Canara Bank Rate Cut: రుణ గ్రహీతలకు శుభవార్త.. రుణాలపై వడ్డీ రేట్లు తగ్గించిన బ్యాంక్! – canara bank reduces repo-linked lending rate by 40 bps; mclr rate by 20 bps


ప్రధానాంశాలు:

  • లోన్స్‌పై వడ్డీ రేట్ల తగ్గింపు
  • ఎంసీఎల్ఆర్ కోత
  • అలాగే ఆర్ఎల్ఎల్ఆర్ దిగువకు

ప్రభుత్వ రంగానికి చెందిన ప్రముఖ బ్యాంక్ కెనరా బ్యాంక్ తాజాగా రుణ గ్రహీతలకు తీపికబురు అందించింది. బ్యాంక్ తాజాగా రెపో లింక్డ్ లెండింగ్ రేట్లను తగ్గిస్తూ నిర్ణయం తీసుకుంది. ఆర్ఎల్ఎల్ఆర్‌లో 40 బేసిస్ పాయింట్ల మేర కోత విధిస్తున్నట్లు ప్రకటించింది. దీంతో ఈ రేటు 6.9 శాతానికి దిగొచ్చింది. అంతేకాకుండా కెనరా బ్యాంక్ ఎంసీఎల్ఆర్ రేటులో కూడా కోత విధించింది. 20 బేసిస్ పాయింట్ల మేర తగ్గించింది.

బ్యాంక్ తాజా రేట్ల కోత నిర్ణయం జూన్ 7 నుంచి అమలులోకి వస్తుంది. అంటే ఈరోజు నుంచే కొత్త రేట్లు వర్తిస్తాయి. బ్యాంక్ నిర్ణయంతో ఆర్ఎల్ఎల్ఆర్‌తో అనుసంధానమైన కొత్త రిటైల్ లోన్స్ (హౌసింగ్, ఎడ్యుకేషన్, వెహికల్), ఎంఎస్ఎంఈ రుణాలపై వడ్డీ తగ్గనుంది.

Also Read: శుభవార్త.. భారీగా పడిపోయిన బంగారం ధర.. వెండి ఢమాల్.. లేటెస్ట్ రేట్లు ఇలా!

రిజర్వు బ్యాంక్ ఆఫ్ ఇండియా (RBI) ఇటీవల కీలక రెపో రేటును 40 బేసిస్ పాయింట్ల మేర తగ్గించింది. ఈ నేపథ్యంలో బ్యాంకులు కూడా ఈ ప్రయోజనాన్ని కస్టమర్లకు బదిలీ చేస్తున్నాయి. అందుకే రుణ రేట్లను తగ్గిస్తూ వస్తున్నాయి. పంజాబ్ నేషనల్ బ్యాంక్ (PNB), బ్యాంక్ ఆఫ్ ఇండియా, యూకో బ్యాంక్ వంటివి లెండింగ్ రేట్లను 40 బేసిస్ పాయింట్ల మేర తగ్గించాయి.

కెనరా బ్యాంక్ ఎంసీఎల్ఆర్ రేటు కోతతో ఏడాది ఎంసీఎల్ఆర్ 7.58 శాతానికి దిగొచ్చింది. గతలో ఈ రేటు 7.65 శాతంగా ఉంది. ఆరు నెలల ఎంసీఎల్ఆర్ అయితే 7.6 శాతానికి తగ్గింది. నెల రోజుల ఎంసీఎల్ఆర్ రేటు 7.3 శాతానికి తగ్గింది. ఎంసీఎల్ఆర్ రేటు తగ్గింపుతో రుణ గ్రహీతలపై భారం తగ్గనుంది.



Source link

Leave a Reply

Your email address will not be published. Required fields are marked *