Bombay High Court on Abortion: పెళ్లి కాకుండా గర్భం దాల్చిన యువతి.. 23 వారాల తర్వాత అబార్షన్‌పై బాంబే హైకోర్టు సంచలన తీర్పు – bombay high court allows unmarried woman to terminate 23-week pregnancy


వివాహం కాకుండా గర్బం దాల్చిన ఓ మహిళకు 23 వారాల తర్వాత అబార్షన్‌కు బాంబే హైకోర్టు అనుమతించింది. ప్రస్తుతం అమల్లో ఉన్న అబార్షన్ చట్టం 20 వారాల దాటితే అబార్షన్‌కు అంగీకరించదు. కానీ, ఈ కేసులో పెళ్లి కాకుండా గర్బం దాల్చిన తాను ప్రస్తుత పరిస్థితుల్లో బిడ్డకు జన్మనివ్వడం వల్ల మానసికంగా, శారీరకంగా ఇబ్బందులను ఎదుర్కొంటానని సదరు మహిళ న్యాయస్థానానికి విన్నవించుకుంది. దీంతో ఆమె విన్నపాన్ని పరిగణనలోకి తీసుకున్న బాంబే హైకోర్టు ఈ ఆదేశాలు జారీచేసింది. జస్టిస్ ఎస్జే కథావాలా, జస్టిస్ సురేంద్ర తావడేల ధర్మాసనంం ఈ మేరకు నిర్ణంయ తీసుకుంది.

కేసు వివరాల్లోకి వెళితే.. మహారాష్ట్రలోని రత్నగిరి జిల్లాకు చెందిన ఓ 23 ఏళ్ల మహిళ వివాహం కాకుండానే గర్భం దాల్చింది. అయితే, కరోనా వైరస్ లాక్‌డౌన్ కారణంగా 20 వారాల్లోపు అబార్షన్ చేయించుకోలేకపోయింది. దీంతో అబార్షన్‌కు అనుమతించాలని కోరుతూ బాంబే హైకోర్టును గతవారం ఆశ్రయించింది. ఆమె పిటిషన్‌ను విచారణకు స్వీకరించిన హైకోర్టు.. ఈ సమయంలో అబార్షన్ చేస్తే ఆమెకు ఏమైనా ఆరోగ్య సమస్యలు, ఇబ్బందులు ఉంటాయా? లేదా? అనేది అంచనా వేయమంటూ రత్నగిరి సివిల్ ఆసుపత్రి వైద్యులను నివేదిక అందజేయాలని కోరింది. వైద్య నివేదిక ప్రకారం అబార్షన్‌కు అనుమతిస్తూ గురువారం తీర్పు వెలువరించింది.

ఓ వ్యక్తితో పరస్పర అంగీకారం ఏర్పడిన శారీరక సంబంధంతో తాను గర్భం దాల్చానని, ప్రస్తుత పరిస్థితుల్లో ఈ బిడ్డకు జన్మనివ్వలేనని తన పిటిషన్‌లో పేర్కొంది. అవివాహితగా బిడ్డకు జన్మినివ్వడం.. ఆమెను సాకడం తన వల్ల కాదని, సామాజిక కళంకం కారణంగా.. భవిష్యతులో తన బిడ్డను వివాహం చేసుకోడానికి ఎవరూ ముందుకు రారని, ఇలాంటి సమయంలో బిడ్డకు తల్లిగా ఉండటానికి మానసికంగా సిద్ధంగా లేనని బాధితురాలి తరఫున లాయర్ కోర్టుకు విన్నవించారు. లాక్‌డౌన్ కారణంగా స్కానింగ్‌కు చేయించుకోలేకపోయానని, తనకు అబార్షన్‌కు అనుమతివ్వాలని కోరింది.

వాస్తవానికి.. ఓ వైద్యుడిని సంప్రదించిన తర్వాత 12 వారాల్లోపు అబార్షన్ చేయించుకోవచ్చు.. అలాగే, 12 నుంచి 20 వారాల్లోపు ఇద్దరు వైద్యుల సలహా ప్రకారం అబార్షన్ చేయించుకోవాలని చట్టం చెబుతుంది. 20 వారాలు దాటితే న్యాయపరంగా అనుమతి తీసుకోవాలి. 20 వారాల తర్వాత అబార్షన్ చేయించుకునే మహిళకు ఆరోగ్య సమస్యలు తలెత్తి ఆమె ప్రాణానానికే ప్రమాదం ఏర్పడుతుంది. అందుకే దీనికి న్యాయపరంగా అనుమతి తప్పనిసరి.



Source link

Leave a Reply

Your email address will not be published. Required fields are marked *