్‌డీలను సురక్షితమైన ఇన్వెస్ట్‌మెంట్ సాధనమని చాలా మంది భావిస్తుంటారు. అయితే దేశంలో చాలా బ్యాంకులు ఉన్నాయి. అన్ని బ్యాంకులు ఒకే రకమైన వడ్డీ అందించవు. బ్యాంక్ ప్రాతిపదికన మీరు డిపాజిట్ చేసిన మొత్తంపై వడ్డీ మారతుంది.

బ్యాంకుకు వెళ్లి డబ్బులు ఎఫ్‌డీ చేసే ముందు ఆ బ్యాంక్ ఎంత వడ్డీ ఇస్తుందో తెలుసుకోవాలి. అలాగే ఇతర బ్యాంకులతో ఆ వడ్డీని పోల్చి చూసుకోవాలి. వడ్డీ రేటు అనేది మీరు ఎన్నేళ్లు డబ్బులు డిపాజిట్ చేస్తారనే అంశం ప్రాతిపదికన కూడా మారుతుందనే విషయాన్ని గుర్తు పెట్టుకోవాలి. కేవలం బ్యాంకులు మాత్రమే కాకుండా ఎన్‌బీఎఫ్‌సీలు కూడా ఎఫ్‌డీ సర్వీసులు అందిస్తున్నాయి. ప్రస్తుతం ఏ బ్యాంక్ ఎక్కువ వడ్డీ అందిస్తోందో చూద్దాం..

Also Read: రైతులకు కేంద్రం బంపరాఫర్: రూ.1600తో రూ.80 వేలు.. చివరి తేదీ ఇదే!

ఏడాది కాల పరిమితిలోని ఎఫ్‌డీల విషయానికి వస్తే.. ఉజ్జీవన్ స్మాల్ ఫైనాన్స్ బ్యాంక్ గరిష్టంగా 7.5 శాతం వడ్డీ అందిస్తోంది. దీని తర్వాత ఐడీఎఫ్‌సీ బ్యాంక్ 7.25 శాతం వడ్డీ ఆఫర్ చేస్తోంది. ఆర్‌బీఎల్ బ్యాంక్‌లో 7.2 శాతం వడ్డీ పొందొచ్చు. తర్వాత ఇండస్ఇండ్ బ్యాంక్ 7 శాతం వడ్డీ అందిస్తోంది. ఇక చివరిగా డీసీబీ బ్యాంక్ 6.75 శాతం వడ్డీని ఆఫర్ చేస్తోంది.

Also Read: బంగారం ధర పరుగు.. వెండి జిగేల్.. ఈరోజు రేట్లు ఇవే!

రెండేళ్ల కాల పరిమితిలోని ఎఫ్‌డీలను గమనిస్తే.. ఉజ్జీవన్ స్మాల్ ఫైనాన్స్ బ్యాంక్ 7.5 శాతం వడ్డీని అందిస్తోంది. ఐడీఎప్‌సీ బ్యాంక్, ఆర్‌బీఎల్ బ్యాంకుల్లో ఒకే రకమైన వడ్డీ లభిస్తోంది. ఇది 7.25 శాతంగా ఉంది. ఇక డీసీబీ బ్యాంక్ 7.2 శాతం వడ్డీని అందిస్తోంది. ఏయూ స్మాల్ ఫైనాన్స్ బ్యాంక్ 7 శాతం వడ్డీ ఆఫర్ చేస్తోంది.

మూడేళ్ల ఎఫ్‌డీల విషయానికి వస్తే.. ఆర్‌బీఎల్ బ్యాంక్ 7.5 శాతం వడ్డీని అందిస్తోంది. డీసీబీ బ్యాంక్ 7.35 శాతం వడ్డీ ఆఫర్ చేస్తోంది. ఐడీఎఫ్‌సీ ఫస్ట్, ఏయూ స్మాల్ ఫైనాన్స్, ఉజ్జీవన్ స్మాల్ ఫైనాన్స్ బ్యాంకులు అన్నీ 7.25 శాతం వడ్డీ అందిస్తున్నాయి. ఐదేళ్ల ఎఫ్‌డీలను గమనిస్తే.. డీసీబీ బ్యాంక్ గరిష్టంగా 7.35 శాతం వడ్డీ అందిస్తోంది. ఐడీఎఫ్‌సీ 7.25 శాతం, ఆర్‌బీఎల్ 7.15 శాతం, ఏయూ స్మాల్ ఫైనాన్స్ 7 శాతం, ఉజ్జీవన్ స్మాల్ ఫైనాన్స్ 6.75 శాతం వడ్డీ ఆఫర్ చేస్తున్నాయి.



Source link

Leave a Reply

Your email address will not be published. Required fields are marked *