వెన్నునొప్పి ఉంటే ఇలా అస్సలు చేయకూడదు

వెన్నునొప్పి ఈ రోజుల్లో చాలా మంది ఎదుర్కొంటున్న సమస్యల్లో ఇది కూడా ఒకటి. వెన్నునొప్పికి చాలా కారణాలు ఉన్నాయి… ముఖ్యంగా ఉరుకులు పరుగుల జీవితంలో చాలా మంది ఆరోగ్యం కోసం పట్టించుకునే తీరిక కూడా లేకుండా పోతోంది. ఎక్కువసేపు కూర్చోవడం లేదా పడుకోవడం, జాగ్రత్తలు తీసుకోకుండా వ్యాయామం చేయడం, చాలా కష్టపడి వ్యాయామం చేయడం వంటి వాటి వల్ల ఈ సమస్య ఎక్కువగా వస్తుంది.


కొన్నిసార్లు వాతావరణ మార్పులు కూడా వెన్నునొప్పికి కారణమవుతుంది. ఉదాహరణకు, అధిక చలి కారణంగా, కండరాలు మరియు కీళ్ళు బలహీనంగా ఉంటాయి. ఇది వింటర్‌లో ఎక్కువ వెన్నునొప్పికి దారితీస్తుంది. అందువల్ల మీరు శరీరాన్ని వీలైనంత వెచ్చగా ఉంచడానికి ప్రయత్నించాలి. వెన్నునొప్పిని తగ్గించుకోవాలని చాలామంది లోషన్స్, ట్యాబ్లెట్స్, బామ్స్ వంటివి వాడుతుంటారు, అయితే చాలా మందికి తెలియని విషయం ఏమిటంటే… కొన్ని వ్యాయామాలు వెన్నునొప్పి సమస్యని ఇంకా ఎక్కువ చేస్తాయి. అందుకే వీరు ఎలాంటి ఎలా పడితే అలా వర్కౌట్స్ చేయకూడదు. కొన్ని మాత్రమే చేయాలి. అవేమిటో ఇప్పుడు చూద్దాం ….

వెన్నునొప్పి ఉన్నప్పుడు ఈజీ పనులు కూడా కష్టంగా ఉంటాయి. మీరు చేసే ఎక్సర్‌సైజెస్‌కి ఈ నొప్పి అడ్డంకి మారకూడదు … కొన్ని జాగ్రత్తలు పాటిస్తే చక్కగా వ్యాయామాలు చేసుకోవచ్చు. వెన్నునొప్పిని త్వరగా తగ్గించుకోవడానికి చేయవల్సిన ఎక్సర్‌సైజెస్‌ని ఇప్పుడు చూద్దాం..

Also Read : ఫ్లూ వస్తే కరోనా వైరస్ వచ్చినట్టేనా..

అబ్డోమినల్ క్రంచెస్..

ఈ వ్యాయామం వెన్ను నొప్పి సమస్యతో బాధపడతున్నవారికి మంచిది కాదు. ఈ వ్యాయామం చేయడం వల్ల మీ వెన్నునొప్పి మరింత పెరుగుతుంది. కాబట్టి, దీని వల్ల వెన్ను నొప్పి మరింత ఎక్కువ అవుతుంది. అందుకే వెన్ను నొప్పి సమస్యతో బాధపడే వారు ఇది చేయకపోవడమే మంచిది.

బార్ బ్యాక్ స్క్వాట్స్..

భుజాలపైన వెనుక భాగంలో బార్‌ని బ్యాలెన్స్ చేస్తూ ఈ వర్కౌట్ చేయాలి. ఈ ఎక్సర్‌సైజ్ చేయడం వల్ల వెనుక భాగం, హిప్స్, మోకాళ్ళపై ఒత్తిడి కలుగుతుంది. ఈ వర్కౌట్ వెన్నునొప్పి సమస్యను తీవ్రతరం చేస్తుంది. ఇది వెన్నునొప్పి ఉన్నవారికి చాలా ప్రమాదకరం. అందుకే వెన్నునొప్పి ఉంటే ఈ వర్కౌట్‌కి పూర్తిగా దూరంగా ఉండాలి .

బర్పీలు..

ఈ వ్యాయామం ఎక్కువగా బరువు తగ్గటానికి చేస్తారు. దీని వల్ల అధిక-ప్రభావ కదలికలు, జంపింగ్‌లు చేయొచ్చు. ఇది ఛాతి , భుజాలు, చేతులు, పొట్ట, కాళ్ళు, ఇలా ప్రతి భాగంపై ప్రభావం చూపి, కొవ్వుని కరిగిస్తుంది. ఈ వ్యాయామం చేస్తే వెన్ను నొప్పి ఎక్కువ అవుతుంది. అందుకే ఇవి ఈ వెన్నునొప్పి ఉన్నవారికి హానికరం. అందుకే బ్యాక్‌పెయిన్‌తో బాధపడేవారు ఈ వర్కౌట్ చేయకపోవడమే మంచిది.

Also Read : బరువు తగ్గడానికి అన్నం మంచిదా.. చపాతీ మంచిదా..

హై నీ జంప్..

హై నీ జంప్ చేయడం వెన్నునొప్పి సమస్యను ఎక్కువ మరింత సమస్యగా చేస్తుంది. ఎందుకంటే, ఈ వ్యాయామం వల్ల చీలమండ, మోకాళ్లు బెణుకుతాయి. మీరు వెన్నునొప్పితో బాధపడుతుంటే, మీరు అదనపు జాగ్రత్తగా ఉండాలి.

స్పైనల్ ట్విస్ట్..

భుజాలపై వెనుక భాగంలో బార్‌తో వెన్నెముకని ట్విస్ట్ చేయటమే ఈ వ్యాయామం. ఇది వెన్నుముకపై ఒత్తిడి పడేలా చేస్తుంది. కాబట్టి వెన్నెముక ఆరోగ్యానికి హానికరం. అందుకే ఇది చేయకూడదు.

డబుల్ లెగ్ లిఫ్ట్..

డబుల్ లెగ్ లిఫ్ట్ మరో ఎక్సర్‌సైజ్. వెన్నునొప్పితో బాధపడేవారికి ఈ వ్యాయామం అంత మంచిది కాదు. ఈ వ్యాయామం వీపు భాగంలో ఇబ్బంది కలుగుతుంది. ఈ కారణంగా మీ నొప్పి ఎక్కువ అవుతుంది. అందుకే వెన్నునొప్పి సమస్యతో బాధపడే వారు ఈ వ్యాయామం చేయకూడదు.

బెంట్ ఓవర్ బార్బెల్ రో..

ఈ వ్యాయామాన్ని డంబెల్స్‌ని వీపు భాగాన్ని నేలపై సమాంతరంగా ఉంచి, మోకాళ్లను కొద్దిగా ముందుకు వంచి బరువు ఎత్తాలి. ఇది వెన్నెముక సమస్యతో బాధపడేవారికి హానికరం. వెన్నునొప్పితో బాధపడేవారు ఎప్పుడు కూడా బరువులు ఎత్తకూడదు. ఎందుకంటే, ఇది మీ నొప్పిని మరింత ఎక్కువ అయ్యేలా చేస్తుంది. అందుకే మీకు వెన్నునొప్పి ఉంటే ఈ వర్కవుట్ చేయకపోవడమే మంచిది.

చేయాల్సిన వర్కౌట్స్..

కోబ్రా స్ట్రెచ్:

ముందుగా బోర్లా పడుకుని నెమ్మదిగా మీ తలభాగాన్ని పైకి లేపండి. ఆ సమయంలో మీ శరీర బరువు ముంజేయిపై పడేలా చూస్కోండి. ఐదు సెకన్ల పాటు అలానే ఉండండి. తిరిగి యథాస్థానానికి చేరి మళ్లీ పునరావృతం చేయండి. మొదట్లో రోజుకు ఐదు సార్లు చేసి.. అలవాటు అయ్యే కొద్దీ సంఖ్యని పెంచితే మంచిది.

Also Read : హస్తప్రయోగం ఎక్కువగా చేస్తే పిల్లలు పుట్టరా..

స్టాండింగ్ టో టచ్

ముందుగా నిల్చోండి. ఆ తర్వాత చేతులను ముందుకి చాపి అలానే వంగండి. ఆ తర్వాత అసలు స్థానానికి తిరిగి వెళ్లండి. తర్వాత మీ చేతులను నడుము మీద ఉంచి వెనుకకు వంగండి . ఈ వ్యాయామం వెన్నునొప్పిని తగ్గిస్తుంది. ప్రారంభంలో, 10 సెకన్ల పాటు నాలుగు సార్లు దీనిని చేయొచ్చు. ఇలా ప్రతిసారి చేసిన తర్వాత ఇరవై సెకన్ల పాటు విశ్రాంతి తీసుకోండి.


టో టచ్ క్రాస్ఓవర్..

ఇది సులభమైన వ్యాయామాలలో ఒకటి. వీపు నొప్పి నుండి ఉపశమనానికి సాయపడుతుంది. ఎలా చేయాలంటే ముందుగా నిల్చొని శరీరాన్ని వంచండి. ఆ తర్వాత మీ ఎడమ కాలుని కుడిచేత్త పట్టుకోండి. ఆ తర్వాత కుడి కాలుని ఎడమ చేత్తో పట్టుకోండి. మళ్లీ లేచి చేతులని చాపండి. ఇలా రెగ్యులర్‌గా చేయండి. ఇలా చేసిన ప్రతి సారి ఇరవై సెకన్ల పాటు విశ్రాంతి తీసుకోండి.

ఏదైనా గాయం లేదా నొప్పి ఉంటే, ప్రొఫెషనల్ ట్రైనర్ పర్యవేక్షణలో వ్యాయామం చేయాలి. మీకు వెన్నునొప్పి లేకపోయినా, వెయిట్ ట్రైనింగ్ చేసేటప్పుడు వెయిట్ బెల్ట్ ధరించడం మర్చిపోవద్దు.

Source link

Leave a Reply

Your email address will not be published. Required fields are marked *