coroanavirus : అమెరికాలో చిక్కుకున్న హాకీ ఒలింపియ‌న్‌ – india former olympian ashok diwan stuck in the usa due to international borders close


క‌రోనా వైర‌స్ ప్ర‌పంచ‌వ్యాప్తంగా వేగంగా విస్త‌రిస్తున్న సంగ‌తి తెలిసిందే. ఇప్ప‌టివ‌ర‌కు సుమారు 15 ల‌క్ష‌ల మందికిపైగా పాజిటివ్‌గా తేలారు. అలాగే 88 వేల‌మందికిపైగా మ‌ర‌ణించారు.

Subani Shaik |
Samayam Telugu | Updated:

Ashok Diwan

క‌రోనా వైర‌స్ కార‌ణంగా అంత‌ర్జాతీయంగా స‌రిహ‌ద్దులు మూసివేసిన సంగ‌తి తెలిసిందే. చాలామంది భార‌తీయులు వివిధ దేశాల్లో ప‌ర్య‌ట‌న‌కు వెళ్లి, అక్క‌డే చిక్కుకున్నారు. తాజాగా వీరి జాబితాలో 1975 హాకీ ప్ర‌పంచ‌క‌ప్‌ను సాధించిన భార‌త జ‌ట్టు స‌భ్యుడు, 1976 ఒలింపియ‌న్ అశోక్ దివాన్ చేరారు. త‌ను అమెరికాలో చిక్కుకున్న‌ట్లు తాజాగా భారత ఒలింపిక్ సంఘం (ఐఓఏ)కు లేఖ రాశాడు. గ‌త డిసెంబ‌ర్‌లో అక్క‌డికి వెళ్లిన దివాన్‌.. ఈనెల 20న స్వ‌దేశానికి రావాల్సి ఉంది.


Read Also: స్మిత్: ఆ భారత స్పిన్న‌ర్‌ను ఎదుర్కోవ‌డం క‌ష్టం


అయితే అమెరికాలో ప్ర‌యాణాల‌ను నిషేధించ‌డంతో త‌ను అక్క‌డే చిక్కుకుపోయిన‌ట్లు లేఖ‌లో దివాన్ వివ‌రించాడు. మరోవైపు త‌న ఆరోగ్య ప‌రిస్థితి కూడా బాగా లేద‌ని 65 ఏళ్ల దివాన్ వివ‌రించాడు. మరోవైపు గతవారం ఆరోగ్యం క్షీణించ‌డంతో ఎమ‌ర్జెన్సీ వార్డుకు త‌ర‌లించారు. ప్ర‌స్తుతం తాను కోలుకుంటున్నాడు. త‌న విష‌యాన్ని కేంద్ర క్రీడామంత్రి దృష్టికి తీసుకెళ్లాల‌ని, అమెరికాలోని భార‌త ఎంబ‌సీ అధికారులను ఈ విష‌యంలో సాయం కోసం ఆదేశించాల‌ని కోరారు.

Read Also: ఆ సమ‌యం న‌ర‌కంలాగా అన్పించింది: పృథ్వీ షా


మ‌రోవైపు త‌న‌కు హెల్త్ ఇన్సూరెన్స్ కూడా లేద‌ని, అమెరికాలో వైద్య చికిత్స‌కు చాలా ఖ‌ర్చ‌వుతుంద‌ని దివాన్ ఈ సంద‌ర్భంగా తెలిపాడు. మరోవైపు ప్ర‌పంచవ్యాప్తంగా క‌రోనా వైర‌స్ పాజిటివ్ కేసులు అమెరికాలోనే ఎక్కువ న‌మోద‌య్యాయి. ఇప్ప‌టివ‌ర‌కు 4 ల‌క్ష‌ల 35 వేల మంది పాజిటివ్‌గా తేలారు. అలాగే 14 వేల 7 వంద‌ల‌కుపైగా మ‌ర‌ణించారు.

 

Telugu News App ఏపీ, తెలంగాణకు సంబంధించిన లేటెస్ట్ అప్‌డేట్స్‌, జాతీయ, అంతర్జాతీయ, ఎడ్యుకేషన్, బిజినెస్, సినిమా, ఆధ్యాత్మికం, స్పోర్ట్స్, వైరల్ కథనాల కోసం తెలుగు సమయం యాప్‌ను డౌన్‌లోడ్ చేసుకోండి.

Web Title india former olympian ashok diwan stuck in the usa due to international borders close

(Telugu News from Samayam Telugu , TIL Network)





Source link

Leave a Reply

Your email address will not be published. Required fields are marked *