China India border: సరిహద్దుల్లో ఏ మాత్రం తగ్గని ఉద్రిక్తత.. ఆయుధాల స్టాక్‌పై ఆర్మీ అధికారుల చర్చ! – no de-escalation in china stand-off; army bosses discuss ammunition stocks, op logistics


భారత్, చైనాల మధ్య సరిహద్దుల్లో దాదాపు నెల రోజులుగా కొనసాగుతున్న ఉద్రిక్తతలు తగ్గుముఖం పట్టే సూచనలు కనిపించడంలేదు. మిలటరీ ఆపరేషన్స్, ఇంటెలిజెన్స్ డైరెక్టరేట్ నివేదికల అధారంగా సరిహద్దుల్లో క్షేత్రస్థాయి పరిస్థితిని ఉన్నతాధికారులు సమీక్షిస్తున్నారు. ఏదైనా అత్యవసర పరిస్థితి ఎదురయితే ఎదుర్కొనేలా తూర్పు లడఖ్‌లోని ఎత్తైన ప్రాంతాల్లో అవసరమైనంత మేర బలగాలను ఆర్మీ మోహరించింది. ఉత్తరాఖండ్, సిక్కిమ్, అరుణాచల్ ప్రదేశ్ వంటి ఇతర ప్రాంతాల్లో 3,488 కిలోమీటర్ల వాస్తవాధీన రేఖ వెంబడి కూడా సైనిక సిబ్బందిని అప్రమత్తం చేశారు.

ఆర్మీ చీఫ్ ఎం ఎం నరవాణే అధ్యక్షతన కమాండర్స్ కాన్ఫరెన్స్ కొనసాగుతోంది. ఈ కాన్ఫరెన్స్‌కు ఆరు ఆపరేషనల్, ఒక శిక్షణా కమాండ్స్‌కు చెందిన సీనియర్ లెఫ్టినెంట్ జనరల్స్ హాజరయ్యారు. ఆయుధాల నిర్వహణ, ఆపరేషనల్ లాజిస్టిక్స్ గురించి గురువారం నాటి సమావేశంలో చర్చించడం విశేషం.

‘తూర్పు లడఖ్‌లోని ఎల్‌ఐసి మీదుగా పలు పాయింట్ల వద్ద చక్కటి సమన్వయంతో ఒకేసారి చొరబడటానికి పీపుల్స్ లిబరేషన్ ఆర్మీ ఆపరేషన్‌కు చైనా అగ్ర రాజకీయ-సైనిక నాయకత్వం పూర్తి మద్దతు ఉందనడంలో ఎటువంటి సందేహం లేదు.. స్థానిక కమాండర్లు అలాంటి దూకుడు నిర్ణయాలు తీసుకోలేరు’అని విశ్వసనీయ వర్గాలు తెలిపాయి.

‘తూర్పు లడఖ్‌లోని చుషౌల్, దౌలత్ బేగ్ ఓల్డీ (డీబీఓ) సరిహద్దు వ్యక్తిగత సమావేశ పాయింట్లలో రహదారి, వంతెన నిర్మాణాలు నిలిపియాలని చైనా పీపుల్స్ ఆర్మీ కమాండోలు డిమాండ్ చేస్తున్నారు. ఇవి తమ భూభాగంలోనే ఉన్నాయని, తమ ప్రాంతం నుంచి మీరే బేషరుతుగా వెనక్కు వెళ్లి యథాతథ స్థితిని పునరుద్ధరించడానికి సహకరించాలని ఇండియన్ ఆర్మీ కోరుతుంది’అని వ్యాఖ్యానించాయి.

గాల్వన్ లోయలోని పెట్రోలింగ్ పాయింట్స్ 14,15, గోగ్రా పోస్ట్, పాంగాంగ్ సరస్సు, దేమ్‌చోక్ వద్ద భారత్, చైనా సైనికులు వేలాదిగా మోహరించి ఉన్నారు. ఇరుపక్షాలు వేలాది మంది అదనపు దళాలను తరలించి, భారీ వాహనాలు, పర్యవేక్షణ సామాగ్రి సహా లాజిస్టిక్స్ సరఫరా మార్గాలను ఏర్పాటు చేశాయి. భారత్‌లోని పలు సరిహద్దుల వెంబడి 1,200 నుంచి 1,500 మంది సైనికులను మోహరించిన చైనా.. ఎల్ఏసీకి సమీపంలో మరో 5,000 మందిని అదనంగా తరలించింది.



Source link

Leave a Reply

Your email address will not be published. Required fields are marked *