bar dancers ruckus: క్వారంటైన్‌ సెంటర్‌లో బార్ డ్యాన్సర్ల హోరు.. బీర్ ఇవ్వలేదని వీరంగం – bar dancers create ruckus in quarantine center in up’s moradabad


బీర్ తెప్పించలేదన్న ఆగ్రహంతో క్వారంటైన్ సెంటర్‌‌లో బార్ డ్యాన్సర్లు వీరంగం సృష్టించారు. క్వారంటైన్ కేంద్ర కారిడార్‌లో డ్యాన్సులు చేస్తూ అల్లకల్లోలం చేశారు. అధికారులతో అనుచితం ప్రవర్తించారు. దీంతో విసిగిపోయిన క్వారంటైన్ అధికారులు పోలీసులకు ఫిర్యాదు చేయడంతో పలువురిపై కేసులు నమోదు చేశారు. ఈ దారుణ ఘటన యూపీలోని మొరాదాబాద్‌లో చోటుచేసుకుంది.

లాక్‌డౌన్ కారణంగా ముంబైలో చిక్కుకుపోయిన 72 మంది ఇటీవల ఓ ట్రక్కులో స్వస్థలం యూపీలోని మొరాదాబాద్‌కు వచ్చారు. వారిని స్థానిక అధికారులు మొరాదాబాద్‌లో ఏర్పాటు చేసిన క్వారంటైన్ సెంటర్‌కు తరలించారు. క్వారంటైన్‌కి తరలించినవ వారిలో 20 మంది పురుషులు, 40 మంది మహిళలు.. మిగిలిన వారు చిన్నారులు. వారిలో బార్ డ్యాన్సర్లు కూడా ఉన్నారు.

Also Read: క్వారంటైన్‌ సెంటర్‌ బాత్రూమ్‌‌‌లో సీక్రెట్ కెమెరా.. మహిళ స్నానం చేస్తుండగా..

క్వారంటైన్ సెంటర్‌‌లో ఉంటున్న బార్ డ్యాన్సర్లు తమకు మద్యం కావాలంటూ గొడవ చేయడం మొదలెట్టారు. బీర్ తెప్పించాలంటూ నానాయాగీ చేశారు. అందుకు అధికారులు ససేమిరా అనడంతో డ్యాన్సర్లు రెచ్చిపోయారు. క్వారంటైన్ కేంద్రం కారిడార్‌లో డ్యాన్సులు చేస్తూ వీరంగం సృష్టించారు. దీంతో అధికారులు పోలీసులకు ఫిర్యాదు చేయడంతో క్వారంటైన్ కేంద్రానికి చేరుకుని పరిస్థితిని అదుపులోకి తెచ్చారు.

మద్యం కావాలంటూ గొడవకు దిగి అనుచితంగా ప్రవర్తించిన బార్ డ్యాన్సర్లపై పోలీసులు కేసులు నమోదు చేశారు. ముంబై నుంచి మొరాదాబాద్ వచ్చిన 72 మందిలో ఐదు పాజిటివ్ కేసులు నమోదయ్యాయి. అక్కడి నుంచి యూపీకి తరలించిన ట్రక్కును స్వాధీనం చేసుకుని.. యజమానిపై కేసు నమోదు చేసినట్లు సమాచారం.

Read Also:
శవంపై కామపిశాచి అత్యాచారం.! బాలిక మృతదేహాన్ని సమాధి నుంచి బయటికి తీసి..



Source link

Leave a Reply

Your email address will not be published. Required fields are marked *