bengaluru illegal affair: సంసారంలో అక్రమ సంబంధం చిచ్చు.. భార్యను చంపి భర్త ఆత్మహత్య – bihar man commits suicide after killing wife in bengaluru over illegal affair


అక్రమ సంబంధం భార్యాభర్తల ప్రాణాలను బలిగొంది. పరాయి మహిళతో అఫైర్ పెట్టుకున్నందుకు ప్రశ్నించిందని ఓ వ్యక్తి కట్టుకున్న భార్యనే కిరాతకంగా చంపేసి తాను కూడా ఆత్మహత్య చేసుకున్నాడు. ఈ ఘటన కర్ణాటక రాజధాని బెంగళూరులోని పరప్పన అగ్రహార పోలీస్‌స్టేషన్ పరిధిలో చోటుచేసుకుంది. బీహార్‌కు చెందిన మనీష్‌ కుమార్‌(38), సంధ్య(33) దంపతులు. రెండు సంవత్సరాల క్రితం వారు బెంగళూరుకు వలస వచ్చి ఎఫ్‌సీఎల్‌ లేఔట్‌లో నివాసం ఉంటున్నారు. ఓ ప్రైవేట్ కంపెనీలో పనిచేసే మనీష్‌కుమార్‌ స్థానికంగా ఓ మహిళతో అక్రమ సంబంధం పెట్టుకున్నాడు.

Also Read: హైదరాబాద్‌లో యువకుడి దారుణహత్య.. మద్యం మత్తులో స్నేహితులే

ఈ విషయం తెలుసుకున్న సంధ్య భర్తను నిలదీయడంతో వారు కాపురంలో చిచ్చు రేగింది. ఇదే విషయంపై తరుచూ గొడవలు జరుగుతున్నాయి. ఇటీవల సంధ్య తన తల్లిదండ్రులకు ఫోన్ చేసి భర్త నిర్వాకం గురించి వివరంగా చెప్పింది. తన అఫైర్ గురించి బయటపెట్టి పరువు తీసిందన్న కోపంతో మనీష్‌ భార్యపై కక్ష పెంచుకున్నాడు. శుక్రవారం రాత్రి నిద్రపోతున్న సంధ్య గొంతు నులిమి చంపేసి శవాన్ని ఇంట్లోనే భద్రపరిచాడు. శనివారం ఎన్నిసార్లు ఫోన్ చేసినా సంధ్య ఎత్తకపోవడంతో ఆందోళనపడిన ఆమె తల్లిదండ్రులు అదేరోజు సాయంత్రం రైలెక్కి ఆదివారం ఉదయం బెంగళూరు చేరుకున్నారు.

Also Read: పెళ్లి చేసుకుంటానని నమ్మించి.. లైంగిక కోరికలు తీర్చుకుని

అత్తమామలు ఇంటికొస్తే హత్య విషయం బయటపడుతుందన్న ఆందోళనకు గురైన మనీష్ మూడంతస్తుల బిల్డింగ్‌ పైనుంచి దూకి ఆత్మహత్య చేసుకున్నాడు. సంధ్య తల్లిదండ్రులు ఇంటికి చేరుకునేసరికే అక్కడ చాలామంది గుమిగూడి ఉన్నారు. ఏమైందోనని వారు వెళ్లి చూసేసరికి మనీష్ రక్తపు మడుగులో పడి ఉన్నాడు. ఇంటి లోపలికి వెళ్లి చూడా సంధ్య మృతదేహం కనిపించింది. దీంతో వారు వెంటనే పోలీసులకు సమాచారం ఇచ్చారు. పరప్పన అగ్రహార పోలీసులు వెంటనే అక్కడికి చేరుకుని మృతదేహాలను ఆస్పత్రికి తరలించారు. అక్రమ సంబంధాలు పచ్చటి సంసారాలను ఎలా నాశనం చేస్తాయో ఈ ఘటన ఉదాహరణగా నిలిచింది.

Also Read: గుప్తనిధుల పేరుతో బాలికపై అత్యాచారం.. ప్రకాశం జిల్లాలో కీచక మంత్రగాడు



Source link

Leave a Reply

Your email address will not be published. Required fields are marked *