china sought india’s help: ఆ వివాదాస్పద చట్టం విషయంలో భారత్ సాయం కోరిన చైనా! – china sought india help for a tough national security law for hong kong


హాంకాంగ్ కోసం కఠినమైన జాతీయ భద్రతా చట్టాన్ని తీసుకురావడానికి ముందు భారత్‌తో సహా కీలక దేశాలకు చైనా వివరణ ఇచ్చింది. వేర్పాటువాద భావాలను అరికట్టడమే లక్ష్యంగా ఈ చట్టాన్ని తీసుకొస్తున్నట్టు డ్రాగన్ చెప్పుకొచ్చింది. ఈ చట్టంపై విమర్శలు వెల్లువెత్తడంతో తప్పనిసరి పరిస్థితుల్లో మౌఖిక, లిఖితపూర్వక వివరణ ఇవ్వడం గమనార్హం. హాంకాంగ్ స్పెషల్ అడ్మినిస్ట్రేటివ్ రీజియన్ (హెచ్‌కెఎస్‌ఎఆర్)లో ‘జాతీయ భద్రతను సమర్థించడం’పూర్తిగా చైనా అంతర్గత వ్యవహారం.. ఈ విషయంలో ఏ దేశమూ జోక్యం చేసుకోజాలదు’అని దౌత్యపరంగా సంబంధాలు కొనసాగుతున్న భారత్ సహా అన్ని దేశాలకు గుర్తు చేసిందని ఏజెన్సీ నివేదికలు తెలిపాయి.

గతేడాది ఆగస్టులో జమ్మూ కశ్మీర్‌కు ప్రత్యేక హోదా రద్దుచేసిన సమయంలో భారత్.. ఇది తమ అంతర్గత వ్యవహారమని ప్రపంచ దేశాలకు స్పష్టం చేసిన విషయం తెలిసిందే. ఈ నేపథ్యంలో చైనా శుక్రవారం హాంకాంగ్‌లో జాతీయ భదత్ర చట్టం ప్రవేశపెట్టింది. దీంతో 1997లో ఈ ద్వీపం చైనా పాలనలోకి తిరిగి వచ్చినప్పటి నుంంచి అనుసరించిన ‘ఒక దేశం, రెండు వ్యవస్థలు’ విధానానికి ముగింపు పలికింది.

‘మీ దేశం హాంకాంగ్‌తో ఆర్థిక, వాణిజ్య సహకారాన్ని అలాగే ప్రజల మధ్య సంబంధాలను నిర్వహిస్తుంది’ అని డిమార్చే తెలిపింది. ‘హాంకాంగ్ శ్రేయస్సు, దీర్ఘకాలిక స్థిరత్వం మీ దేశంతో సహా మొత్తం అంతర్జాతీయ సమాజంలోని సాధారణ ప్రయోజనాలకు అనుగుణంగా ఉంటుంది. అలాగే హాంకాంగ్‌లో మీ దేశం చట్టబద్ధమైన ఆసక్తుల రక్షణకు అనుగుణంగా ఉంటుంది. మీ ప్రభుత్వం చైనా విధానాలను అర్థం చేసుకుంటుందని, మద్దతు ఇస్తుందని మేము ఆశిస్తున్నాం’ అని పేర్కొంది.

‘23 ఏళ్ల కిందట తమ స్వాధీనంలోకి హాంకాంగ్ వచ్చినప్పటి నుంచి చైనా రాజ్యాంగం, ప్రాథమిక చట్టానికి అనుగుణంగా జాతీయ భద్రత కోసం హాంకాంగ్ ఎస్ఏఆర్ తన రాజ్యాంగ విధులను అమలు చేయలేదు.. హాంకాంగ్ న్యాయ వ్యవస్థలో లొసుగులు ఉన్నాయి.. అమలు చేసే విధానం లేకపోవడంతో చైనాకు వ్యతిరేకంగా వేర్పాటువాద, అణచివేత, చొరబాటు, విధ్వంసం వంటి చర్యలకు హాంకాంగ్‌లోని ప్రతిపక్షాలు బాహ్య శక్తులతో చాలాకాలంగా అంటకాగుతున్నాయని’ వ్యాఖ్యానించింది.



Source link

Leave a Reply

Your email address will not be published. Required fields are marked *