cm jagan: కన్నబాబు అన్న ఫస్ట్ ముందుకొచ్చారు, తర్వాతే అంతా.. సీఎం జగన్ ఆసక్తికర వ్యాఖ్యలు – cm jagan interesting comments on minister kannababu amid of video conference


విశాఖపట్నం గ్యాస్ లీక్ దుర్ఘటన తనను కలచివేసిందని ముఖ్యమంత్రి వైఎస్ జగన్మోహన్‌రెడ్డి అన్నారు. ఆ దుర్ఘటన జరిగినప్పుడు అధికార యంత్రాంగమంతా చాలా వేగంగా స్పందించారని కొనియాడారు. విశాఖ గ్యాస్ లీక్ బాధిత గ్రామాల ప్రజలకు రూ. 10 వేల చొప్పున పరిహారం అందజేసే కార్యక్రమాన్ని సీఎం జగన్ వీడియో కాన్ఫరెన్స్ ద్వారా ప్రారంభించారు. సీఎం జగన్ బటన్ నొక్కడంతో దాదాపు 20 వేల మంది బాధిత ప్రజలందరి ఖాతాల్లో డబ్బు జమ అయ్యాయి. అనంతరం సీఎం జగన్ మాట్లాడుతూ.. ప్రజలు కూడా తీవ్రంగా ఆందోళన చెందినట్లు తెలిపారు.

Must Read: గ్యాస్ లీక్ గ్రామంలో ప్రత్యేక ఆస్పత్రి, అందరికీ స్పెషల్ హెల్త్ కార్డులు.. సీఎం జగన్ కీలక ప్రకటన

అయితే ఆ సమయంలో ప్రజల్లో భరోసా నింపేందుకు బాధిత గ్రామాల్లో పల్లె నిద్ర చేయాలని కలెక్టర్‌కు సూచించినట్లు తెలిపారు. ఆ సమయంలో పక్కనే ఉన్న కన్నబాబు అన్న (రాష్ట్ర వ్యవసాయ శాఖ మంత్రి కురసాల కన్నబాబు) కల్పించుకుని తాను కూడా పల్లె నిద్ర చేస్తానని చెప్పినట్లు గుర్తు చేశారు. మంత్రి కన్నబాబు చెప్పిన తర్వాత ఇతర మంత్రులు, ఎంపీలు కూడా గ్రామాల్లో పల్లె నిద్ర చేశారని పేర్కొన్నారు. తన మంత్రి వర్గంలో ఇంత మంచి వారు ఉండటం గర్వంగా ఉందని సీఎం జగన్ పేర్కొన్నారు.

దీంతో సీఎం జగన్‌కు మంత్రి కన్నబాబు కృతజ్ఞతలు తెలిపారు. మీలాంటి మానవీయ కోణం ఉన్న ముఖ్యమంత్రి ఉండటం గొప్ప విషయమన్నారు. ఆరోజు బాధిత కుటుంబాలకు అంత పెద్ద మొత్తంలో నష్ట పరిహారం ప్రకటిస్తున్నప్పుడు ఆశ్చర్యం వేసిందన్నారు. రూ. కోటి పరిహారంపై ప్రతిపక్షం స్పందిచాలన్నా మూడు రోజులు పట్టిందని పేర్కొన్నారు.

Also Read: విశాఖ దుర్ఘటన జరిగినప్పుడు అదే గుర్తొచ్చింది, అందుకే రూ. కోటి పరిహారం: సీఎం జగన్



Source link

Leave a Reply

Your email address will not be published. Required fields are marked *