bigg boss season 4 telugu contestants: అందుకే బిగ్ బాస్‌ 4కి పోలేను! నాకూ శ్రీముఖికీ మధ్య..: యాంకర్ రవి – anchor ravi about telugu bigg boss 4 reality show


తెలుగు బుల్లితెర మీద తనకంటూ ప్రత్యేకమైన స్థానం ఏర్పరుచుకున్నాడు యాంకర్ రవి. రవి అంటే ఎంటర్‌టైన్మెంట్, ఎంటర్‌టైన్మెంట్ అంటే రవి.. అంటూనే లాక్ డౌన్‌లో కూడా ఎంటర్‌టైన్మెంట్‌ని వదిలే ప్రసక్తే లేదంటున్నాడు రవి. లైవ్స్, కుకింగ్ వీడియోస్, డాన్స్ ఛాలెంజెస్.. ఇలా నిత్యం ఏదోక వినోదాన్ని అందిస్తూనే ఉన్నాడు. ఈ తరుణంలో తనిచ్చిన ఓ ఇంటర్వ్యూ వైరల్ అవుతోంది. అభిమానుల ప్రశ్నలకు కూడా సమధానాలు ఇస్తూనే.. బిగ్ బాస్ గురించి, శ్రీముఖి గురించి.. తను లాక్ డౌన్‌లో నేర్చుకున్న పనుల గురించి మరిన్ని విషయాలు షేర్ చేసుకున్నాడు రవి.
Read also: ప్రదీప్‌ గురించి చెబుతూ గెటప్ శ్రీను ఎమోషనల్.. అతడు అవన్నీ అనాథలకు ఇచ్చేస్తాడు..

నేను ఈ లాక్ డౌన్‌లో చాలా నేర్చుకున్నాను.. వంట చెయ్యడమే కాదు.. ఊడ్చడం, తుడవడం, అంట్లు తోమడం, బట్టలు ఆరెయ్యడం.. ఇలా ఒక్కటేమిటి అన్నీ నేర్చుకున్నాను. నేనో ఎంటర్‌టైనర్‌ని.. కానీ నాకు అది మిస్ అయితే.. నాలుగు ఇళ్లు చూసుకుని చక్కగా ఈ పనులన్నీ చేసుకునైనా బతికేస్తాను. నేను దేన్నీ తక్కువ చెయ్యట్లేదు.. డిగ్నిటీ ఆఫ్ లేబర్.. నాకే పొద్దున్నే లేచేసరికి ఇవన్నీ చెయ్యాలని ఇంట్రెస్ట్ వస్తోంది. పైగా ఇప్పటి దాకా చేసిన పనివాళ్లకంటే.. మనమే మన ఇంటిని శుభ్రంగా ఉంచుకోగలం అని కూడా నాకు అర్థమైంది.

‘ఇక రెగ్యులర్ ప్రాగ్రామ్స్ అన్నీ టీవీల్లో యథావిధిగా రావాలంటే కనీసం 3 లేదా 4 నెలలు పడుతుంది. ఎందుకంటే.. ఉదాహరణకి నేను చేసే సరిలేరు మీకెవ్వరు ప్రోగ్రామ్.. తీసుకుంటే.. అటు ముఫ్పై మంది ఇటు ముఫ్పై మంది నిలబడి ఉంటాడు.. ఫ్రేమ్‌లో కనిపించాలి కాబట్టి దగ్గర దగ్గరగా ఉంటారు. అక్కడ భౌతిక దూరం అంటే కష్టం కదా.. అందుకే అలాంటి ప్రాగ్రామ్స్‌కి ఇంకా టైమ్ పడుతుంది’ అని చెప్పుకొచ్చాడు రవి.

‘భయ్యా నీకు, శ్రీముఖీకి మధ్య ఏదైనా గొడవైంది లేక ఏదైనా ఇష్యూ ఉందా? ఎందుకు పటాస్ తర్వాత ఇద్దరూ కలిసి చెయ్యట్లేదు? కలిసి కనిపించడం లేదు?’ అని ఓ నెటిజన్ అడిగిన ప్రశ్నకు.. ‘అయ్యో పటాస్ తర్వాత కూడా మేము జీతెలుగుకి ఓ ఈవెంట్ కూడా చేశాం. నిజానికి జనాలకి ఏదోటి స్పైసీగా కావాలి అంతే.. ఉన్నదానిలో మేము మళ్లీ వాళ్లకి ఫ్రూ చెయ్యడానికి కలిసి మళ్లీ ఏదైనా ప్రాగ్రామ్ చేస్తాం కూడా..’ అని బదులిచ్చాడు రవి.

‘బిగ్ బాస్ 4కి వెళ్తారా?’ అని ఓ అభిమాని అడగడంతో.. ‘నాలుగైదురోజులుగా నేను కూడా చేస్తున్నాను.. యాంకర్ రవి ఇన్ బిగ్ బాస్ 4 అని తిరుగుతోంది. అది చూసి పోదామా అని ఒకసారి ఆలోచించాను. ఎలా ఉంటుంది అని. అదంతా డిఫరెంట్ వర్ల్డ్. దానిలోకి వెళ్తే ఏం అవుతుంది? తర్వాత ఏం అవుతుంది అనే సంగతి పక్కన పెడితే.. బిగ్ బాస్ మీద మంచి అభిప్రాయమే ఉంది. కానీ నాకు దానికంటే ముఖ్యమైంది వియా. తనని వదిలేసి అన్ని రోజులు ఉండలేను. ఉదయాన్నే వెళ్తే.. షూటింగ్ అయిపోయాక సాయంత్రానికే దాన్ని ఎప్పుడెప్పుడు చూస్తానా అనిపిస్తూ ఉంటుంది నాకు. అలాంటిది అన్ని రోజులు బిగ్ బాస్ అంటే.. కష్టం..’ అని తేల్చేశాడు రవి.



Source link

Leave a Reply

Your email address will not be published. Required fields are marked *