bore well incident: బోరు బావిలో బాలుడు: ఘటనా స్థలానికి కీలక వ్యక్తి.. పర్యవేక్షిస్తున్న మంత్రి హరీశ్ – ndrf teams rescuing 3 years old boy who fall into bore well in medak


మెదక్ జిల్లాలో బోరు బావిలో పడిపోయిన బాలుడిని రక్షించేందుకు ఎన్డీఆర్ టీమ్‌లు హైదరాబాద్‌ నుంచి ఘటనా స్థలానికి చేరుకున్నాయి. బోరు బావికి సమాంతరంగా జేసీబీలతో పక్కనే గొయ్యిని తవ్వుతున్నారు. బాలుడికి సక్రమంగా ఆక్సీజన్ అందేందుకు వీలుగా ప్రత్యేకమైన పైపులను కూడా లోనికి పంపారు. తాడు ద్వారా బోరు బావిలోకి సెల్ ఫోన్ పంపిన అధికారులు లోపల బాలుడి కదలికలను రికార్డు చేసేందుకు యత్నించారు. బాలుడు క్షేమంగా బయటపడాలని స్థానికులు దేవుణ్ని ప్రార్థిస్తున్నారు.

మరోవైపు, బాలుడి రెస్క్యూ ఆపరేషన్‌ను మంత్రి హరీశ్‌రావు పర్యవేక్షిస్తున్నారు. బాలుడిని సురక్షితంగా బయటకు తీసేందుకు అన్ని రకాల సహాయ చర్యలు తీసుకోవాలని అధికారులను ఆదేశించారు. బోరుబావుల విషయంలో మరింత అప్రమత్తంగా ఉండాలని, నిర్లక్ష్యంగా వ్యవహరించే ఇలాంటి యజమానులపై చర్యలు తీసుకోవాలని హరీశ్‌రావు ఆదేశించారు.

స్థానిక ఎమ్మెల్యే పద్మా దేవేందర్ రెడ్డి ఘటనా స్థలానికి చేరుకున్నారు. అక్కడే ఉండి సహాయక చర్యలను పరిశీలిస్తున్నారు. ఈ విషయాన్ని ఎమ్మెల్యే సీఎం కేసీఆర్ దృష్టికి తీసుకెళ్లారు. మరోవైపు, చిన్నారి కోసం బాలుడి తల్లి తీవ్రంగా రోదిస్తున్నారు. కన్న బిడ్డ కోసం ఆమె పడుతున్న ఆవేదన అధికారులను, స్థానికులను కంటతడి పెట్టించింది.

మెదక్ జిల్లా పాపన్నపేట మండలం పొడ్చన్‌పల్లిలో మూడేళ్ల బాలుడు బోరు బావిలో పడ్డాడు. బాలుడు ఆడుకుంటుండగా పంట పొలం కోసం తవ్విన బోరు బావిలో పడ్డట్లుగా స్థానికులు తెలిపారు. ఆ పొలం ఆ బాలుడి తాతయ్యే కావడం గమనార్హం. బాలుడు పడిపోయిన బోరు బావి లోతు దాదాపు 150 అడుగుల వరకూ ఉండొచ్చని చెబుతున్నారు. వరుసగా మూడు బోరు బావులు వేయించగా, వేటిలోనూ నీరు రాకపోయే సరికి రైతు భిక్షపతి ఆ బోరు బావులను పూడ్చుతున్నారు. మూడో బావి పూడ్చేలోపే బాలుడు ఆ గుంతలో పడిపోయాడు.

samayam telugu



Source link

Leave a Reply

Your email address will not be published. Required fields are marked *