byreddy siddharth reddy: కర్నూలు: బాబాయ్ Vs అబ్బాయ్.. చితక్కొట్టుకున్న బైరెడ్డి వర్గాలు – byreddy rajasekhar reddy and siddharth reddy groups fight in kurnool district


కర్నూలు జిల్లాలో వర్గపోరు మళ్లీ భగ్గుమంది. పగిడ్యాల మండలం ముచ్చుమర్రిలో తీవ్ర ఉద్రిక్తత పరిస్థితులు కనిపించాయి. బైరెడ్డి రాజశేఖర్‌రెడ్డి, బైరెడ్డి సిద్ధార్థరెడ్డి వర్గాల మధ్య ఘర్షణ జరిగింది. ఇరు వర్గాలు రాళ్లు, కర్రలతో పరస్పరం దాడులు చేసుకున్నాయి. ఈ ఘటనలో బైరెడ్డి రాజశేఖర్‌రెడ్డి అనచరులు ఇద్దరికి గాయాలుకాగా.. బైరెడ్డి సిద్దార్థరెడ్డి అనుచరుడితో పాటు ఏఎస్సైకి గాయాలయ్యాయి. స్థానిక సంస్థల ఎన్నికల ఆధిపత్య పోరే ఘర్షణకు కారణమని తెలుస్తోంది.

ముచ్చుమర్రి ఎంపీటీసీ అభ్యర్థిగా నామినేషన్ వేసిన వ్యక్తి, అతడి సోదరుడిపై ఈ దాడి జరిగినట్లు తెలుస్తోంది. గుంపులుగా ఇంటి మీదకు వచ్చి రాళ్లు, కర్రలతో దాడి చేశారని బాధితులు ఆరోపిస్తున్నారు. ఆస్పత్రికి వెళుతుండగా కారును ఆపి దాడి చేశారని.. ముచ్చుమర్రిలో ఉద్రిక్తత ఏర్పడగా.. బాధితుల్ని కర్నూలు ప్రభుత్వ ఆస్పత్రికి తరలించారు. ముందస్తు జాగ్రత్తగా గ్రామంలో భారీగా పోలీసుల్ని మోహరించారు.

బైరెడ్డి రాజశేఖర్‌రెడ్డి, సిద్ధార్థ్ రెడ్డిలు ఒకే కుటుంబం అయినా రెండు వర్గాలుగా మారిపోయాయి. రాజశేఖర్‌రెడ్డి బీజేపీలో ఉంటే.. సిద్ధార్థ్ వైఎస్సార్‌సీపీలో ఉన్నారు. దీంతో అక్కడ రెండు గ్రూపులుగా విడిపోయారు.. ఇటీవల స్థానిక సంస్థల ఎన్నికల సమయం నుంచి రగడ నడుస్తున్నట్లు తెలుస్తోంది. ఈ గొడవలపై బాబాయ్, అబ్బాయ్‌లు స్పందించలేదు.



Source link

Leave a Reply

Your email address will not be published. Required fields are marked *