corona cases in telangana: 11 మంది గర్భిణులకు క్వారంటైన్.. ఆ డ్రైవర్ కారణంగా – health official decides to quarantine 11 pregnant women in secunderabad


సికింద్రాబాద్‌‌లోని ఈస్ట్ మారేడ్ పల్లిలో 11 మంది గర్భిణులను హోమ్ క్వారంటైన్ చేయాలని అధికారులు నిర్ణయించారు. కొద్ది రోజుల క్రితం 13 మంది గర్భిణులు 102 వాహనంలో వివిధ ఆసుపత్రులకు వెళ్లారు. చికిత్స నిమిత్తం వెళ్ళిన ఈ గర్భిణుల్లో ఇద్దరికి ప్రసవం అయింది. అయితే ఈ గర్భిణులను తీసుకువెళ్ళిన డ్రైవర్‌కు కరోనా పాజిటివ్ రావడంతో ఈ 11 మందిని హోమ్ క్వారంటైన్ చేస్తూ అధికారులు నిర్ణయం తీసుకున్నారు. వీళ్లందరికీ కూడా నిత్యం వైద్య పరీక్షలు నిర్వహిస్తున్నారు. మరోవైపు డెలివరీ అయిన ఇద్దరు మహిళలకు కూడా కరోనా పరీక్షలు నిర్వహించారు. వీళ్ళందరినీ ప్రత్యేక వార్డులో పెట్టి వైద్య పరీక్షలు నిర్వహిస్తున్నారు.

అయితే డ్రైవర్ కి కరోనా సోకడంతో అతనికి ఎక్కడ నుంచి సోకింది. ఎలా సోకింది, ఎవరి వల్ల సోకింది అన్న దానిపై అధికారులు ఆరా తీస్తున్నారు. వివిధ హాస్పిటళ్లకు వెళ్ళినప్పుడు అక్కడ ఎవరైనా కరోనా పేషెంట్‌తో డ్రైవర్ కాంటాక్ట్ అయి ఉండవచ్చునని అనుమానం వ్యక్తం చేస్తున్నారు. ఇప్పటికే డ్రైవర్‌ను గాంధీ ఆసుపత్రిలో ఉంచి చికిత్స నిర్వహిస్తున్నారు.

Also Read:

తెలంగాణలో కరోనా ఫ్రీ జిల్లాలివే.. ఇక్కడ ఒక్క కేసూ లేదు

మరోవైపు, కొత్తపేట మార్కెట్ ప్రాంతానికి చెందిన ఇద్దరు వ్యక్తులు కరోనా నుంచి పూర్తిగా కోలుకొని గురువారం ఇంటికి చేరుకున్నారు. వారిని డిశ్చార్జ్ చేసి అంబులెన్స్‌లో కొత్తపేట తీసుకు వచ్చారు. అనంతరం మార్కెట్ ప్రాంత వాసులు వారికి చప్పట్లతో స్వాగతం పలుకుతూ ఇంటికి ఆహ్వానించారు. ఏఎస్సై మూర్తి, పీహెచ్‌సీ లాబ్ టెక్నిషియన్ వి.సద్గుణరావు, హెడ్ కానిస్టేబుల్ శ్రీను, స్థానికులు తదితరులు ఉన్నారు.



Source link

Leave a Reply

Your email address will not be published. Required fields are marked *