benjamin netanyahu: అవినీతి ఆరోపణలు.. తిరిగి అధికారం చేపట్టిన వారంలోనే బోనెక్కిన ఇజ్రాయెల్ ప్రధాని – trial of israeli pm benjamin netanyahu on corruption charges has opened in jerusalem


అవినీతి ఆరోపణలకు సంబంధించి ఇజ్రాయెల్‌ ప్రధాని బెంజిమెన్‌ నెతన్యాహు (70)పై న్యాయస్థానంలో విచారణ ప్రారంభమైంది. దీంతో అధికారంలో ఉండగానే కోర్టు బోనులో నిలబడ్డ తొలి ఇజ్రాయెల్‌ ప్రధానిగా నెతన్యాహు అపవాదును మూటగట్టుకున్నారు. ఐదోసారి తిరిగి అధికారంలోకి వచ్చిన వారం రోజుల్లోనే ఆయనపై విచారణ ప్రారంభం కావడం విశేషం. మూడు కేసుల్లో ముడుపులు స్వీకరించడం ద్వారా విశ్వాస ఘాతుకానికి పాల్పడినట్లు ఆరోపణలను ఎదుర్కొంటున్నారు. కేసు 1000 (మోసం, విశ్వాస ఘాతుకం), కేసు 2000 (మోసం, విశ్వాస ఘాతుకం), కేసు 4000 (లంచగొండితనం, మోసం, విశ్వాస ఘాతుకం)గా ఈ అభియోగాలు నమోదయ్యాయి.

అయితే, వ్యక్తిగత హాజరు నుంచి మినహాయింపు ఇవ్వాలని నెతన్యాహు దాఖలు చేసిన పిటిషన్‌ను ముగ్గురు న్యాయమూర్తుల కమిటీ గత బుధవారం తిరస్కరించింది. ఈ నేపథ్యంలో నెతన్యాహు కోర్టుకు రావడం అనివార్యమయ్యింది. తనపై మోపిన మూడు అభియోగాలను చదివి అర్థం చేసుకున్నానని ఆయన న్యాయమూర్తులకు తెలిపారు. ఈ కేసులో ప్రధానికి వ్యతిరేకంగా సమర్పించిన సాక్ష్యాలు అసంపూర్ణంగా ఉన్నాయని, పైగా వాటిని ఆలస్యంగా అందజేశారని నెతన్యాహు తరఫు న్యాయవాదులు పేర్కొన్నారు. వాదనలు సిద్ధం చేయడానికి వీలుగా ఆరు నెలల సమయం ఇవ్వాలని కోరారు. ప్రాసిక్యూటర్లు దీనిపై అభ్యంతరం వ్యక్తంచేశారు. ఈ అంశంపై కోర్టు మంగళవారం నిర్ణయం వెలువరించే అవకాశం ఉంది.

తనను పడగొట్టాలనే లక్ష్యంతోనే ఉద్దేశపూర్వకంగానే తప్పుడు కేసులు పెట్టారని నేతన్యాహు వ్యాఖ్యానించారు. అవినీతి ఆరోపణలు ఎదుర్కొంటున్నందున పదవి నుంచి తప్పుకోవాలన్న ప్రతిపక్షాల వాదనను నేతన్యాహు తోసిపుచ్చారు. తాను ఎలాంటి తప్పుచేయలేదని తలెత్తుకుని గర్వంగా చెప్పగలనని అన్నారు. బలమైన ప్రధానిగా ఉన్న తనను పదవీచిత్యుడిని చేయాలని చూస్తే అధి సాధ్యమేనని అన్నారు. కోర్టు హాలులోకి మాస్క్‌తో ప్రవేశించిన నేతన్యాహు మీడియా ప్రతినిధులు వెళ్లిపోయేవరకు బోను ఎక్కేందుకు నిరాకరించినట్టు స్థానిక మీడియా తెలిపింది.

ఏడాది అనిశ్చిత తర్వాత అధికారాన్ని పంచుకోడానికి రాజకీయ ప్రత్యర్థి బెన్నీ గాంట్జ్ అంగీకరించడంతో ఇజ్రాయెల్‌లో వారం రోజుల కిందట నేతన్యాహు నాయకత్వంలోని సంకీర్ణ ప్రభుత్వం ఏర్పాటయ్యింది. బడా వ్యాపారవేత్తల నుంచి ఖరీదైన బహుమతులు స్వీకరించి, వారికి అనుకూలంగా వ్యవహరించారని, అలాగే తనకు అనుకూలంగా వార్తలు రాయడానికి మీడియా సంస్థలకు తాయిలాలు ఇచ్చారని, టెలికమ్ దిగ్గజం బెజెక్‌లో ప్రధాన వాటాదారుడు ఎలోవిచ్‌‌కు మేలు చేసేలా అనుకూలమైన నిర్ణయాలను తీసుకున్నట్టు నెతన్యాహుపై ఆరోపణలు ఉన్నాయి.



Source link

Leave a Reply

Your email address will not be published. Required fields are marked *