chiranjeevi sarja died: కన్నడ యంగ్ హీరో చిరంజీవి ఆకస్మిక మరణం – young kannada actor chiranjeevi sarja died due to shortness of breath


కన్నడ చిత్రసీమలో విషాదం చోటుచేసుకుంది. యంగ్ హీరో చిరంజీవి సర్జ ఆకస్మిక మరణం అందరినీ షాక్‌కు గురిచేసింది. కన్నడలో ప్రతిభావంతుడైన నటుడిగా గుర్తుంపు తెచ్చుకున్న చిరంజీవి సర్జ ఆదివారం మధ్యాహ్నం గుండెపోటుతో బెంగళూరులో మృతి చెందారు. ఆయన వయసు 39 సంవత్సరాలు.

శనివారం మధ్యాహ్నం భోజనం చేసిన తరవాత చిరంజీవి ఊపిరి పీల్చుకోవడానికి ఇబ్బంది పడుతుండటంతో ఆయన్ని కుటుంబ సభ్యులు జయనగర్‌లోని సాగర్ అపో హాస్పిటల్‌కు తీసుకెళ్లారు. అక్కడ చికిత్స పొందుతూ ఆదివారం చిరంజీవి తుదిశ్వాస విడిచారు. గుండెపోటు రావడంతో ఆయన మృతి చెందినట్టు డాక్టర్లు నిర్ధారించారని సమీప బంధువు తెలియజేశారు. చిరంజీవి గొంతులోని నమూనాలను పరీక్షలకు పంపినట్టు తెలిపారు.

చిరంజీవి ఆకస్మిక మరణంతో ఆయన అభిమానులు షాక్‌కు గురయ్యారు. సోషల్ మీడియా ద్వారా తమ అభిమాన నటుడికి కన్నీటి నివాళి అర్పిస్తున్నారు. కన్నడలోని మంచి యూత్ ఫాలోయింగ్ ఉన్న హీరోల్లో చిరంజీవి ఒకరు. ఆయన చాలా ఫిట్‌గా ఉంటారు. అలాంటి వ్యక్తి గుండెపోటుతో మృతిచెందారంటే చాలా మంది నమ్మలేకపోతున్నారు. కాగా, యాక్షన్ కింగ్ అర్జున్‌కు ఈ చిరంజీవి సర్జ సమీప బంధువు. వరసకు కొడుకు అవుతారు.

చిరంజీవికి భార్య మేఘన రాజ్ ఉన్నారు. మేఘనను 2018లో చిరంజీవి వివాహం చేసుకున్నారు. దర్శకుడు సుందర్ రాజ్, నటి ప్రమీల జోషాయి దంపతుల కుమార్తె ఈ మేఘన రాజ్. చిరంజీవి ఇప్పటి వరకు 22 కన్నడ సినిమాల్లో నటించారు. 2009లోని ‘వాయుపుత్ర’ సినిమాతో చిరంజీవి తన కెరీర్‌ను మొదలుపెట్టారు. చిరంజీవి ఆఖరి సినిమా ‘శివార్జున’. లాక్‌డౌన్ అమల్లోకి రావడానికి కొన్ని రోజుల ముందే ఈ సినిమా విడుదలైంది.



Source link

Leave a Reply

Your email address will not be published. Required fields are marked *