canola oil side effects: ఓ మై గాడ్.. ఈ నూనె వంటల్లో వాడితే అంత ప్రమాదమా? – canola oil linked to worsened memory and learning ability in alzheimer’s


నం వంటల్లో ఉపయోగించే నూనెలు.. మనకు ఆరోగ్యాన్ని ఇస్తాయా? ప్రకటనల్లో చూపించినట్లుగా గుండెకు, మెదడుకు రక్షణ కల్పిస్తాయా? ఈ ప్రశ్నలకు ఎవరూ సమాధానం చెప్పలేరు. అయితే, గత అధ్యయనాలను పరిశీలిస్తే.. మనం ఆరోగ్యకరం అని భావిస్తున్న ఓ నూనె.. మెదడుకు మంచిది కాదని తెలిసింది. దాని వల్ల జ్ఞాపకశక్తి తగ్గుతుందని పరిశోధకులు వెల్లడించారు. ఆ ఆయిల్ మరేదో కాదు.. ‘ఆవ నూనె’.

ఔను, ఆవనూనె చాలా మంచిదని ఇన్నాళ్లు భావించాం. ఈ నూనెలో ఆరోగ్య ప్రయోజనాలు పుష్కలమనే ప్రచారం వల్ల మార్కెట్లో దీని రేటు కూడా చాలా ఎక్కువ. అయితే, టెంపుల్ యూనివర్శిటీకి చెందిన లూయీస్ క్యాట్జ్ స్కూల్ ఆఫ్ మెడిసిన్ (LKSOM) జరిపిన పరిశోధనల్లో ఆవనూనెను వంటల్లో ఎక్కువగా ఉపయోగించడం వల్ల జ్ఞాపకశక్తి తగ్గుతుందని తేలిసింది.

‘సైంటిఫిక్ రిపోర్ట్స్’ అనే జర్నల్‌లో ఈ పరిశోధనలకు సంబంధించిన కీలక వివరాలను ప్రచురించారు. ఆవ నూనెను ఎక్కువగా ఉపయోగించడం వల్ల నేర్చుకునే సామర్థ్యం, జ్ఞాపకశక్తి తగ్గుతుందని పేర్కొన్నారు. ఎలుకలపై జరిపిన ప్రయోగాల్లో ఈ విషయాలను గుర్తించామని తెలిపారు. ఈ నూనె వల్ల మెదడకు హాని వాటిల్లడమే కాకుండా బరువు పెరగే అవకాశాలు కూడా ఉన్నాయట.

తెలుగు రాష్ట్రాల్లో ఆవ నూనెను వంటకాల్లో కంటే పచ్చళ్ల తయారీలోనే ఎక్కువగా వాగతారనే సంగతి తెలిసిందే. అయితే, ఇటీవల ఆవ నూనె వల్ల ఆరోగ్యానికి చాలా ప్రయోజనాలు ఉన్నాయనే ప్రచారం జరగడంతో ఈ నూనె వాడకం పెరిగింది. ఈ నేపథ్యంలో ఈ స్డడీలో పేర్కొన్న విషయాలను తప్పకుండా దృష్టిలో పెట్టుకోవాలని నిపుణులు సూచిస్తున్నారు.

Read Also: భోజనం తర్వాత శృంగారం చేయొచ్చా? ఎలాంటి సమస్యలు వస్తాయి?

పరిశోధనల్లో భాగంగా ఎలుకలకు ఏడాదిపాటు.. రోజుకు రెండు టేబుల్ స్పూన్ల ఆవ నూనె ఇచ్చారు. మామూలు ఆహారాన్ని తీసుకున్న ఎలుకల కంటే ఆవ నూనె తీసుకున్న ఎలుకలు ఎక్కువ బరువు పెరిగాయని గుర్తించారు. అలాగే, ఆవ నూనె తీసుకున్న ఎలుకల్లో జ్ఞాపకశక్తి, నేర్చుకునే సామర్థ్యం కూడా కొరవడినట్లు తేలింది. మెదడులో అమీలాయిడ్ ఫలకాల స్థాయి పెరగడం వల్లే ఈ పరిస్థితి ఏర్పడినట్లు గుర్తించారు.

Read Also: చలికాలంలో సెక్స్ చేయొచ్చా? సంతానోత్పత్తికి ఏది బెస్ట్ సీజన్?

ఈ నూనె వల్ల అవి అల్జీమర్ వ్యాధికి గురైనట్లు కూడా తెలుసుకున్నారు. ఆవ నూనె వల్ల న్యూరాన్ల పనితీరు దెబ్బతిని, జ్ఞాపకశక్తి తగ్గుతుందన్నారు. ఈ సందర్భంగతా పరిశోధకులు ఆవ నూనెకు, ఆలీవ్ నూనెకు మధ్య వ్యత్యాసాన్ని పరిశీలించారు. ఆలీవ్ ఆయిల్ తీసుకున్న ఎలుకల మెదడులో అమీలాయిడ్ ఫలకాల స్థాయి తగ్గినట్లు గుర్తించారు. ఆవ నూనెతో జ్ఞాపకశక్తి తగ్గుతుండగా.. ఆలివ్ నూనెతో మెమరీ పవర్ పెరుగుతున్నట్లు తెలుసుకున్నారు.



Source link

Leave a Reply

Your email address will not be published. Required fields are marked *