bank of baroda : Personal Loan: రూ.25,000 నుంచి రూ.5 లక్షల వరకు రుణం.. తక్కువ వడ్డీకే! – bob launches personal loan for customers to tackle coronavirus related liquidity issues


దేశం మొత్తం లాక్ డౌన్‌లోకి వెళ్లిపోయింది. చైనా కరోనా వైరస్ అనే మహమ్మారి ఇందుకు ప్రధాన కారణం. శరవేగంగా విస్తరిస్తూ వస్తున్న ఈ వైరస్‌ వ్యాప్తిని అడ్డుకునేందుకు మోదీ సర్కార్ తప్పని పరిస్థితుల్లో లాక్ డౌన్ విధించిన విషయం తెలిసిందే. ఇలాంటి పరిస్థితుల్లో వ్యాపారాలు అన్ని బంద్ అయ్యాయి. ప్రజలు కూడా ఇబ్బందులు ఎదుర్కొంటున్నారు. చేతిలో డబ్బుులు లేక ఇక్కట్లు పడుతున్నారు.


ఇలాంటి పరిస్థితుల్లో ప్రభుత్వ రంగ బ్యాంక్ బ్యాంక్ ఆఫ్ ఇండియా (బీఓబీ) అదిరిపోయే ఆఫర్ ఒకటి అందుబాటులో ఉంచింది. కోవిడ్ 19 పర్సనల్ లోన్స్ అందిస్తోంది. రిటైల్ కస్టమర్లు ఎవరైనాసరే ఈ బ్యాంక్ నుంచి లోన్ పొందొచ్చు. బ్యాంక్ ఇప్పటికే తన వెబ్‌సైట్‌లో ఈ తరహా రుణాలకు సంబంధించిన వివరాలను అందుబాటులో ఉంచింది.

Also Read: షాకిస్తున్న బంగారం ధర.. 4 రోజులుగా పైకే.. వెండి ఝలక్.. లేటెస్ట్ రేట్లు ఇలా!

బ్యాంక్ ఆఫ్ బరోడా కరోనా పర్సనల్ లోన్ కింద గరిష్టంగా రూ.5 లక్షల వరకు రుణం పొందొచ్చు. సాధారణ రెగ్యులర్ పర్సనల్ లోన్స్‌తో పోలిస్తే కోవిడ్ 19 పర్సనల్ లోన్స్‌పై వడ్డీ రేట్లు కూడా తక్కువగా ఉంటాయని బ్యాంక్ తెలిపింది. అలాగే వీటిని సులభంగా పొందొచ్చని పేర్కొంది. 2020 సెప్టెంబర్ 30 వరకు ఈ తరహా రుణాలు కస్టమర్లకు అందుబాటులో ఉంటాయని తెలిపింది.

Also Read: HDFC Bank, ఐసీఐసీఐ బ్యాంక్ కొత్త సర్వీసులు.. కస్టమర్లకు ప్రయోజనం!

వడ్డీ రేట్ల విషయానికి వస్తే.. బ్యాంక్ ఆఫ్ బరోడా కోవిడ్ 19 పర్సనల్ లోన్స్‌పై వడ్డీ రేటు.. బీఆర్ఎల్ఎల్ఆర్ + ఎస్‌పీ + 2.75 శాతంగా ఉంటుంది. ఇకపోతే ప్రిపేమెంట్ చార్జీలు ఉండవు. ప్రాసెసింగ్ ఫీజు రూ.500గా ఉంటుంది. జీఎస్‌టీ వర్తిస్తుంది. కనీసం రూ.25,000 రుణం తీసుకోవలసి ఉంటుంది.

కాగా బ్యాంక్ ఆఫ్ బరోడా నుంచి కోవిడ్ 19 కింద పర్సనల్ లోన్ తీసుకోవాలంటే కొన్ని రూల్స్ అనుసరించాల్సి ఉంటుంది. సిబిల్ స్కోర్ 650కు పైన ఉండాలి. అలాగే తీసుకున్న రుణ మొత్తాన్ని 60 నెలలలోగా తిరిగి చెల్లించాలి. బ్యాంక్ తన వెబ్‌సైట్ హోమ్ పేజ్‌లోనే ఈ కోవిడ్ 19 స్పెషల్ పర్సనల్ లోన్‌కు సంబంధించిన పూర్తి వివరాలను అందుబాటులో ఉంచింది.





Source link

Leave a Reply

Your email address will not be published. Required fields are marked *