bcci commentary panel: నా పరిధి నాకు తెలుసు.. హద్దులు మీరలేదు: మంజ్రేకర్ – sanjay manjrekar opens up about dealing with criticism for his commentary


భారత క్రికెటర్‌గా కంటే మ్యాచ్ కామెంటేటర్‌గా ఉన్న సమయంలోనే సంజయ్ మంజ్రేకర్ ఎక్కువ వివాదాల్లో నిలిచాడు. మ్యాచ్ గమనానికి అనుగుణంగా తన మార్క్ విశ్లేషణలతో ఆకట్టుకునే మంజ్రేకర్‌.. ముక్కుసూటి తనంతో ఇప్పుడు తన కామెంటేటర్ కెరీర్‌ని ప్రశ్నార్థకం చేసుకున్నాడు. మంజ్రేకర్ వివాదాలతో విసిగిపోయిన భారత క్రికెట్ నియంత్రణ మండలి (బీసీసీఐ) తన కామెంట్రీ ఫ్యానల్ నుంచి ఇటీవల అతడ్ని తప్పించిన విషయం తెలిసిందే.

Read More: ఖాళీ స్టేడియంలో మ్యాచ్‌.. వధువులేని పెళ్లి లాంటిదే: అక్తర్

2017 ఐపీఎల్ సీజన్‌లో కీరన్ పొలార్డ్‌కి బుర్రలేదంటూ నోరుజారిన మంజ్రేకర్.. 2019 వన్డే ప్రపంచకప్ సమయంలో రవీంద్ర జడేజా అరకొర ఆటగాడంటూ ఎద్దేవా చేశాడు. ఇక గత ఏడాది నవంబరులో సహచర కామెంటేటర్ హర్షా భోగ్లేతోనూ అతను కామెంట్రీ బాక్స్‌లో దురుసుగా ప్రవర్తించి విమర్శలు ఎదుర్కొన్నాడు. మొత్తంగా.. టాలెంట్ ఉన్నా ఎదుటివారిని తరచూ అగౌరవపరిచే మంజ్రేకర్‌పై బీసీసీఐ వేటు వేసి మరీ ఇంట్లో కూర్చోబెట్టింది.

Read More:ఐపీఎల్‌లో షేన్‌వార్న్ నన్ను ఫూల్ చేశాడు: విరాట్ కోహ్లీ

కామెంట్రీ ఫ్యానల్ నుంచి బీసీసీఐ తప్పించడంపై తాజాగా రవిచంద్రన్ అశ్విన్‌తో ఇన్‌స్టాగ్రామ్ లైవ్ సెషన్‌లో మంజ్రేకర్ మాట్లాడుతూ ‘‘నేను ఎవరినీ ఫూల్ చేయాలని అనుకోలేదు. ఎందుకంటే నా హద్దులు నాకు తెలుసు. అందుకే ఇన్నేళ్లు కామెంటేటర్‌గా కొనసాగాను. లేకుంటే.. ఐదేళ్ల ముందే కామెంటేటర్ కెరీర్ ముగిసిపోయేది. కామెంట్రీ బాక్స్‌లో బాధ్యతా వ్యవహరించాను తప్ప.. ఎప్పుడూ హద్దులు మీరలేదు’’ అని వెల్లడించాడు. భారత్ తరఫున 37 టెస్టులు, 74 వన్డేలని సంజయ్ మంజ్రేకర్ ఆడాడు.



Source link

Leave a Reply

Your email address will not be published. Required fields are marked *