CKP Co-operative Bank: షాక్.. ఆ బ్యాంక్ లైసెన్స్‌ను రద్దు చేసిన ఆర్‌బీఐ.. కస్టమర్లకు రూ.5 లక్షలు! – reserve bank of india cancels ckp co-operative bank’s licence; depositors to get up to rs 5 lakh


ప్రధానాంశాలు:

  • బ్యాంక్ లైసెన్స్ రద్దు
  • నిబంధనల అతిక్రమణ నేపథ్యంలో
  • దీంతో కస్టమర్లపై ప్రభావం

మీకు బ్యాంక్ అకౌంట్ ఉందా? అయితే మీకు కొన్ని విషయాలు తెలుసుకోవాలి. ఇక్కడ ఏదీ శాశ్వతం కాదు. అవును బ్యాంకులు కూడా. ఎందుకంటారేమో బ్యాంకుల పనితీరు బాగోలేకపోతే.. లేదంటే ఏమైనా అవకతవకలు జరిగితే ఆ బ్యాంక్ కనుమగురు అవుతున్నాయి. ఎలా అంటారా? రిజర్వు బ్యాంక్ ఆఫ్ ఇండియా అలాంటి బ్యాంకుల లైసెన్స్‌లను రద్దు చేసేస్తుంది. ఇప్పుడు కూడా ఇలాంటి ఘటనే ఒకటి జరిగింది.

RBI తాజాగా సీకేపీ కోఆపరేటివ్ బ్యాంక్ కార్యకలాపాలను నిలిపివేసింది. బ్యాంక్ లైసెన్స్‌ను రద్దు చేస్తున్నట్లు ప్రకటించింది. ‘బ్యాంక్ ఆర్థిక పరిస్థితి ఏమాత్రం బాగోలేదు. బ్యాంక్ కొనసాగడం కష్టం. బ్యాంక్ వద్ద సరైన పునరుద్ధరణ ప్రణాళికలు కూడా లేవు. ఇతర బ్యాంక్‌తో విలీనం చేసే ప్రతిపాదన కూడా లేదు. బ్యాంక్ మేనేజ్‌మెంట్ నుంచి పునరుద్ధరణకు సంబంధించిన ఎలాంటి స్పందన లేదు’ అని ఆర్‌బీఐ తెలిపింది.

Also Read: శుభవార్త.. భారీగా తగ్గిన బంగారం ధర.. వెండిదీ ఇదే దారి.. లేటెస్ట్ రేట్లు ఇలా!

సీకేపీ కో ఆపరేటివ్ బ్యాంక్ ప్రస్తుత డిపాజిటర్లు, భవిష్యత్ డిపాజిటర్లకు డబ్బులు చెల్లించే స్థితిలో కూడా లేదని ఆర్‌బీఐ పేర్కొంది. కనీస మూలధన నిల్వలు నిబంధనలను కూడా బ్యాంక్ అతిక్రమించిందని తెలిపింది. బ్యాంక్‌కు ఇప్పటికే చాలా గడువు ఇచ్చామని, కానీ బ్యాంక్ పనితీరు ఏమాత్రం ఆశాజనకంగా లేదని అందుకే లైసెన్స్ రద్దు చేస్తున్నామని వివరించింది.

బ్యాంక్ కార్యకలాపాల కొనసాగింపునకు ఇంకా గడువు ఇస్తే.. దీని వల్ల బ్యాంక్ కస్టమర్లపై మరింత ప్రతికూల ప్రభావం పడే అవకాశముందని ఆర్‌బీఐ తెలిపింది. బ్యాంక్ లైసెన్స్ రద్దు చేసిన నేపథ్యంలో డిపాజిటర్లు భయపడాల్సిన అవసరం లేదని, డీఐసీజీసీ నిబంధనల ప్రకారం వీరికి డిపాజిట్ల చెల్లింపులు ఉంటాయని పేర్కొంది. బ్యాంక్‌లో డబ్బులు డిపాజిట్ చేసిన వారికి గరిష్టంగా రూ.5 లక్షల వరకు డబ్బులు లభిస్తాయి.



Source link

Leave a Reply

Your email address will not be published. Required fields are marked *