bank FD rates: HDFC Bank, ఎస్‌బీఐ కన్నా ఈ చిన్న బ్యాంకులు మేలు.. మీ డబ్బుకు ఎక్కువ లాభం! – sbi hdfc pnb bank reduced fd interest rates but these banks giving up to 9% interest on fixed deposit


ప్రధానాంశాలు:

  • వడ్డీ రేట్లు తగ్గిస్తున్న బ్యాంకులు
  • ఆర్‌బీఐ దారిలో ప్రముఖ బ్యాంకులు
  • చిన్న బ్యాంకుల్లో మీ డబ్బుకు అధిక వడ్డీ

రిజర్వు బ్యాంక్ ఆఫ్ ఇండియా (RBI) కీలక వడ్డీ రేట్లను తగ్గించంతో బ్యాంకులు కూడా ఇప్పుడు వరుసపెట్టి వడ్డీ రేట్లను తగ్గిస్తూ వస్తున్నాయి. దేశీ దిగ్గజ బ్యాంక్ స్టేట్ బ్యాంక్ ఆఫ్ ఇండియా (SBI), ప్రైవేట్ రంగ అతిపెద్ద బ్యాంక్ హెచ్‌డీఎఫ్‌సీ బ్యాంక్ (HDFC Bank) వంటివి ఇప్పటికే వడ్డీ రేట్లను తగ్గించేశాయి. దీంతో ఇప్పుడు ఈ బ్యాంకుల్లో డబ్బులు ఎఫ్‌డీ చేస్తే తక్కువ వడ్డీ వస్తుంది.

స్టే్ట్ బ్యాంక్ గత వారంలో ఎఫ్‌డీలపై వడ్డీ రేట్లను 0.40 శాతం తగ్గించేసింది. అంతేకాకుండా కేంద్ర ప్రభుత్వం కూడా గతంలో స్మాల్ సేవింగ్ స్కీమ్స్‌పై వడ్డీ రేట్లలో కోత విధించింది. అందువల్ల ఇప్పుడు ఎస్‌బీఐ వంటి దిగ్గజ బ్యాంకుల్లో ఎఫ్‌డీ చేసి ఎక్కువ రాబడి పొందాలంటే ఇప్పుడు కుదరదు. అయితే కొన్ని బ్యాంకులు మాత్రం 9 శాతం వరకు వడ్డీని అందిస్తున్నాయి. అవేంటో చూద్దాం.

Also Read: శుభవార్త.. దిగొచ్చిన బంగారం ధర.. భారీగా పతనమైన వెండి!

జన స్మాల్ ఫైనాన్స్ బ్యాంక్ తన కస్టమర్లకు ఎఫ్‌డీలపై 5 శాతం నుంచి 9 శాతం వరకు వడ్డీ అందిస్తోంది. 7 రోజుల నుంచి 14 రోజుల ఎఫ్‌డీలపై 5 శాతం వడ్డీ వస్తుంది. ఇక గరిష్టంగా ఏడాది ఎఫ్‌డీలపై 9 శాతం వడ్డీని సొంతం చేసుకోవచ్చు. అలాగే సూర్యోదయ్ స్మాల్ ఫైనాన్స్ బ్యాంక్ కూడా ఎఫ్‌డీలపై 4 శాతం నుంచి 9 శాతం మధ్యలో వడ్డీని ఆఫర్ చేస్తోంది.

ఇక ఉజ్జీవన్ స్మాల్ ఫైనాన్స్ బ్యాంక్‌లో కూడా వడ్డీ రేట్లు ఆకర్షణీయంగా ఉన్నాయి. ఈ బ్యాంక్‌లో డబ్బులు డిపాజిట్ చేస్తే 5.5 శాతం నుంచి 8 శాతం మధ్యలో వడ్డీ పొందొచ్చు. ఉత్కర్ష్క్ స్మాల్ ఫైనాన్స్ బ్యాంక్‌లో 4.75 శాతం నుంచి వడ్డీ పొందొచ్చు. గరిష్టంగా 8.2 శాతం వరకు వడ్డీ వస్తుంది. కాగా ఎస్‌బీఐ ఫిక్స్‌డ్ డిపాజిట్లపై గరిష్టంగా 5.4 శాతం వడ్డీని మాత్రమే లభిస్తోంది.



Source link

Leave a Reply

Your email address will not be published. Required fields are marked *