Chandrababu Naidu: హైదరాబాద్ వెళ్లిపోయిన చంద్రబాబు.. వైసీపీ ఎంపీ తీవ్ర విమర్శలు – tdp chief chandrababu naidu returned to hyderabad from vijayawada


మూడు రోజుల క్రితం ఆంధ్రప్రదేశ్‌కు వచ్చిన తెలుగు దేశం పార్టీ అధినేత, రాష్ట్ర ప్రతిపక్ష నాయకుడు చంద్రబాబునాయుడు తిరిగి హైదరాబాద్ వెళ్లిపోయారు. లాక్ డౌన్ కారణంగా రెండు నెలల పాటు ఏపీకి దూరంగా ఉండిపోయిన చంద్రబాబు ఇటీవల ఏపీకి వచ్చారు. ఆయనకు టీడీపీ శ్రేణులు భారీ ఎత్తున స్వాగతం పలికారు. అయితే రెండు రోజుల పాటు విజయవాడలో మహానాడు నిర్వహించిన చంద్రబాబు శుక్రవారం తిరిగి హైదరాబాద్ వెళ్లిపోయారు. చంద్రబాబు హైదరాబాద్ తిరిగి వెళ్లిపోవడంపై అధికార వైఎస్సార్ కాంగ్రెస్ పార్టీ నేతలు ఎదురుదాడికి దిగారు.

చంద్రబాబుపై ఒంగికాలుపై లేచే వైసీపీ ఎంపీ విజయసాయిరెడ్డి చంద్రబాబు తీరుపై విరుచుకుపడ్డారు. ఈ మేరకు శుక్రవారం సాయంత్రం ట్వీట్ చేశారు. ‘‘చంద్రబాబు తన నిజ స్వరూపాన్ని బహిర్గం చేయడంలో ఎలాంటి అవకాశాన్నీ వదులుకోరు. ఎల్‌జీ పాలిమర్స్ దుర్ఘటనపై తీవ్రంగా కలతచెందానని కబుర్లు చెప్పారు. కానీ విశాఖ దుర్ఘటనను అడ్డుపెట్టుకొని విజయవాడ వచ్చి ‘జూమ్ కెమెరా’లో మహానాడు నిర్వహించుకుని తిరిగి హైదరాబాద్ వెళ్లిపోయారు’’ అని విజయసాయిరెడ్డి ఎద్దేవా చేశారు.

అలాగే వైఎస్సార్‌సీపీ ఎమ్మెల్యే గుడివాడ అమర్‌నాథ్‌ సైతం చంద్రబాబుపై విమర్శలు గుప్పించారు. పాలిమర్స్‌ బాధితులను పరామర్శిస్తానని అనుమతి తీసుకున్న చంద్రబాబు.. తన సొంత పనులు చూసుకుని హైదరాబాద్‌ వెళ్లారని ఆరోపించారు. చంద్రబాబు కరకట్టకు ఎందుకు వచ్చారు? ఏ కారణంగా విశాఖకు రాకుండా హైదరాబాద్‌ వెళ్లారో సమాధానం చెప్పాలని డిమాండ్‌ చేశారు. హైదరాబాద్‌లో ఉంటే ఎన్టీఆర్‌ ఘాట్‌ వద్ద.. నివాళులర్పించాల్సి వస్తుందన్న ఉద్దేశంతో అమరావతి వచ్చారా? అని ఆయన ప్రశ్నించారు.



Source link

Leave a Reply

Your email address will not be published. Required fields are marked *