Chennai Super Kings: ఐపీఎల్ 2021 మెగా వేలానికి ముందు CSK‌కి ఆకాశ్ చోప్రా ఉచిత సలహా – ipl 2021 mega auction: aakash chopra has interesting suggestion for chennai super kings


ఐపీఎల్ 2020 సీజన్‌లో పేలవ ప్రదర్శనతో నిరాశపరిచిన చెన్నై సూపర్ కింగ్స్ టీమ్‌లో వచ్చే ఏడాదికి భారీగా మార్పులు చోటు చేసుకునే సూచనలు కనిపిస్తున్నాయి. ఐపీఎల్‌లో ఆడిన ప్రతి సీజన్‌లోనూ ప్లేఆఫ్‌కి చేరిన జట్టుగా అరుదైన రికార్డ్‌ని కొనసాగించిన చెన్నై.. ఐపీఎల్ 2020 సీజన్‌లో మాత్రం 14 మ్యాచ్‌లాడి కేవలం ఆరు విజయాలతో పాయింట్ల పట్టికలో ఏడో స్థానంతో సరిపెట్టింది. దాంతో.. గుర్రుగా ఉన్న చెన్నై ఫ్రాంఛైజీ.. వచ్చే ఏడాదికి సీనియర్ క్రికెటర్లని చాలా వరకూ తప్పించి యువ ఆటగాళ్లని టీమ్‌లోకి తీసుకోవాలని ఆశిస్తోంది.

ఐపీఎల్ 2021 సీజన్‌కి సంబంధించిన మెగా వేలం ఈ ఏడాది డిసెంబరులో జరిగే సూచనలు కనిపిస్తుండగా.. చెన్నై సూపర్ కింగ్స్‌కి భారత మాజీ క్రికెటర్ ఆకాశ్ చోప్రా ఓ ఉచిత సలహా ఇచ్చాడు. ‘‘వేలానికి ముందు చెన్నైకి నా సలహా ఏంటంటే..? టీమ్‌ని సరిదిద్దుకోవాలి అంతే తప్ప.. జట్టు మొత్తాన్ని మార్చేయకూడదు. యువ ఆల్‌రౌండర్ శామ్ కరన్, కెప్టెన్ ధోనీతో పాటు ఫాస్ట్ బౌలర్ దీపక్ చాహర్, బ్యాట్స్‌మెన్ డుప్లెసిస్, ఓపెనర్ రుతురాజ్ గైక్వాడ్‌ని అట్టిపెట్టుకోవడంపై ఆలోచించాలి. ఎందుకంటే.. వీళ్లు వేలంలోకి వెళ్తే..? రూ. కోట్లు పలికే అవకాశం ఉంది. అప్పుడు రిటైన్ చేసుకోవడానికి రూ.12-15 కోట్లు చెల్లించాల్సి వస్తుంది. కాబట్టి.. ఆటగాళ్లని వేలంలోకి వదిలేముందు ఒకసారి సమీక్షించుకోవడం మంచిది’’ అని ఆకాశ్ చోప్రా వెల్లడించాడు.

ఐపీఎల్ 2021 సీజన్‌కి మహేంద్రసింగ్ ధోనీనే కెప్టెన్‌గా ఉండి చెన్నై సూపర్ కింగ్స్ టీమ్‌ని నడిపిస్తాడని ఇప్పటికే చెన్నై సీఈవో కాశీ విశ్వనాథన్ ప్రకటించాడు. అలానే నిలకడగా రాణించిన ఓపెనర్ రుతురాత్ గైక్వాడ్, డుప్లెసిస్, రవీంద్ర జడేజా తదితరులు చెన్నై టీమ్‌లో కొనసాగడం లాంఛనంగా కనిపిస్తోంది.



Source link

Leave a Reply

Your email address will not be published. Required fields are marked *