bommuru sexual harassment: నలుగురు హాస్టల్ యువతులపై వాచ్‌మెన్ అత్యాచారం.. మంత్రి కీలక ప్రకటన – minister taneti vanitha visits east godavari bommuru swadhar home


తూర్పు గోదావరి జిల్లా రాజమండ్రి బొమ్మూరులోని స్వధార్ హోం వార్డెన్‌ అరుణ, వాచ్‌మెన్‌ రెడ్డిబాబును విధుల నుంచి తొలగించినట్లు రాష్ట్ర మహిళా శిశు సంక్షేమ శాఖ మంత్రి తానేటి వనిత వెల్లడించారు. తూర్పు గోదావరి జిల్లా బొమ్మూరులో స్వధార్‌ గృహంలో వాచ్‌మెన్‌ నలుగురు యువతులపై అఘాయిత్యాలకు పాల్పడినట్లు వెలుగులోకి వచ్చిన విషయం తెలిసిందే.

వాచ్‌మెన్‌ వేధింపులు ఎక్కువ కావడంతో తీవ్ర మనో వేదనకు గురైన బాధితులు రెడ్డిబాబు చర్యలపై పోలీసులకు ఫిర్యాదు చేశారు. స్వధార్ గృహంలో యువతులపై వాచ్‌మెన్ అఘాయిత్యాలకు పాల్పడిన ఘటనపై మంత్రి తానేటి వనిత, ఎంపీ భరత్‌ స్పందించారు. బాధిత యువతులను, మహిళలను ప్రభుత్వాస్పత్రిలో బుధవారం పరామర్శించారు.

Must Read: హాస్టల్ మహిళలను భయపెట్టి, వ్యభిచారులుగా మార్చి.. టీడీపీ ఎమ్మెల్యే షాకింగ్ వ్యాఖ్యలు

ఈ సందర్భంగా తానేటి వనిత మాట్లాడుతూ.. మేనేజర్‌ రమణాశ్రీని సస్పెండ్‌ చేశామని వెల్లడించారు. బాధితులైన నలుగురు యువతులతో మరో నలుగురిని వేరే స్టేట్‌ హోంకు తరలిస్తామని తెలిపారు. స్వధార్‌ గృహంలో సీసీ కెమెరాలను వాచ్‌మెన్‌, వార్డెన్‌ కలిసే నిలిపి వేశారని వివరించారు. వాచ్‌మెన్‌ రెడ్డిబాబును అరెస్ట్‌ చేసినట్లు వెల్లడించారు. మహిళలందరూ ధైర్యంగా, భరోసాగా ఉండేందుకే దిశ చట్టాన్ని తీసుకు వచ్చినట్లు తెలిపారు.



Source link

Leave a Reply

Your email address will not be published. Required fields are marked *