corona cases in ap : ఏపీలో మరో మూడు కరోనా కేసులు… 135కు పెరిగిన సంఖ్య – three more corona positive case in andhra pradesh total number raise to 135


ఆంధ్రప్రదేశ్‌లో కరోనా పాజిటివ్ కేసుల సంఖ్య క్రమంగా పెరుగుతోంది. తాజాగా ఏపీలో మరో మూడు కరోనా పాజిటివ్ కేసులు నమోదు అయ్యాయి. దీంతో గురువారం ఒక్కరోజే ఇప్పటివరకు 24 కరోనా పాజిటివ్ కేసులు నమోదయ్యాయి. దీంతో ఏపీలో 135కు కరోనా పాజిటివ్‌ కేసుల సంఖ్య చేరింది. కేవలం కొన్ని గంటల వ్యవధిలో మరో 24 కొత్త కేసుల నమోదు కావడంతో రాష్ట్ర వ్యాప్తంగా భయాందోళనలు వ్యక్తమవుతున్నాయి. రాష్ట్ర వ్యాప్తంగా విశాఖ, కృష్ణా, గుంటూరు, పశ్చిమగోదావరి, కడప, తూర్పుగోదావరి, ఒంగోలు ప్రాంతాల్లో కరోనా కేసులు నమోదు అయ్యాయి.


మరోవైపు దేశ వ్యాప్తంగా దేశంలో ఇప్పటివరకు 1965 కరోనా పాజిటివ్‌ కేసులు నమోదైనట్లు కేంద్ర ఆరోగ్యశాఖ అధికారులు ప్రకటించారు. కరోనా నుంచి 151 మంది బాధితులు కోలుకున్నారు. ఢల్లీ మర్కజ్‌ వచ్చిన వారిలో తెలంగాణ, ఆంధ్రప్రదేశ్‌, తమిళనాడు. పుదుచ్చేరి, అసోం, జమ్ముకశ్మీర్‌ వాసులున్నారు. జమాతే ఉదంతం వల్లే 400 పాజిటివ్‌ కేసులు వచ్చాయి. నిజాముద్దీన్‌ మార్కజ్‌ తర్వాత దేశవ్యాప్తంగా 9వేల మందిని క్వారంటైన్‌ చేశాం. మర్కజ్‌లో హాజరై అక్కడే ఉండిపోయిన వారిలో 1804 మందిని క్వారంటైన్‌ చేసినట్లుగా తెలిపారు. గడిచిన 24 గంటల్లో 328 కరోనా పాజిటివ్‌ కేసులు నమోదు కాగా, 12 మంది మృతి చెందారు. దేశవ్యాప్తంగా ఇప్పటి వరకు కరోనాతో 50 మంది మృతి చెందారని తెలిపారు.

మరోవైపు ఐసోలేషన్‌, కరోనా పరీక్షలపై దృష్టి సారించాలని ప్రధాని రాష్ట్రాలకు సూచించారు. దేశంలో కరోనా పరిస్థితులపై ప్రధాని అన్ని రాష్ట్రాల ముఖ్యమంత్రులతో వీడియో కాన్ఫరెన్స్ నిర్వహించారు. లాక్ డౌన్ తర్వాత చేపట్టాల్సిన చర్యలపై పలు సూచనలు చేశారు. కరోనా కోసం పనిచేస్తున్న సిబ్బందికి అవసరమైన అన్ని ఏర్పాట్లు చేయాలని ప్రధాని సూచించారు.





Source link

Leave a Reply

Your email address will not be published. Required fields are marked *