Cancer with Hand Sanitizers: శానిటైజర్‌తో క్యాన్సర్, చర్మవ్యాధులు వస్తాయా? ప్రభుత్వం ఏమందంటే.. – hand sanitiser doesn’t cause skin disease or cancer, tweets pib fact check


రోనా వైరస్ నేపథ్యంలో ఇప్పుడు అంతా శానిటైజర్లను వాడుతున్న సంగతి తెలిసిందే. బయటకు వెళ్లొచ్చినా, ఏమైనా వస్తువులను తాకినా, ప్రయాణాలు చేసినా చేతులను వెంటనే శానిటైజర్‌తో శుభ్రం చేసుకుంటున్నాం. అయితే, శానిటైజర్ అతిగా వాడితే చర్మ వ్యాధుల ముప్పు ఉందని, క్యాన్సర్ కూడా రావొచ్చని సోషల్ మీడియాలో ప్రచారం జరుగుతోంది. మరి, ఆ ప్రచారంలో నిజమెంతా? దీనిపై ప్రభుత్వం ఏమంది? తదితర వివరాలను చూద్దాం.

కరోనా సంక్షోభంలో ఎలాంటి పుకార్లను పుట్టించొద్దని ప్రభుత్వం మొత్తుకున్నా సోషల్ మీడియా సైంటిస్టులు ప్రయోగాలు చేస్తూనే ఉన్నారు. ప్రజలను భయపెట్టేందుకు రోజుకో కొత్త వంటకం చేస్తున్నారు. అందులో నుంచి పుట్టిందే.. ఈ పుకారు కూడా. తమ పైశాచిక ఆనందం కోసం తాజాగా శానిటైజర్‌ను ఎంచుకున్నారు.

హిందీ న్యూస్ పేపర్ క్లిప్పింగ్ తరహాలో ఉన్న ఆ ఫేక్ వార్తను కొందరు సోషల్ మీడియాలో పోస్టు చేశారు. వరుసగా 50 నుంచి 60 రోజులు శానిటైజర్ వాడితే క్యాన్సర్, చర్మ వ్యాధులు వస్తాయని అందులో పేర్కొన్నారు. దీంతో ప్రజలు దాన్ని వాట్సాప్‌లో ఫార్వర్డ్ చేస్తూ.. ఒకరినొకరు భయపెట్టుకుంటున్నారు. శానిటైజర్లు వాడొద్దని, సబ్బులే సురక్షితమని ప్రచారం చేస్తున్నారు. ఈ నేపథ్యంలో ఓ ట్విట్టర్ యూజర్ ఆ న్యూస్ క్లిప్‌ను ప్రెస్ ఇన్ఫర్మేషన్ బ్యూరో (PIB)కి పోస్ట్ చేశాడు.

Also Read: మధుమేహం రోగులు పనస పండు తినొచ్చా? ప్రయోజనాలేమిటీ?

దీనిపై స్పందించిన PIB.. అది ఫేక్ వార్త అని, నిరంతరం హ్యాండ్ శానిటైజర్ వాడితే క్యాన్సర్ రాదని స్పష్టం చేసింది. ప్రజలు దీనిపై ఆందోళన చెందవద్దని పేర్కొంది. 70 శాతం ఆల్కహాల్ ఉన్న శానిటైజర్‌తో చేతులను శుభ్రం చేసుకోవడం వల్ల కరోనా సోకదని, సోషల్ మీడియాలో వచ్చే అవాస్తవాలను నమ్మొద్దని వెల్లడించింది. కాబట్టి భయాలు వీడి నిశ్చింతగా శానిటైజర్లు వాడండి, కరోనాను తరిమి కొట్టండి.

హ్యాండ్ శానిటైజర్ ఉపయోగించిన 30 సెకన్లలోనే చేతిలో ఉండే సూక్ష్మక్రిములు చనిపోతాయి. బయటకు వెళ్లినప్పుడు మీ వెంట శానిటైజర్‌ను తీసుకెళ్లండి. ఏదైనా వస్తువును ముట్టుకుంటే వెంటనే చేతులను శానిటైజర్‌తో శుభ్రం చేసుకోండి. శానిటైజర్ వాడకం తగ్గించాలి అనుకుంటే.. ఇంటికి వెళ్లిన వెంటనే సబ్బుతో కనీసం 20 నిమిషాలు చేతులను వివిధ రకాలుగా రుద్దుతూ శుభ్రం చేసుకోండి. శానిటైజర్ల వల్ల చేతులు శుభ్రంగా ఉండటాయి. ఎలాంటి హాని కలగదు. కాబట్టి.. పుకార్లను నమ్మకండి. ఇలాంటి మెసేజులు వస్తే.. తిరిగి వారికే పంపించి.. ఈ విషయాన్ని తెలియజేయండి.

Also Read: కరివేపాకును తీసిపారేయకండి.. ఈ ప్రయోజనాలు తెలిస్తే అస్సలు వదిలిపెట్టరు!



Source link

Leave a Reply

Your email address will not be published. Required fields are marked *