breast milk donation: కరోనా వేళ.. 42 లీటర్ల బ్రెస్ట్ మిల్క్ దానమిచ్చిన దర్శకురాలు, ఈమెకు హ్యట్సాఫ్ చెప్పాల్సిందే! – bollywood director nidhi parmar donates 42 litres of breastmilk during the lockdown


రోనా వైరస్ వల్ల విధించిన లాక్‌డౌన్.. ఎన్నో జీవితాలను ప్రశ్నార్థకంగా మార్చేసిన సంగతి తెలిసిందే. ఈ నేపథ్యంలో కొందరు ప్రముఖులు మీకు మేమున్నామంటూ ముందుకొచ్చి సాయం చేశారు. నటుడు సోన్‌సూద్‌తోపాటు మరికొందరు నటులు తమకు తోచిన సాయం అందించారు. బాలీవుడ్‌కు చెందిన దర్శకులు నిధి పర్మార్ హీరానందానీ మాత్రం.. అరుదైన సాయం చేసింది. లాక్‌డౌన్ సమయంలో చనుబాలు కొరత తీర్చేందుకు ముందుకొచ్చారు. ఆమె స్వయంగా 42 లీటర్ల చనుబాలు(బ్రెస్ట్ మిల్క్)ను దానమిచ్చి అమ్మ మనసును చాటారు.

తాప్సీ, భూమి పెడ్నేకర్ నటించిన ‘సాండ్ కి ఆంక్’ సినిమాకు నిధి దర్శకత్వం వహించారు. ఆమె ఈ ఏడాది ఫిబ్రవరిలో పండంటి మగ బిడ్డ వీర్‌కు జన్మనిచ్చారు. ఈ సందర్భంగా.. బిడ్డకు జన్మనిచ్చిన తర్వాత చాలా మంది తల్లులు చనుబాలు కొరతతో బాధపడుతుంటారని తెలుసుకున్నారు. అలాంటివారికి తన చనుబాలను దానమిస్తే.. కొంతవరకు సాయం చేసినట్లవుతుందని భావించారు. ఈ సందర్భంగా తన బిడ్డకు పాలిస్తూనే.. కొన్ని పాలను మరెప్పుడైనా తాగించడం కోసం తన ఫ్రీజర్‌లో నిల్వ ఉంచిన చనుబాలను దానమిచ్చేందుకు నిర్ణయించుకున్నారు. ఈ సందర్భంగా తన స్నేహితుల సలహా తీసుకున్నారు. ఆన్‌లైన్ ద్వారా చనుబాలను దానమిచ్చే విషయాన్ని తెలుసుకున్నారు.

Nidhi Parmar Hiranandani/Instagram

ఈ సందర్భంగా ఆమె ఓ ఇంటర్వ్యూలో మాట్లాడుతూ.. ‘‘చనుబాలను చాలామంది అందాన్ని పెంపొందించుకొనేందుకు వాడతారని ఇంటర్నెట్‌లో చదివాను. తల్లిపాలతో ఫే‌స్‌ప్యాక్ పెట్టుకుంటారని, మరికొందరు తమ పిల్లలకు స్నానం చేయిస్తారని తెలిసి ఆశ్చర్యపోయాను. ఎంతో విలువైన పాలను వేస్ట్ చేస్తున్నారని బాధపడ్డాను. వాటిని అవసరమైనవారికి ఇస్తే.. పిల్లల్లో ఇమ్యునిటీ పెంపొందించవచ్చని భావించాను. అందుకే బ్రెస్ట్ మిల్క్‌ను దానం చేసే విధానం గురించి నెట్‌లో సెర్చ్ చేశా’’ అని తెలిపారు.

ఈ సందర్భంగా నిధి.. ముంబయిలోని ఓ హాస్పిటల్‌లో బ్రెస్ట్ మిల్క్ బ్యాంక్ ఉన్నట్లు తెలుసుకున్నారు. లాక్‌డౌన్ సమయంలో వారికి బ్రెస్ట్ మిల్క్ అవసరమని తెలియడంతో వెంటనే ఆమె తన బిడ్డ కోసం దాచి పెట్టుకున్న చనుబాలను ఆ హాస్పిటల్‌కు దానమిచ్చారు. అలా ఆమె 42 లీటర్ల చనుబాలను వారికి అందించారు. నిధీ చేసిన సాయానికి వైద్యులు హర్షం వ్యక్తం చేశారు. ఎంతో మంది పిల్లలకు చనుబాలు అవసరం అవుతున్నాయని, ముఖ్యంగా పసి పిల్లలను దత్తత తీసుకొనే తల్లులు, చనుబాలు సమస్య ఎదుర్కొనే అమ్మలకు ఇవి ఎంతో అవసరమని తెలిపారు.

Read Also: శృంగార స్పందనలు.. ఏ వయసులో ఎలా ఉంటాయి? ఇది తెలిస్తే ఆశ్చర్యపోతారు!

తల్లి పాల వల్ల కలిగే ప్రయోజనాలు ఇవే:
❤ అమ్మపాలు అమృతంతో సమానం. బిడ్డకు మొదటిసారిగా తల్లిపాలే పట్టించాలి. తల్లిపాలు తాగడం వల్ల పిల్లలకు ఎలాంటి జబ్బులు రావు.
తల్లి పాలు ఎక్కువగా తాగిన పిల్లలకు భవిష్యత్‌లో గుండె సమస్యలు రావని తాజా పరిశోధనలో తేలింది.
❤ నెలలు నిండకుండానే పుట్టే ప్రీమెచ్యూర్ బెబీస్‌కు తల్లిపాలు ఇస్తే భవిష్యత్‌లో వారికి గుండె సమస్యలు రావట.
❤ ఐర్లాండ్‌లో పరిశోధన ప్రకారం.. నెలలు నిండకుండా పుట్టే చిన్నారుల్లో గుండె చిన్నగా ఉందని తెలిసింది. తల్లిపాలు పట్టించకపోతే.. భవిష్యత్తులో వారికి గుండె సమస్యలు వస్తాయట.
❤ చనుబాలు వల్ల పిల్లలకు అవసరమైన హార్మోన్స్, గ్రోత్ ఫ్యాక్టర్ల వంటివి పెరుగుతాయి.

Read Also: ‘నాకు ఫస్ట్ టైమ్.. తొలి రాత్రి నా భర్త అలా చేస్తుంటే తప్పుగా అనిపించింది, చివరికి…’

❤ బ్రెస్ట్ మిల్క తాగే చిన్నారుల్లో రోగ నిరోధక వ్యవస్థ కూడా బలంగా ఉంటుందని నిపుణులు తెలుపుతున్నారు.
❤ తల్లి పాలు ఎక్కువగా తాగిన పిల్లలకు భవిష్యత్‌లో అధిక బరువు వంటి సమస్యలు రావని పలు పరిశోధనల్లో తేలింది.
❤ తల్లిపాలు తాగడం వల్ల పిల్లలకి ఇన్‌ఫెక్షన్లు దరిచేరవు. డయేరియా, వాంతుల సమస్య ఉండదు.
❤ చనుబాలు తాగే పిల్లలకే కాదు.. పాలిచ్చే తల్లులకు కూడా ఎన్నో లాభాలు ఉన్నాయి.
❤ పిల్లలకి పాలు పట్టడం వల్ల తల్లికి బ్రెస్ట్ క్యాన్సర్, అండాశయ క్యాన్సర్ వచ్చే అవకాశాలు చాలా వరకూ తగ్గుతాయి.

చూశారుగా తల్లులు.. మీ పాలు కేవలం మీ బిడ్డకే కాదు. ఎంతో మంది చిన్నారులకు మంచి భవిష్యత్తు ఇస్తాయి. చనుబాలు సమస్యను ఎదుర్కొనే ఎంతోమంది తల్లులకు మీరే అండ. కాబట్టి.. వీలైతే బ్రెస్ట్ మిల్క్‌ను దానం చేసి సాయం చేయండి. పసిబిడ్డల ఆయుష్సు పెంచండి.



Source link

Leave a Reply

Your email address will not be published. Required fields are marked *