corona positive cases in telangana: TS: భయపెడుతున్న కరోనా కేసులు.. ఆ జిల్లాల్లో మళ్లీ.. 77కి చేరిన మృతులు – 74 new corona cases reported in telangana, total covid death toll reaches to 77


తెలంగాణలో శనివారం ఒక్కరోజులో 74 కరోనా కేసులు నమోదయ్యాయి. వీటిలో 60 కరోనా కేసులు రాష్ట్రానికి చెందినవి కాగా, మరో 14 కరోనా కేసులు విదేశీయులు, వలసకార్మికులకు చెందినవి ఉన్నాయి. దీంతో రాష్ట్రంలో మొత్తం కరోనా కేసుల సంఖ్య 2,499కు చేరుకుంది. అయితే, లోకల్ కేసులు మాత్రం 2068 అని హెల్త్ బులెటిన్‌లో వివరించారు. అయితే, శనివారం మరో ఆరుగురు కరోనాతో చనిపోయినట్లుగా పేర్కొన్నారు. దీంతో ఇప్పటి వరకూ కరోనా మృతుల సంఖ్య 77కు చేరుకుంది.

గత కొన్ని రోజులుగా కరోనా కేసులు ఎక్కువగా జీహెచ్ఎంసీ, రంగారెడ్డి పరిధుల్లోనే ఎక్కువగా నమోదవుతున్నాయి. శనివారం నాడు గుర్తించిన కరోనా కేసుల్లో జిల్లాల్లోనూ కొత్త కేసులు నమోదుకావడం కలవర పరుస్తోంది. జీహెచ్ఎంసీ పరిధిలో 41, రంగారెడ్డి జిల్లాలో 5, మహబూబ్‌నగర్, జగిత్యాల జిల్లాల్లో 2 కేసుల చొప్పున, సంగారెడ్డిలో 3, సూర్యాపేట, వనపర్తి, వరంగల్ అర్బన్, వికారాబాద్, మేడ్చల్, నాగర్ కర్నూల్, నిజామాబాద్ జిల్లాల్లో ఒక్కో కేసు చొప్పున గుర్తించారు. ఇక నాన్ లోకల్ కేసుల్లో 9 మంది వలస కార్మికులకు, మరో ఐదుగురు వలస కార్మికులకు కరోనా సోకింది.

ఇప్పటి వరకూ కరోనా నుంచి కోలుకున్న వారు రాష్ట్రంలో 1412 మంది కాగా, యాక్టివ్ కేసులు రాష్ట్రంలో 1010 ఉన్నాయి. కరోనా కారణంగా శనివారం ఆరుగురు మరణించగా.. వారిలో ఇద్దరు చిన్నారులు ఉన్నారు. 24 రోజుల మగబిడ్డతో పాటు 3 నెలల మరో చిన్నారి కరోనాతో కన్నుమూశారు. మిగిలిన మృతుల్లో 47 ఏళ్లు, 52 ఏళ్లు, 58 ఏళ్లు, 62 ఏళ్ల వ్యక్తులు ఉన్నారు. వీళ్లు హైపర్‌టెన్షన్, హృదయ సంబంధిత ఇతర రుగ్మతలతో బాధపడుతున్నారని హెల్త్ బులిటెన్‌లో పేర్కొన్నారు. తాజా మరణాలతో తెలంగాణలో మొత్తం మరణాల సంఖ్య 77కు పెరిగింది.

Must Read:

Lockdown 5.0: మాల్స్‌కు గ్రీన్‌ సిగ్నల్.. వీటికి అనుమతి, వీటికి లేవు



Source link

Leave a Reply

Your email address will not be published. Required fields are marked *