bone marrow cancer symptoms: ఎముకల నొప్పి, నీరసం కాన్సర్ లక్షణాలా.. బోన్‌మారో ట్రీట్‌మెంట్ గురించి తెలుసుకోండి.. – bone marrow cancer symptoms and treatment details know here


శరీరం ఈ రక్తకణాలని తనకి కావాల్సి వచ్చినప్పుడు, అంటే పాత రక్తకణాలు చనిపోయినప్పుడు, ఉత్పత్తి చేసుకుంటుంది. ఈ కణాలు చాలా త్వరత్వరగా ఉత్పత్తి అయినప్పుడు బోన్ మారో కాన్సర్ వస్తుంది. ఇక్కడ మనం వివిధ రకాలైన బోన్ మారో కాన్సర్లూ, వాటి లక్షణాలూ, చికిత్సా విధానం గురించి తెలుసుకుందాం.

​బోన్ మారో గురించి..

samayam telugu

బోన్ మారో లో రక్తకణాలుగా అభివృద్ధి చెందే స్టెమ్ సెల్స్ ఉంటాయి. అవి:

-ఎర్ర రక్త కణాలు – ఇవి ఆక్సిజన్, కార్బన్ డైయాక్సైడ్ ని శరీరమంతటా సరఫరా చేస్తాయి.

– తెల్ల రక్త కణాలు – ఇన్ ఫెక్షన్లతో పోరాడుతాయి.

– ప్లేట్‌లెట్స్ – రక్తం గడ్డ కట్టడంలో సహాయం చేస్తాయి.

లక్షణాలు కాన్సర్ రకాన్ని బట్టీ, అది ఎంత శక్తివంతంగా ఉందీ అన్న దాన్ని బట్టీ, అది శరీరంలో ఎక్కడుందీ అన్న దాన్ని బట్టీ ఉంటాయి.

Also Read : పెళ్లి అయిన తర్వాత ప్రతి ఒక్కరి లైఫ్‌లో ఇవే జరుగుతాయి..

​వ్యాధి గురించి తెలుసుకోండి..

samayam telugu

మల్టిపుల్ మైలోమా

బోన్ మారో లో ఉండే ప్లాస్మా సెల్స్ కి వచ్చే కాన్సర్ ని మల్టిపుల్ మైలోమా అంటారు. ప్లాస్మా సెల్స్ రోగనిరోధక వ్యవస్థలో ముఖ్యమైన పాత్ర పోషిస్తాయి. ఫారిన్ బాక్టీరియా తో పోరాడే యాంటీబాడీస్ ని తయారు చేస్తాయి.

లుకేమియా

తెల్ల రక్త కణాలకు వచ్చే కాన్సర్లని లుకేమియా అంటారు. ఒక్కోసారి ఈ కాన్సర్లు రక్తకణాలలో మొదలై బోన్ మారో ని చేరుకుంటాయి.

క్రానిక్ లుకేమియాలు నెమ్మదిగా పెరిగితే, అక్యూట్ లుకేమియాలు త్వరగా పెరుగుతాయి. లుకేమియాలో చాలా రకాలున్నాయి. అవి:

-అక్యూట్ లింఫోసైటిక్ లుకేమియా (ALL ): ఈ లుకేమియా పెదావారిలో కంటే చిన్న పిల్లల్లో ఎక్కువగా కనిపిస్తుంది.

– అక్యూట్ మైలాయిడ్ లుకేమియా (AML ): పిల్లలలి కూడా వచ్చే అవకాశమున్నా, ఇది వృద్ధుల్లో ఎక్కువగా కనిపిస్తుంది.

– క్రానిక్ లింఫోసైటిక్ లుకేమియ (CLL ): ఈ లుకేమియా లింఫోసైట్స్ లో మొదలౌతుంది. వృద్ధులలఓ ఎక్కువగా కనిపిస్తుంది.

– క్రానిక్ మైలాయిడ్ లుకేమియా (CML ): ఈ లుకేమియా అరుదుగా వస్తుంది. ఇది బోన్ మారో లో మొదలై శరీరంలో మిగిలిన భాగాలకు పాకుతుంది.

– క్రానిక్ మైలోమోనోసైటిక్ లుకేమియా (CMML ): రక్తకణాలని ఉత్పత్తి చేసే బోన్ మారో సెల్స్ లో ఈ లుకేమియా పెరుగుతుంది. ఇది వృద్ధుల్లో ఎక్కువగా కనపడుతుంది.

లింఫోమా

ఈ కాన్సర్ లింఫోసైట్స్ లో పెరుగుతుంది. లింఫోమా బోన్ మారో తో సహా శరీరంలో ఏ ప్రాంతాల్లో అయినా కనిపించవచ్చు.

లింఫోమా ప్రధానంగా రెండు రకాలు:

నాన్-హాడ్జ్కిన్ లింఫోమా – ఈ లింఫోమా శరీరంలో ఎకాడైనా రావచ్చు. ఇది రకరకాల లింఫోసైట్స్ ని ప్రభావితం చేస్తుంది.

హాడ్జ్కిన్ లింఫోమా – ఇది కూడా లింఫోసైట్స్ మీదే ప్రభావం చూపుతుంది. రీడ్-స్టర్న్ బెర్గ్ అనే అసాధారణమైన కణం శరీరంలో ఉంటేనే ఈ కాన్సర్ వస్తుంది.

Also Read : అరటిపండు తిన్న వెంటనే పాలు తాగుతున్నారా.. అయితే మీకోసమే..

​టెస్ట్ ఎలా ఉంటుందంటే..

samayam telugu

ఎలాంటి పరిక్షలకీ ముందుగా డాక్టర్లు ఆ వ్యక్తియొక్క వైద్య చరిత్ర, ప్రస్తుత లక్షణాలు, కుటుంబ వైద్య చరిత్ర తెలుసుకుంటారు. ఆ తరువాత ఇక్కడ చెప్పిన టెస్ట్స్ చేయించి రోగనిర్ధారణ జరిపే అవకాశముంది.

రక్త, మూత్ర పరీక్ష

మల్టిపుల్ మైలోమా వల్ల రక్తప్రసరణలోకి వచ్చిన ఒక ప్రత్యేకమైన ప్రోటీన్ ని ఈ పరీక్షల ద్వారా కనుగొంటారు. రక్త పరీక్ష వలన రక్తకణాల సంఖ్య, ఎలెక్ట్రొలైట్ స్థాయి, కిడ్నీ పనితీరు కూడా తెలుస్తాయి.

బోన్ మారో ఆస్పిరేషన్

రోగికి మత్తు ఇచ్చి, ఎముకలోకి ఒక ప్రత్యేకమైన సూదిని గుచ్చి, బోన్ మారో నమూనాని సేకరిస్తారు. ఆ నమూనాని మైక్రోస్కోప్ ద్వారా పరీషించి నిపుణులు కాన్సర్ ఉందా లేదా అని తేల్చుకుంటారు.

ఇమేజింగ్ టెస్ట్స్

అసాధారణమైన, పాడైన ఎముకలని కనుగొనటానికి ఇక్కడ చెప్పిన ఇమేజింగ్ టెస్ట్స్ లో ఏదో ఒకటి చేస్తారు.

– ఎక్స్-రే

– సీటీ స్కాన్

– ఎం ఆర్ ఐ స్కాన్

– పెట్ స్కాన్

ఈ పరీక్షలని చికిత్స జరుగుతున్నప్పుడు కూడా డాక్టర్లు చేయించే అవకాశముంది. వీటి వల్ల చికిత్స ఎంత ప్రభావవంతంగా ఉందీ అన్నది తెలుస్తుంది.

Also Read : గుండె సమస్యలు, టెన్షన్స్ దూరం కావాలా.. ఇలా చేసి చూడండి..

​ట్రీట్‌మెంట్…

samayam telugu

ఒక వ్యక్తి వయసు, ఆరోగ్యము, కాన్సర్ ఏ రకమైనది, ఏ స్థాయిలో ఉన్నది లాంటి విషయాలను బట్టి బోన్ మారో కాన్సర్ యొక్క చికిత్స ఆధారపడి ఉంటుంది. ఆ వ్యక్తి ఆరోగ్య అవసరాలకు అనుగుణంగా చికిత్సా విధానాన్ని నిర్ణయిస్తారు.

వ్యాధి నిర్ధారణ జరిగిన తరువాత డాక్టర్ అందుబాటులో ఉన్న అన్ని చికిత్సా విధానాలనీ రోగికి వివరిస్తారు. రోగి జీవితకాలాన్నీ, సౌకర్యాన్నీ పెంచడానికి కాన్సర్ ని తీసివేయడం, దాని వ్యాప్తిని అరికట్టడం, లక్షణాలను తగ్గించడం వంటి చికిసా విధానాల గురించి రోగికి సిఫారసు చేస్తారు.

తరువాత ఒక చికిత్సా విధానాన్ని రోగికి పరిచయం చేస్తారు. కాన్సర్ స్పందిస్తున్న పద్ధతిని బట్టీ, రేడియేషన్, కీమోథెరపీ వల్ల రోగి గురౌతున్న బాధని బట్టీ, ఈ చికిత్సా విధానానికి అవసరమైన మార్పులు చేస్తూ ఉంటారు.

పరీక్ష నిర్వహించింప్పుడు ఎలాంటి కాన్సర్ కణాలూ కనబడకపోతే ఆ వ్యక్తి రెమిషన్ లో ఉన్నట్లుగా వైద్యులు చెప్తారు.



Source link

Leave a Reply

Your email address will not be published. Required fields are marked *