bengaluru acp extortion: అడ్డంగా బుక్కైన ఏసీపీ.. రూ.1.75 కోట్ల బలవంతపు వసూళ్లు.. చివరికి.. – bengaluru cop extorts 1.75 crore rupees from businessmen during lockdown


కంచే చేను మేసిందన్న చందంగా వ్యాపారుల నుంచి బలవంతపు వసూళ్లకు పాల్పడిన పోలీసు అధికారిపై కేసు నమోదైంది. అతనికి సహకరించిన మరో ఇద్దరు ఇన్‌స్పెక్టర్లపై కూడా బెంగళూరు పోలీసులు కేసు నమోదు చేశారు. లాక్‌డౌన్‌లో సిగరెట్ వ్యాపారుల నుంచి సుమారు రూ.1.75 కోట్ల అక్రమంగా వసూలు చేసినట్లు బెంగళూరు సీసీబీ ఏసీపీ ప్రభుశంకర్, ఇన్‌స్పెక్టర్లు నిరంజన్, అజయ్‌లపై ఆరోపణలు వచ్చాయి. డిస్ట్రిబ్యూటర్ల నుంచి బలవంతపు వసూళ్ల వ్యవహారం కలకలం రేపింది.

ఏకంగా పోలీస్ బాస్ డీజీపీ దృష్టికెళ్లింది. ఆయన ఆదేశాల మేరకు బలవంతపు వసూళ్ల ఆరోపణలపై సీసీబీ డీసీపీ ప్రాథమిక విచారణ జరిపి కాటన్‌పేట పోలీస్ స్టేషన్‌లో ఫిర్యాదు చేయడంతో ఏసీపీ సహా ఇద్దరు ఇన్‌స్పెక్టర్లపై కేసు నమోదైంది. వ్యాపారుల నుంచి రూ.1.75 కోట్లు వసూలు చేసినట్లు ప్రాథమికంగా నిర్ధారించారు. పోలీసు అధికారుల నుంచి రూ.52 లక్షల నగదు కూడా స్వాధీనం చేసుకున్నారు.

Also Read: ఇంట్లో చోరీకి వెళ్లిన దొంగ.. మహిళ నిద్రిస్తూ కనిపించడంతో..

ప్రాథమిక విచారణ జరిపిన ఉన్నతాధికారులు ఆ మేరకు పోలీస్ బాస్‌కి నివేదిక అందజేశారు. పోలీసు అధికారులపైనే కేసులు నమోదు కావడం చర్చనీయాంశంగా మారింది. వసూళ్లకు పాల్పడినట్లు ఆరోపణలు ఎదుర్కొంటున్న అధికారులు బెయిల్ కోసం ప్రయత్నాలు చేస్తున్నట్లు తెలుస్తోంది. అయితే ఈ కేసును స్వతంత్ర సంస్థ ద్వారా విచారణ జరిపించాలని యోచిస్తున్నట్లు పోలీసు ఉన్నతాధికారులు తెలిపారు.

Read Also: అత్తని చంపేసిన అల్లుడు.. నెల్లూరులో దారుణం



Source link

Leave a Reply

Your email address will not be published. Required fields are marked *