Chahal Comments : చెస్‌తోనే ఈ స్థాయికి ఎదిగా: య‌జ్వేంద్ర చాహ‌ల్‌ – indian spinner yuzvendra chahal says chess has taught him how to be patient


భారత వైట్ బాల్ క్రికెటర్ య‌జ్వేంద్ర చాహ‌ల్ ఒక‌ప్పుడు చెస్ ప్లేయ‌ర్ అన్న సంగతి తెలిసిందే. గతంలో అతను భారత యూత్ చెస్ చాంపియ‌న్‌షిప్‌లో ప్రాతినిధ్యం వహించాడు. ప్రపంచ చెస్ వెబ్ సైట్లోనూ తన పేరు ఉంటుంది. మరోవైపు చెస్ క్రీడ వ‌ల్ల అబ్బిన‌ ఓపికే తనను ఈ స్థాయికి చేర్చినట్లు ఈ సందర్భంగా చాహ‌ల్‌ పేర్కొన్నాడు. క్రికెటర్‌కు ఓపిక ఎంతో అవసరం ఉంటుందని, ఈ నేపథ్యంలో చెస్ సాధ‌న వ‌ల్ల త‌న‌కు ఓపిక ఎంతో అల‌వ‌డింద‌ని చెప్పుకున్నాడు. ఇప్పటివరకు 52 వ‌న్డేలు, 43 టీ20లు ఆడిన చాహ‌ల్‌ 146 వికెట్లు తీశాడు.


Read Also: కలలు కంటూ ఉండండి..మంబైకి చాహల్ పంచ్


తనకు చెస్‌ ఎంతో ఓపిక నేర్పిందని ఈ సందర్భంగా చాహ‌ల్‌ గుర్తు చేసుకున్నాడు. కొన్నిసార్లు ఎంత బాగా బౌలింగ్ చేసినప్పటికీ కూడా వికెట్లు దొరకవని ఈ సందర్భంగా పేర్కొన్నాడు. ముఖ్యంగా టెస్ట్ లాంటి లాంగ్ ఫార్మాట్లలో ఎంత బాగా బౌలింగ్ చేసినప్పటికీ, రోజంతా వికెట్లు దొరకని సందర్భాలు ఉంటాయని అభిప్రాయపడ్డాడు. అయినా కూడా ఎంతో ఓపికతో తర్వాత రోజు తిరిగి బౌలింగ్ చేయాల్సి ఉంటుందని పేర్కొన్నాడు. ఒకానొక సమయంలో తాను చెస్‌ లేదా క్రికెట్ రెండిట్లో ఏదో ఒకదాన్ని ఎంచుకోవాల్సి వచ్చిందని తెలిపాడు.

Read Also: కోహ్లీ: దేశ‌వాళీల్లోనూ కింగ్.. ఈ రికార్డులు చూస్తుంటే..


అయితే తన ఆసక్తి క్రికెట్‌పైనే ఎక్కువగా ఉండడంతో దీన్ని ఎంపిక చేసుకుంటాన‌ని, త‌న తండ్రితో చెప్పిన‌ట్లు చాహ‌ల్‌ వెల్లడించాడు. 2016 లో టీమిండియాలోకి అరంగేట్రం చేసిన చాహల్ ప్రస్తుతం వైట్ బాల్ క్రికెట్లో తన స్థానాన్ని సుస్థిరం చేసుకున్నాడు. ప్రస్తుతం ఇండియన్ ప్రీమియర్ లీగ్ లో రాయల్ చాలెంజర్స్ బెంగళూరు జట్టు తరఫున ఆడుతున్నాడు. అయితే క‌రోనా వైరస్ కారణంగా ఐపీఎల్ వాయిదా పడడంతో క్రికెటర్లు అందరూ ఇంటికే పరిమితమయ్యారు.





Source link

Leave a Reply

Your email address will not be published. Required fields are marked *