bcci: ఐసోలేషన్ క్యాంపుల‌పై వెన‌క్కి త‌గ్గిన బీసీసీఐ.. కార‌ణ‌మిదే! – bcci says no training camp for contracted players, but says ok to resume skill-based practice at local


క్రికెట్ కార్య‌క‌లాపాలను తిరిగి ప‌ట్టాలెక్కించేందుగాను బీసీసీఐ.. ఆట‌గాళ్లకు ఐసోలేష‌న్ క్యాంప్ నిర్వ‌హించాల‌ని భావించిన సంగ‌తి తెలిసిందే. తాజాగా ఈ ఐడియా నుంచి వెన‌క్కి త‌గ్గిన‌ట్లు తెలుస్తోంది. లాక్‌డౌన్-4లో విమాన ప్ర‌యాణాల‌కు అనుమతి ఇవ్వ‌క‌పోవ‌డంతో ఈ క్యాంపు నిర్వ‌హ‌ణ‌పై బీసీసీఐ ఆలోచ‌న‌లో ప‌డింది. ప్ర‌స్తుతానికి ఆయా రాష్ట్ర సంఘాల స‌మ‌న్వయంతో స్థానికంగానే ప్లేయ‌ర్ల‌కు ట్రైనింగ్ వ‌స‌తి క‌ల్పించ‌నున్న‌ట్లు తెలుస్తోంది.


తాజాగా లాక్‌డౌన్ వ్య‌వ‌ధిని ఈనెల 18 నుంచి 31 వ‌ర‌కు పొడిగించి సంగతి తెలిసిందే. ఈ క్ర‌మంలో కేంద్ర హోమంత్రిత్వ శాఖ‌..లాక్‌డౌన్‌ మార్గ‌ద‌ర్శ‌కాల్లో కొన్ని స‌డ‌లింపులను ఇచ్చింది. స్టేడియాల‌ను, స్పోర్ట్స్ కాంప్లెక్స్‌ల‌ను నిర్వ‌హించుకునేందుకు అనుమ‌తిచ్చింది. అయితే విమ‌న ప్ర‌యాణం తదిత‌ర ర‌వాణ సౌక‌ర్యాల‌ను నిషేధించ‌డంతో బీసీసీఐ క్యాంపు నిర్వ‌హ‌ణ‌పై పున‌రాలోచ‌న‌లో ప‌డింది.


లాక్‌డౌన్ మార్గ‌ద‌ర్శ‌కాల‌పై అధ్య‌యనం చేస్తున్నామ‌ని చెప్పిన బీసీసీఐ.. లాక్‌డౌన్‌పై వేచి చూసే ధోర‌ణి అవ‌లంభిస్తున్న‌ట్లు తెలిపింది. ప‌రిస్థితుల‌న్నీ చ‌క్క‌బ‌డ్డాక ఏం చేయాలనేదానిపై కార్యాచర‌ణ రూపొందిచ‌నున్న‌ట్లు పేర్కొంది. ప్ర‌స్తుత సంక్షోభ ప‌రిస్థితుల్లో త‌మ‌కు ఆట‌గాళ్లు, స‌పోర్టింగ్ స్టాఫ్ భ‌ద్ర‌తే ముఖ్య‌మ‌ని వ్యాఖ్యానించింది. క‌రోనా వైర‌స్ విస్త‌ర‌ణ కారణంగా గ‌త మార్చి నుంచి దేశ‌వ్యాప్తంగా క్రికెట్ కార్య‌కలా‌పాలు వాయిదా ప‌డిన సంగ‌తి తెలిసిందే. ‌



Source link

Leave a Reply

Your email address will not be published. Required fields are marked *