bengaluru baby sale: ఐదు రోజుల బిడ్డని 5 వేలకి అమ్మేసిన కసాయి తల్లి.. దారుణం – mother sells 5 day old infant for rs 5k in karnataka’s davanagere


నవమాసాలు మోసి జన్మనిచ్చిన బిడ్డని అమ్మేసిందో కసాయి తల్లి. ఐదు రోజులు కూడా గడవకుండానే ఐదు వేలకు బేరం పెట్టేసింది. అందుకు ఆస్పత్రి సిబ్బందే డీల్ కుదర్చడం విశేషం. బిడ్డని కొనుక్కునేందుకు ఆస్పత్రికి వచ్చిన అక్కాతమ్ముళ్లకు ఐదురోజుల మగబిడ్డను విక్రయించేందుకు బేరం కుదిరింది. అయితే ఈ వ్యవహారం బయటికి పొక్కడంతో తీవ్ర కలకలం రేగింది. ఈ దారుణ ఘటన కర్ణాటకలోని దావణగెరె ఏరియాలో చోటుచేసుకుంది.

దావణగెరె పరిధిలోని హొన్నాలి ఏరియా ప్రభుత్వాస్పత్రిలో ఓ మహిళ ఈ నెల 20న మగబిడ్డకు జన్మనిచ్చింది. డబ్బుకు ఆశపడి నవమాసాలు మోసి కన్న బిడ్డను అమ్మేసేందుకు కసాయి తల్లి ముందుకొచ్చింది. బిడ్డకు ఐదు రోజులు కూడా గడవకుండానే ఐదు వేలకు అమ్మేసింది. ఆస్పత్రి సిబ్బందే బిడ్డ అమ్మకానికి బేరం కుదిర్చారు. మధ్యవర్తత్వం వహించి బిడ్డను విక్రయించేశారు.

Also Read: కొత్త కోడలిపై కన్నేసిన మామ.. ఒంటరిగా ఉన్న సమయం చూసి..

ఈ నెల 20 వ తేదీ తెల్లవారుజాము సమయంలో హొన్నాలి బస్టాండ్‌లో అన్నేష్ నాయక్(36), అతని అక్క లావణ్య(39)కి బిడ్డను అప్పగించారు. అయితే బిడ్డని విక్రయించిన విషయం బయటికి పొక్కడంతో చైల్డ్ డెవలప్‌మెంట్ అధికారులు రంగంలోకి దిగారు. ప్రాజెక్ట్ ఆఫీసర్ మహంతేష్ పూజార్ ఫిర్యాదు మేరకు పోలీసులు ఆరుగురిపై కేసులు నమోదు చేశారు.

ఆస్పత్రిలో స్టాఫ్ నర్సుగా పని చేస్తున్న కుమార్(44), బిడ్డను అమ్మకానికి బేరం కుదిర్చిన నాలుగో తరగతి ఉద్యోగి మహేష్, హీరేకెరూర్ ఆస్పత్రి ల్యాబ్ టెక్నీషియన్ బసవరాజ్(36), అన్నేష్ నాయక్, లావణ్య, బిడ్డ తల్లిపై కేసులు నమోదు చేశారు. ఇప్పటికే నలుగురిని అదుపులోకి తీసుకున్నట్లు సమాచారం.

Read Also: మృగాడి కామకోరికలకు మహిళ బలి.. భర్త లేడని.. గుంటూరులో దారుణం



Source link

Leave a Reply

Your email address will not be published. Required fields are marked *