china new lockdown: చైనాలో మళ్లీ కరోనా వ్యాప్తి.. మరోసారి లాక్‌డౌన్ – new lockdown in china as covid-19 cases reported in northeast jilin province


చైనాలో కరోనా వైరస్ మరోసారి కలవరపెడుతోంది. వైరస్ వ్యాప్తి అదుపులోకి వచ్చినట్టే వచ్చి మళ్లీ అలజడి సృష్టిస్తోంది. కొత్తగా కేసులు నమోదవుతుండటంతో మరోసారి లాక్‌డౌన్ ప్రకటిస్తూ చైనా ప్రభుత్వం నిర్ణయం తీసుకుంది. కొవిడ్-19 జన్మస్థానమైన వుహాన్ సిటీ ఉన్న హుబేయి ప్రావిన్స్‌లో కరోనా కట్టడి కోసం చైనా ఇప్పటికే 76 రోజుల పాటు లాక్‌డౌన్ విధించి ఇటీవలే సడలించిన విషయం తెలిసిందే. తాజాగా వుహాన్‌తో పాటు మరిన్ని ప్రాంతాల్లో కరోనా కలకలం రేగుతోంది. తాజాగా జిలిన్‌ ప్రావిన్స్‌లో కొత్తగా 34 కరోనా కేసులు బయట పడటంతో అప్రమత్తమైన చైనా అక్కడ లాక్‌డౌన్ విధిస్తూ నిర్ణయం తీసుకుంది. దీంతో ఈ ప్రావిన్స్‌లోని సుమారు 108 మిలియన్ల మంది మంగళవారం (మే 19) నుంచి నిర్బంధంలోకి వెళ్లిపోయారు.

ఈశాన్య చైనాలో భాగమైన జిలిన్‌ ప్రాంతంలో పాఠశాలలు, ప్రభుత్వ, ప్రైవేట్ కార్యాలయాలన్నీ మూతపడ్డాయి. బస్సులు, రైళ్ల రాకపోకలను నిలిపివేసినట్టు చైనా అధికారులు తెలిపారు. నిత్యావసర సరకులు కొనుగోలు చేసేందుకు ఒక్కో కుటుంబం నుంచి ఒకరికి మాత్రమే అనుమతి ఉంటుందని.. అది కూడా ప్రతి రెండు రోజులకు రెండు గంటల పాటు మాత్రమే అనుమతిస్తామని అధికారులు స్పష్టం చేశారు.

రెండోసారి కరోనా వ్యాప్తికి కారణమిదే..
రష్యా, ఇతర దేశాల నుంచి తిరిగొచ్చిన చైనా పౌరుల కారణంగా కొత్తగా కేసులు నమోదవుతున్నట్లు ప్రభుత్వం భావిస్తోంది. కరోనా కేసుల్లో రష్యా రెండో స్థానంలో ఉంది. అమెరికా తర్వాత ఆ దేశంలో కరోనా కేసులు అధికంగా నమోదవుతున్నాయి. చైనాలోని జిలిన్ ప్రాంతంలో శనివారం అకస్మాత్తుగా మూడు కేసులు నమోదు కాగా.. ఆదివారం మరో రెండు కేసులు నిర్ధారణ అయ్యాయని అధికారులు వెల్లడించారు. కరోనా వైరస్‌ను కట్టడి చేసేందుకు కఠిన చర్యలు అవలంబిస్తున్నట్టు జిలిన్‌ రాష్ట్రంలోని షులాన్‌ నగర ప్రభుత్వం తెలిపింది. కరోనా బాధితులు, అనుమానితులు ఉన్న ప్రదేశాలను పూర్తిగా కంటెయిన్‌మెంట్ చేసినట్లు వెల్లడించింది.

హుబేయి రాష్ట్ర రాజధాని వుహాన్‌‌లో కరోనా విజృంభణతో ఫిబ్రవరి, మార్చి నెలల్లో లాక్‌డౌన్‌ అమలు చేసిన విషయం తెలిసిందే. 76 రోజుల పాటు కఠినంగా లాక్‌డౌన్‌ అమలు చేసి కేసులు తగ్గుముఖం పట్టడంతో ఇటీవలే సడలించారు. దీంతో అక్కడ క్రమంగా సాధారణ పరిస్థితులు నెలకొంటున్నాయి. బస్సులు, రైళ్లు మళ్లీ ప్రారంభమయ్యాయి. అయితే.. మరోసారి కేసులు నమోదవుతుండటంతో వుహాన్ ప్రజల్లోనూ ఆందోళన నెలకొంది. ప్రభుత్వం ఏర్పాటు చేసిన పరీక్షా కేంద్రాల వద్దకు జనం పోటెత్తుతున్నారు. ఎలాంటి లక్షణాలు బయట పడకుండానే అక్కడ కొత్తగా కరోనా పాజిటివ్‌ కేసులు నమోదవుతుండటం మరింత ఆందోళన కలిగించే అంశం.

Photo Credit: Time Magazine

Also Read:కశ్మీర్‌లో మరో మేజర్ ఎన్‌కౌంటర్.. హిజ్బుల్ టాప్ కమాండర్ హతం

Must Read:కాళేశ్వరం ప్రాజెక్టుపై ఏపీ ఫిర్యాదు.. ఏపీ, తెలంగాణ జల జగడం తారాస్థాయికి



Source link

Leave a Reply

Your email address will not be published. Required fields are marked *