chirla jaggireddy: తూ.గో: మరో వైసీపీ ఎమ్మెల్యే సంచలన వ్యాఖ్యలు – ysrcp mla chirla jaggireddy sensational comments on sand issue


వైఎస్సార్‌సీపీ ఎమ్మెల్యేలు ఒక్కోక్కరుగా నిరసనలు మొదలుపెట్టారు. అధికారంలోకి వచ్చి ఏడాది అవుతున్నా పనులు జరగడం లేదని.. సమస్యలు పరిష్కరించలేకపోతున్నామని ఒక్కోక్కరుగా బయటకు వస్తున్నారు. తాజాగా తూర్పుగోదావరి జిల్లా కొత్తపేట ఎమ్మెల్యే చిర్ల జగ్గిరెడ్డి ఇసుక వ్యవహారంపై సంచలన వ్యాఖ్యలు చేశారు. ఇసుక విధానం అమల్లో ఏపీఎండీసీ పూర్తిగా విఫలమైందన్నారు. తన నియోజకవర్గంలో సమస్యల్ని రావులపాలెంలోని సీఆర్సీలో ఇసుక తరలింపుపై నిర్వహించిన అవగాహన సదస్సులో ప్రస్తావించారు.

కాలువ రేవు నిర్మాణం కోసం ఏపీఎండీసీకి కాంట్రాక్టర్ ఇసుక కోసం రూ.14 వేలు చెల్లించారని.. పర్మిషన్ ఇచ్చి మూడు రోజులైనా ఇసుక సరఫరా చేయలేదన్నారు ఎమ్మెల్యే. ఆత్రేయపురం మండలం తాడిపూడి ఇసుక ర్యాంపు ఉన్నా సీసీ కెమెరాలు లేవని నిలిపేశారన్నారు. ఆన్‌లైన్‌లో ఇసుక ఆర్డర్‌ ఇద్దామనుకుంటే ఐదు నిమిషాల్లోనే అయిపోతోందన్నారు. పొలాల్లో మెరకగా ఉన్న మట్టిని తరలిస్తున్న రైతులపైనా అనుమతుల్లేవని కేసులు పెడుతున్నారని.. ముందు తనపై కేసు పెట్టాలన్నారు.

తన నియోజకవర్గ పరిధిలో 10 ఇసుక ర్యాంపులు ఉన్నా ఒక్కటీ ప్రారంభించలేదన్నారు జగ్గిరెడ్డి. వశిష్ట, గౌతమి గోదావరి చుట్టూ ఇసుక ఉన్నా ఎక్కడికో వెళ్లాల్సిన పరిస్థితి ఉందన్నారు. పొడగట్లపల్లిలో రేవు నిర్మాణానికి రెండు ట్రాక్టర్ల ఇసుక కావాలని కలెక్టర్‌, డీఎస్పీ, రెవెన్యూ అధికారులకు లేఖ రాసినా ఫలితం లేకుండా పోయిందన్నారు. ఇసుక విషయంలో జగ్గిరెడ్డి చేసిన వ్యాఖ్యలు సంచలనంగా మారాయి.



Source link

Leave a Reply

Your email address will not be published. Required fields are marked *