bigg boss trp rating: Star Maa: బిగ్ బాస్, కార్తీకదీపం ఎఫెక్ట్.. దేశంలోనే నెంబర్ వన్ ఛానల్‌గా స్టార్ మా రికార్డ్ – big boss and karthika deepam effect: star maa becomes top player in india for pay entertainment channel


లాక్ డౌన్ నేపథ్యంలో అందరూ ఇళ్లకే పరిమితం కావడంతో టీవీ వ్యూవర్ షిప్ బాగా పెరిగింది. థియేటర్స్ మూత పడటంతో వినోద ప్రియులకు టీవీ కార్యక్రమాలే ప్రధాన ప్రత్యామ్నాయం అయ్యింది.. దీంతో టీవీ ఛానల్స్ రేటింగ్ కరోనా కేసుల మాదిరిగా ఒక్కసారిగా పెరిగాయి.

అయితే స్టార్ మా ఛానల్ దేశంలోనే అత్యధిక వ్యూవర్ షిప్ సంపాదించి ఇండియన్ నెంబర్ వన్ ఛానల్‌గా చరిత్ర కెక్కింది. బార్క్ రేటింగ్ ప్రకారం దేశంలోనే ఎక్కువ మంది వీక్షించే ఎంటర్ టైన్ మెంట్ ఛానెల్ గా స్టార్ మా అవతరించింది. తాజాగా విడుదల అయిన రేటింగ్స్‌లో స్టార్ మా ఈ ఘనత సాధించింది.

సన్ టివీని దాటి స్టార్ మా ముందుకు వెళ్లి దేశంలోనే ఎక్కువ మంది వీక్షించే ఎంటర్ టైన్ మెంట్ ఛానెల్‌గా రికార్డ్ క్రియేట్ చేసింది. తాజాగా విడుదల అయిన రేటింగ్స్‌లో స్టార్ మా ఈ ఘనత సాధించిందని స్టార్ మా ఒక ప్రకటనలో తెలిపింది. అన్ని రీజినల్ ఛానెల్స్‌లో ప్రత్యేక కార్యక్రమాలు రూపొందిస్తూ ముందుకు వెళుతున్న స్టార్ మా ఇప్పుడు దేశంలోనే నెంబర్ వన్‌గా మారింది.

వరల్డ్ బిగ్గెస్ట్ రియాలిటీ షో బిగ్ బాస్‌తో పాటు.. మా టీవీ సీరియల్స్ ఆ ఛానల్‌ని నెంబర్‌ వన్ స్థానంలో నిలిపింది. ముఖ్యంగా కార్తీకదీపం సీరియల్ తిరిగులేని రేటింగ్‌తో దూసుకుపోతంది. ప్రతిరోజు 18 పైగానే టీవీఆర్ రేటింగ్ సాధిస్తోంది కార్తీకదీపం సీరియల్. ఈ సీరియల్‌తో పాటు.. వదినమ్మ, ఇంటింటి గృహలక్ష్మి, తాజాగా ప్రారంభమైన దేవత, కస్తూరి తదితర కార్యక్రమాలతో స్టార్ మా రేటింగ్‌లో టాప్‌లో ఉంటుంది. 42 శాతం వీక్షకులను ఈ సీరియల్స్ ఆకట్టుకుంటున్నాయి.

వీటితో పాటుగా.. బ్లాక్ బస్టర్ సినిమాలు, ప్రముఖ తారలతో కూడిన ఈవెంట్లు, లైవ్ కార్యక్రమాలు స్టార్ మాలో ప్రత్యేక ఆకర్షణగా ఉన్నాయి. బిగ్ బాస్, సిక్స్త్ సెన్స్, ఇస్మార్ట్ జోడీ లాంటి రియాలిటీ షో లు కూడా మా టీవీని ప్రేక్షకులకు దగ్గర చేశాయి.



Source link

Leave a Reply

Your email address will not be published. Required fields are marked *