benefits of crying: వామ్మో.. ఏడిస్తే ఇన్ని లాభాలా.. – is crying good for health know here benefits tears


ప్రతి మనిషిలో చాలా ఎమోషన్స్ ఉంటాయి. కోపం, నవ్వు, ఏడుపు ఇలా జీవితంలో ప్రతి ఒక్కరూ వీటిని అనుభవిస్తారు. ముఖ్యంగా ప్రతి ఒక్కరి తమ జీవితంలో ఎప్పుడో ఒకసారి ఏడ్చే ఉంటారు. ఏడవటం అనేది ఎవ్వరికి ఇష్టం ఉండదు. ఒకవేళ ఏడుపు వచ్చినా కంట్రోల్ చేసుకుంటారు. కొందరు ఎక్కడ ఉన్నా వారి సమస్యలను తలుచుకొని ఎక్కువగా ఏడుస్తుంటారు. మరికొందరు మాత్రం ఏడిస్తే ఎక్కడ తక్కువ అయిపోతామా అన్న భావన తో బయటికి ఏడవటానికి ఇష్టపడరు. చాలా మంది ఏడవటాన్ని తక్కువగా చూస్తారు. అదే విధంగా ఏడిస్తే చిరాకు పడతారు కూడా. అలా అనుకునేవారు ఏడుపు‌ గురించి కొన్ని విషయాలు తెలుసుకోవాలి..

ఏడవటం అనేది చెడ్డ విషయం కాదు. నిజానికి ఏడవటం ఆరోగ్యానికి మంచిది. కొంతమందికి అంత త్వరగా ఏడుపు రాదు.. మరికొంతమందికి మాత్రం ఇట్టే కళ్ళలో నీళ్లు తిరిగేస్తాయి. వీళ్ళు ఇతరులకన్నా ఎక్కువగా ఏడుస్తారు. అలా ఎక్కువగా ఏడవటం తప్పేమీ కాదు. నిజం చెప్పాలంటే ఏడవటం ఒకందుకు మంచిదే.. నిజానికి, ఏడవడం అనేది సహజ ఒత్తిడిని తగ్గిస్తుంది దానివల్ల మనశ్శాంతిగా అనిపిస్తుంది. వాస్తవానికి ఏడవని వ్యక్తి కంటే ఏడ్చే వ్యక్తి మంచిగా ఉంటారు. అయితే, కొందరిలో మాత్రం ఊరికినే కన్నీళ్లు అలా వచ్చేస్తూ ఉంటాయి. అసలు వారు ఏడవటానికి ప్రత్యేక కారణం అంటూ ఏదీ ఉండదు. తరచుగా, కారణం లేకుండా కన్నీళ్లు ఎందుకు వస్తాయో అలా ఎందుకు జరుగుతుంది. అందుకు గల కారణాలు….

కనీళ్ళు అనేవి అనేక సందర్భాల్లో వస్తాయి కొన్ని సార్లు బాధతో వస్తాయి. మరోసారి సంతోషకరమైన వార్త విన్నప్పుడు, మనసుకు బాధ కలిగించే సంఘటన జరిగినప్పుడు, ఇష్టమైన వారు దూరం అయినప్పుడు , అలానే సినిమాలో ఏదైనా ఉద్వేగభరితమైన సన్నివేశం చూస్తున్నప్పుడు కూడా కన్నీళ్లు వాటంతట అవే వచ్చేస్తాయి. అలా కొన్ని సార్లు మనకు తెలీకుండానే ఏడ్చేస్తుంటాం.. అందులో కొన్ని కారణాలు ఇక్కడ ఉన్నాయి.

Also Read : కరోనా టైమ్‌లో షుగర్ పేషెంట్స్ ఈ జాగ్రత్తలు తప్పకుండా తీసుకోవాల్సిందే..

ఒత్తిడి, ఆందోళన:

ప్రస్తుతం ఒత్తిడి లేని జీవితాన్ని అస్సలు ఊహించలేం. ఈ ఉరుకులు పరుగుల జీవితంలో ఒత్తిడిని అధిగమించలేక ఆరోగ్యము పాడై అనేక ఇబ్బందులు ఎదుర్కొంటున్నారు. పని లేదా వ్యక్తిగత జీవితానికి సంబంధించిన రోజువారీ ఎదో ఒక ఆందోళన లేక ఒత్తిడికి గురౌతుంటారు. దీని కారణంగా కొన్నిసార్లు ప్రశాతంగా నిద్ర కూడా పోరు. ఉదయం నిద్ర లేవటం మొదలు రాత్రి నిద్ర పోయే వరకూ ఎదో ఒక సమస్యతో ఒత్తిడికి గురవుతున్నారు. కొన్ని సార్లు ఆ ఒత్తిడి అచేతన స్థాయిలో మానసికంగా కృంగుబాటుకు గురిచేస్తుందని గ్రహించకపోవచ్చు. అది కొన్ని సార్లు ఆ వ్యక్తిని మానసికంగా ప్రభావితం చేస్తుంది. అందుకే కొన్ని సార్లు ఆ ఒత్తిడి ఆందోళన కారణంగా తెలియకుండానే కొందరికి కన్నీళ్లు వచ్చేస్తాయి. అందుకే కొందరికి ఎందుకు ఏడుస్తున్నారా కూడా తెలియదు. అయితే అలా ఏడవటం మంచిదే… ఎందుకంటే ఏడవటం వల్ల ఒత్తిడి రిలాక్స్ అవుతారు. మనసులో కూడా భారం తగ్గిన భావన కలుగుతుంది.

Also Read : గర్భంతో ఉన్నప్పుడు గుడ్డు తినొచ్చా..

మెనోపాజ్‌తో కన్నీళ్లు :

మీ నెలసరి సమయంలో ముఖ్యంగా నెలసరి డేట్ రాబోతున్నట్లయితే, లేక మీ పీరియడ్స్ సమయంలో, మీరు ఇప్పటికే మీ నెలసరి వచ్చినట్లు అయితే మీరు చాలా మూడీగా ఉండొచ్చు. ఋతుస్రావం సమయంలో హార్మోన్స్‌ని ప్రభావితం చేస్తుంది. ఇది కూడా తరచుగా కన్నీళ్లకు దారితీస్తుంది. అందుకే నెలసరి సమయంలో కూడా ఏడ్చే అవకాశం ఉంది.

విటమిన్ బి 12 లోపం, తక్కువ బ్లడ్ షుగర్, థైరాయిడ్..

శరీరానికి విటమిన్స్ చాలా అవసరం. పోషకాహార లోపం, తగినన్ని ఎర్ర రక్తకణాలను తయారు చేయలేని శారీరక లోపం ఉంటే విటమిన్‌ బి12 లోపం తలెత్తుతుంది. ఈ విటమిన్ లోపం వల్ల ఎనీమియా వస్తుంది. ఇది నీటిలో కరిగే విటమిను. మెదడు , నాడీమండలం పనిచేయుటలో కీలక పాత్ర పోషిస్తుంది. ఎర్ర రక్త కణాలు తయారిలోనూ, శరీరంలో కణాల్లో డి.ఎన్‌.ఎ తయారీ , రెగ్యులేషన్‌ , కొవ్వు ఆమ్లాలు తయారీలోనూ ఇది చాలా అవసరం. ఆసక్తికరమైన విషయం ఏంటంటే విటమిన్ బి 12 యొక్క లోపం వల్ల కన్నీరు , చిరాకు, గందరగోళానికి కారణమవుతుంది. అంతేకాకుండా అనేక ఇతర శారీరక పరిణామాలకు కూడా కారణమవుతుంది. అదేవిధంగా, హైపోగ్లైసీమియాతో పాటు హైపోథైరాయిడిజం కూడా మూడ్ స్వింగ్ కు దారితీస్తుంది. దీని బట్టి ఏడుపుకు విటమిన్ బి 12 కారణం.

మనస్ఫూర్తిగా ఏడ్చేయండి..

ఏదైనా మనస్ఫూర్తిగా చేయాలంటారు. అది సంతోషమైన, దుఃఖమైనా. అయితే ఆ కన్నీళ్లు మీకు మంచే చేస్తాయి. ఏడవడం వల్ల మీ మనసులోని బాధంతా.. ఒకేసారి కన్నీళ్ల రూపంలో బయటకు వెళ్లిపోతుంది. అది ఒకరకంగా మిమ్మల్ని రిలాక్స్ చేస్తుంది. అలాంటప్పుడు ఇతరులు మిమ్మల్ని ఏడవమని ఒంటరిగా వదిలేస్తారు. లేదా మీరు ఏడుపు ఆపేలా మిమ్మల్ని బుజ్జగిస్తారు. ఏడుపు చాలా సానుకూల భావోద్వేగంగా మనం తరచుగా చూడకపోవడమే దీనికి కారణం. దీన్ని అధిగమించి కొత్తగా చూడాలి ఎందుకంటే అవి మీ శరీరం యొక్క సహజమైన మెకానిజం.

Also Read : సోనమ్ కపూర్ అదిరిపోయే జాకెట్ స్టైల్‌తో మతి పోగొడుతోంది..

ఏడుపు మీ భావోద్వేగాలను సమతుల్యం చేస్తుంది..

మీ భావోద్వేగాలను సమతుల్యం చేయడానికి ఏడవటం అనేది చాలా ఆరోగ్యకరమైన మా ర్గం అని చాలామంది నమ్ముతారు. ఏడుపు ఒకరి శరీరాన్ని ఆరోగ్యకరమైన రీతిలో ప్రేరేపిస్తుందని యుసిఎల్‌ఎ క్లినికల్ సైకాలజిస్ట్, రౌల్ వాలెన్‌బర్గ్ ఇనిస్టిట్యూట్ ఆఫ్ ఎథిక్స్ డైరెక్టర్ స్టీఫెన్ సైడెరాఫ్ అంటున్నారు. ఏడుపు వల్ల కలిగే ప్రయోజనాలు ఏమిటంటే, ప్రజలు కన్నీళ్ల ద్వారా ఉద్రిక్తతను విడుదల చేస్తారు. జపాన్‌లో ఏడ్చేందుకు క్లబ్స్, సోబ్‌ఫెస్ట్‌ లను నిర్వహిస్తారు. మీరు ఏడుస్తున్నప్పుడు, ఒత్తిడిని మొత్తం పోతుంది. అందువల్ల, పారాసింపథెటిక్ నాడీ వ్యవస్థను ప్రేరేపిస్తుంది, ఇది మీ శరీరంలో సమతుల్యతను పునరుద్ధరిస్తుంది.

మీరు ఎటువంటి కారణం లేకుండా ఎక్కువగా ఏడుస్తుంటే..

మీకు ఏదైనా రోజు బాధకలిగినప్పుడు ఏడవడం లేదా నెలకి ఒకటి , రెండు సార్లు కారణం లేకుండా ఏడుపు మంచిది. కానీ, ప్రతిరోజూ లేదా ప్రతి క్షణం ప్రతిదాని గురించి ఎప్పుడు ఏడుస్తున్నట్లు మీకు అనిపిస్తే, ఇది మంచిది కాదు. మీరు ఒక బిడ్డను ప్రసవించినట్లయితే ఇది క్లినికల్ ఆందోళన, నిరాశ, కాలానుగుణ ప్రభావ రుగ్మత లేదా ప్రసవానంతర నిరాశ కావచ్చు. అటువంటప్పుడు, మీరు తప్పనిసరిగా వైద్యుడిని సంప్రదించాలి.



Source link

Leave a Reply

Your email address will not be published. Required fields are marked *