cm kcr ration kits: వరద బాధితులకు సీఎం రేషన్ కిట్.. దుప్పట్లు కూడా పంపిణీ – cm relief ration kits to be distributed at doorstep of flood hit families


తెలంగాణ ప్రజల్ని వర్షాలు వీడటం లేదు. ఇప్పటికే కురిసన వానలతో ప్రజలంతీ తీవ్ర ఇబ్బందులు పడుతున్నారు. పలువురు వరద నీటిలో చిక్కుకొని తిండి నిద్ర లేక అవస్థలు పడుతున్నారు. దీంతో వరద బాధితులకు సహాయం చేసేందుకు రాష్ట్ర ప్రభుత్వం ముందుకొచ్చింది. వరద బాధితులకు ఇంటి వద్దకే సీఎం రిలీఫ్‌కిట్‌ను అందించాలని నిర్ణయించింది. హైదరాబాద్‌ నగరంలో వరదల ముందున్న సాదారణ స్థితికి తెచ్చేందుకు అవసరమైన అన్ని చర్యలు చేపట్టాలని రాష్ట్ర పురపాలక శాఖ మంత్రి కేటీఆర్ అధికారులను ఆదేశించారు.

Read More: హైదరాబాద్‌లో మళ్లీ భారీ వర్షం.. లోతట్టు ప్రాంతాల వారిలో వణుకు

శనివారం జీహెచ్‌ఎంసీ ప్రధాన కార్యాలయంలో మేయర్‌ బొంతురామ్మోహన్‌, పురపాలక శాఖ ముఖ్యకార్యదర్శి అర్వింద్‌కుమార్‌తో కలిసి అధికారులతో సమీక్షాసమావేశం నిర్వహించారు మంత్రి కేటీఆర్. వరద ప్రభావిత ప్రాంతాల్లో చేపట్టాల్సిన చర్యల గురించి దిశానిర్ధేశం చేశారు. సీఎం కేసీఆర్ ఆదేశాల మేరకు ఇస్తున్న సీఎం రిలీఫ్‌ కిట్‌లను వరద బాదిత కుటుంబాల ఇండ్ల వద్దకు వెళ్లి అందజేయాలని స్పష్టం చేశారు. రూ.2,800 విలువైన సీఎం రిలీఫ్‌ కిట్‌లో ఒక నెలకు సరిపడ నిత్యవసర వస్తువులతో పాటు 3 బ్లాంకెట్లు ఇస్తున్నట్టు తెలిపారు.

వరద బాధితులకు సీఎం రిలీఫ్ ఫండ్ ద్వారా తెలంగాణ ప్రభుత్వం అందిస్తున్న రేషన్ కిట్ లోని సరుకులు వివరాలు చూస్తే…

బియ్యం – 5kg
పప్పు – 1kg
వంట నూనె – 500ml
కారంపొడి – 200 gm
పసుపు – 100 gm
ఉప్పు – 1kg
చింతపండు – 250 gm
గోధుమ పిండి – 1kg
చాయ్ పత్తి – 100 gm
చక్కెర – 500 gm

వీటితో పాటు వరద బాధితులకు దుప్పట్లను కూడా అందిస్తున్నారు. వెంటనే వరద ప్రాంతాల్లో ఆరోగ్యకరమైన వాతావరణాన్ని తీసుకొచ్చే అన్ని చర్యలను యుద్దప్రాతిపదికన తీసుకోవాలని అధికారులను ఆదేశించారు. అందుకు స్పెషల్‌ శానిటేషన్‌ డ్రైవ్‌ పటిష్టంగా నిర్వహించాలని తెలిపారు. యాంటి లార్వా స్ప్రేయింగ్‌, సోడియం హైపోక్లోరైట్‌, క్రిమీసంహారక ద్రావనాలను అన్ని వరద ప్రభావిత ప్రాంతాల్లో పిచికారి చేయించాలని ఆదేశించారు



Source link

Leave a Reply

Your email address will not be published. Required fields are marked *