buggana rajendranath reddy: తెలంగాణ సర్కారుపై ఏపీ మంత్రి పరోక్ష సెటైర్లు – ap finance minister buggana rajendranath reddy interesting comments coronavirus tests


ఏపీలో ఎక్కువ సంఖ్యలో కరోనా పాజిటివ్ కేసులు నమోదు కావడానికి టెస్టులను ఎక్కువగా చేయడమే కారణమని ఆర్థిక మంత్రి బుగ్గన రాజేంద్రనాథ్ తెలిపారు. దేశంలోని మిగతా రాష్ట్రాల్లో పోలిస్తే.. ఏపీలోనే ఎక్కువగా కరోనా పరీక్షలు చేస్తున్నామని బుగ్గన చెప్పారు. ఏపీలో లక్షకుపైగా కోవిడ్ పరీక్షలు నిర్వహించామని రాజేంద్రనాథ్ చెప్పారు. రాష్ట్రంలో 9 ల్యాబొరేటరీలు ఆర్టీ పీసీఆర్ పరీక్షలను నిర్వహిస్తున్నాయన్నారు.

ఈ సందర్భంగానే ఆయన తెలంగాణ సర్కారుపై పరోక్ష వ్యాఖ్యలు చేశారు. గత కొద్ది రోజులుగా ఏపీలో కరోనా పాజిటివ్ కేసుల సంఖ్య పెరుగుతుండగా.. తెలంగాణలో కోవిడ్ కేసుల సంఖ్య తగ్గుముఖం పడుతున్న సంగతి తెలిసిందే. ప్రతిపక్ష టీడీపీ ఇదే విషయాన్ని హైలెట్ చేయడంతో.. దీనికి బుగ్గన స్ట్రాంగ్ రిప్లయ్ ఇచ్చారు. మిగతా రాష్ట్రాల్లో కోవిడ్ టెస్టులు తక్కువ సంఖ్యలో చేస్తున్నారని చెప్పారు. వేరే రాష్ట్రంలో తక్కువ సంఖ్యలో టెస్టులు చేసి, కేసులు తక్కువగా నమోదయ్యాయని చెబుతున్నారు. కానీ మన దగ్గర ఎక్కువ సంఖ్యలో పరీక్షలు నిర్వహిస్తున్నామని ఆయన చెప్పారు.

ఏదైనా రాష్ట్రం వంద కరోనా పరీక్షలు చేసి రెండు పాజిటివ్ అని తేలితే.. తమ దగ్గర 1000 పరీక్షలు చేస్తే నాలుగు పాజిటివ్ అని వస్తే.. తమ దగ్గరే ఎక్కువ కేసులు నమోదవుతున్నాయని ప్రచారం చేస్తున్నారని మండి పడ్డారు. బుగ్గన తన మాటల్లో ఎక్కడా తెలంగాణ ప్రస్తావన తీసుకురాలేదు గానీ.. ఆయన మాట్లాడిన తీరు గమనిస్తే మాత్రం తెలంగాణను ఉద్దేశించే ఈ వ్యాఖ్యలు చేశారని భావించొచ్చు.

తెలంగాణలో సెకండరీ కాంటాక్టులకు, కరోనా లక్షణాలు లేని వారికి పరీక్షలు చేయడాన్ని నిలిపేసిన సంగతి తెలిసిందే. తెలంగాణలో దాదాపు 20 వేల మందికి కరోనా పరీక్షలు నిర్వహించారు. మిగతా రాష్ట్రాల కంటే తెలంగాణ కోవిడ్ టెస్టులను తక్కువగా చేస్తున్నారు.



Source link

Leave a Reply

Your email address will not be published. Required fields are marked *