CM KCR: కంటైన్మెంట్ మినహా తెలంగాణ మొత్తం గ్రీన్ జోన్, పనులన్నీ ప్రారంభం.. సీఎం కేసీఆర్ సంచలన ప్రకటన – cm kcr announces all districts in telangana as green zones except containment areas


రోనా వైరస్ కట్టడి విషయంలో తెలంగాణ ముఖ్యమంత్రి సంచలన నిర్ణయం తీసుకున్నారు. కంటెయిన్‌మెంట్ జోన్లు మినహా రాష్ట్రమంతా గ్రీన్ జోన్‌గా ప్రకటించారు. మంగళవారం (మే 19) ఉదయం నుంచి ఆయా ప్రాంతాల్లో కార్యకలాపాలు ప్రారంభించుకోవడానికి గ్రీన్ సిగ్నల్ ఇచ్చారు. మంగళవారం ఉదయం నుంచి రాష్ట్రంలో ఆర్టీసీ బస్సు సేవలు ప్రారంభమవుతాయని ప్రకటించారు. కొవిడ్-19 నిబంధనలు పాటిస్తూ కార్యకలాపాలు కొనసాగంచవచ్చని స్పష్టం చేశారు. సుదీర్ఘంగా కొనసాగిన మంత్రివర్గ సమావేశం అనంతరం సోమవారం రాత్రి సీఎం కేసీఆర్ మీడియాతో మాట్లాడారు.

రాష్ట్రంలో మే 31 వరకు లాక్‌‌డౌన్‌‌ను పొడిగిస్తున్నట్లు సీఎం కేసీఆర్‌ ప్రకటించారు. తెలంగాణలో లాక్‌డౌన్‌ను మే 29 వరకు పొడిగిస్తూ గతంలో నిర్ణయం తీసుకున్న విషయం తెలిసిందే. కేంద్ర ప్రభుత్వ మార్గదర్శకాలకు అనుగుణంగా రాష్ట్రంలోనూ లాక్‌డౌన్‌ను మరో రెండు రోజులు పొడిగిస్తూ ముఖ్యమంత్రి నిర్ణయం తీసుకున్నారు. అయితే.. కంటైన్‌‌మెంట్‌ జోన్లు మినహా మిగిలిన ప్రాంతాల్లో కొన్ని సడలింపులు ఇస్తున్నట్లు తెలిపారు.

Also Read:కాళేశ్వరం, గోదావరి ప్రాజెక్టులపై ఏపీ ఫిర్యాదు.. జల జగడం తారాస్థాయికి

తెలంగాణలో అనుమతి ఇచ్చిన కార్యకలాపాల వివరాలు:
* ప్రభుత్వ, ప్రైవేట్ కార్యాలయాలు తెరుచుకోవచ్చు.
* సెలూన్లు తెరుచుకోవచ్చు.
* ఇ-కామర్స్ సంస్థలు కార్యకలాపాలు కొనసాగించడానికి అనుమతి.
* అన్ని రకాల పరిశ్రమలు, మాన్యూఫ్యాక్చరింగ్ యూనిట్లు తమ కార్యకలాపాలు ప్రారంభించుకోవచ్చు.
* రాష్ట్రంలో మంగళవారం ఉదయం నుంచి బస్సు సేవలు ప్రారంభం.

అనుమతులు లేనివి..
* అన్ని రకాల విద్యాసంస్థలు, శిక్షణా కేంద్రాలు మే 31 వరకు బంద్‌
* సినిమా థియేటర్లు, పంక్షన్‌ హాళ్లకు అనుమతి లేదు.
* బార్లు, పబ్బులు, క్రీడా మైదానాలు, జిమ్‌లు, స్విమ్మింగ్ పూల్స్, పార్కులపై మే 31 వరకు ఆంక్షలు కొనసాగింపు
* మెట్రో రైలు సేవలు మే 31 వరకు బంద్‌.
* హైదరాబాద్ నగరంలో సిటీ బస్సులు బంద్.
* అంతర్రాష్ట్ర బస్సు సర్వీసులకు మే 31 వరకు అనుమతి లేదు.
* అన్ని రకాల ప్రార్థనా మందిరాలు, దేవాలయాలు, ధార్మిక కార్యక్రమాలపై మే 31 వరకు ఆంక్షలు కొనసాగింపు.

Also Read:లాక్‌డౌన్ 4.0: వేటికి అనుమతి? వేటికి లేదు?



Source link

Leave a Reply

Your email address will not be published. Required fields are marked *