Chittoor YSRCP Clashes: చిత్తూరు: మహిళల మధ్య వివాదం.. రాళ్లు, బీరు సీసాలతో దాడిచేసుకున్న వైసీపీ వర్గాలు – clashes between two ysrcp follower groups at kv palli mandal in chittoor district


చిత్తూరు జిల్లా కేవీ పల్లె మండలం నక్కలదిన్నె వడ్డేపల్లి, నూతన కాల్వలో వైఎస్ఆర్సీపీ నేతల మధ్య ఘర్షణ చోటుచేసుకుంది. శనివారం రాత్రి చిన్నగా మొదలైన వాగ్వాదం చివరకు ఒకరిపై ఒకరు దాడిచేసుకునే వరకూ వెళ్లింది. నీటి విషయంలో మహిళల మధ్య మొదలైన వివాదం.. రాళ్లు, కర్రలతో దాడులు చేసుకునే స్థాయికి చేరింది. ఈ ఘటనలో వడ్డేపల్లి, నూతన కాల్వ గ్రామస్థులు రెండు వర్గాలుగా విడిపోయి ఒకరిపై ఒకరు దాడిచేసుకున్నారు.

అర్ధరాత్రి నుంచి తెల్లవారుజాము వరకు రాళ్లు, బీరు సీసాలతో దాడులకు పాల్పడ్డారు. ఈ దాడుల్లో భారీగా ఆస్తి నష్టం వాటిళ్లింది. కార్లు, ద్విచక్రవాహనాలు ధ్వంసం కాగా.. కొన్నింటికి నిప్పంటించారు. దీంతో పలు వాహనాలు ధ్వసంమయ్యాయి. తాగునీటి విషయంలో మహిళల మధ్య చెలరేగిన వివాదం చివరికి రెండు గ్రామాల మధ్య ఘర్షణకు దారితీసింది. బీరు సిసాలు, రాళ్లతో దాడులు చేసుకోవడంతో మహిళలు, చిన్న పిల్లలు భయభ్రాంతులకు గురయ్యారు. గొడవ గురించి సమాచారం అందుకున్న పోలీసులు ఘటనా స్థలికి చేరుకుని పరిస్థితిని సమీక్షించారు.

మదనపల్లె ఎస్పీ రవి అక్కడకు చేరుకుని పరిస్థితి గురించి ఆరా తీశారు. బలగాలతో అక్కడకు చేరుకున్న ఆయన.. పరిస్థితిని అదుపులోకి తెచ్చారు. రెండు గ్రామాల్లో అవాంఛనీయ ఘటనలు చోటుచేసుకోకుండా పోలీసులతో పికెటింగ్ ఏర్పాటుచేశారు. ఈ దాడిలో నలుగురు గాయపడినట్టు పోలీసులు తెలిపారు. కేసు నమోదుచేసిన పోలీసులు.. పలువుర్ని అదుపులోకి తీసుకున్నట్టు తెలుస్తోంది.



Source link

Leave a Reply

Your email address will not be published. Required fields are marked *